ಅಮೆರಿಕದಿಂದ ಈ ದುಬಾರಿ ಔಷಧವನ್ನು ತರಿಸಿ ಚಿಕಿತ್ಸೆ ಕೊಡಿಸುವ ಸಲುವಾಗಿ ಸ್ಥಳೀಯ ಶಾಸಕ ಎಂ.ವಿಜಿನ್ ನೇತೃತ್ವದಲ್ಲಿ ಸಮಿತಿಯೊಂದನ್ನು ರಚಿಸಲಾಗಿತ್ತು. ಅವರು ಅಫ್ರಾ ಕೈಯಲ್ಲಿ ವಿನಂತಿ ಮಾಡಿಕೊಳ್ಳುವಂತೆ ಹೇಳಿ ವಿಡಿಯೋ ಮಾಡಿಸಿ, ಅದನ್ನು ಸೋಷಿಯಲ್ ಮೀಡಿಯಾದಲ್ಲಿ ಹರಿಯಬಿಟ್ಟಿದ್ದರು. ಮಾತ್ರವಲ್ಲ, ಈ ಬಗ್ಗೆ ಬಹಳಷ್ಟು ಮಾಧ್ಯಮಗಳಲ್ಲೂ ಸುದ್ದಿ ಪ್ರಕಟಗೊಂಡಿತ್ತು. ಒಟ್ಟಾರೆಯಾಗಿ ಇವೆಲ್ಲ ಎಷ್ಟರಮಟ್ಟಿಗೆ ಪರಿಣಾಮ ಬೀರಿತೆಂದರೆ, ಸೋಮವಾರ ಈ ಕುಟುಂಬ ಸದಸ್ಯರು, ಅಗತ್ಯಕ್ಕೂ ಮೀರಿದಷ್ಟು ಹಣ ಸಂಗ್ರಹವಾಗಿದ್ದು, ಇನ್ನು ಯಾರೂ ಇದಕ್ಕಾಗಿ ಹಣ ಕೊಡುವುದು ಬೇಡ ಎಂದು ವಿನಂತಿಸಿಕೊಳ್ಳುವಂತಾಗಿತ್ತು. ಸದ್ಯ ಅಗತ್ಯವಿರುವ ದುಬಾರಿ ಔಷಧವನ್ನು ಅಮೆರಿಕದಿಂದ ತರಿಸಿಕೊಳ್ಳುವ ಸಂಬಂಧ ಸೂಕ್ತಕ್ರಮ ಕೈಗೊಳ್ಳಬೇಕು ಎಂದು ಸಮಿತಿಯು ಸರ್ಕಾರವನ್ನು ಕೋರಿಕೊಂಡಿದೆ. (ಏಜೆನ್ಸೀಸ್)
