ಬೆಂಗಳೂರು ವಿಮಾನ ನಿಲ್ದಾಣದಿಂದ ಎಲೆಕ್ಟ್ರಾನಿಕ್ ಸಿಟಿಗೆ ಪ್ರಯಾಣಿಸಲು 4 ಸಾವಿರ ರೂ.! | ಚಾಲಕನ ವಿರುದ್ಧ ಸಾರಿಗೆ ಇಲಾಖೆಯಿಂದ ನೋಟಿಸ್

ಬೆಂಗಳೂರು: ಬೆಂಗಳೂರಿನ ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಎಲೆಕ್ಟ್ರಾನಿಕ್ ಸಿಟಿಗೆ ಪ್ರಯಾಣಿಸಲು ಉಬರ್ ಆ್ಯಪ್‌ನಲ್ಲಿ ಹೆಚ್ಚಿನ ದರ ತೋರಿಸುತ್ತಿದ್ದ ಸ್ಟ್ರೀನ್‌ಶಾಟ್ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದು, ರಸ್ತೆ ಸಾರಿಗೆ ಮತ್ತು ಸುರಕ್ಷತೆಯ ಆಯುಕ್ತ ಎಸ್ಎನ್ ಸಿದ್ದರಾಮಯ್ಯ ಮಂಗಳವಾರ ಪ್ರಾದೇಶಿಕ ಸಾರಿಗೆ ಕಚೇರಿಗೆ (ಆರ್‌ಟಿಒ) ಈ ಕುರಿತಾಗಿ ಸೂಚನೆ ನೀಡಿದ್ದಾರೆ.

ಇದನ್ನೂ ಓದಿ: ವಿದ್ಯುತ್ ಉಚಿತವೆಂದಿದ್ದಕ್ಕೆ ಕಾಂಗ್ರೆಸ್‌ಗೆ ವೋಟ್ ಹಾಕ್ದೆ: ಸೆಸ್ಕ್ ಸಿಬ್ಬಂದಿಗೆ ಎಲೆಚಾಕನಹಳ್ಳಿ ರೈತನ ಟಾಂಗ್

ಅವರು, ಸರ್ಜ್ ಪ್ರೈಸಿಂಗ್ ಮಾಡುವ ಮೂಲಕ ನಿಯಮ ಉಲ್ಲಂಘನೆಗಾಗಿ ಅಗ್ರಿಗೇಟರ್ ಕಂಪನಿಯ ವಿರುದ್ಧ ನೋಟಿಸ್ ನೀಡುವಂತೆ ಆರ್‌ಟಿಒಗೆ ನಿರ್ದೇಶಿಸಿದ್ದಾರೆ.

ವ್ಯಕ್ತಿಯೊಬ್ಬರು ಇತ್ತೀಚೆಗೆ ಟ್ವಿಟರ್‌ನಲ್ಲಿ ಉಬರ್ ಅಪ್ಲಿಕೇಶನ್‌ನ ಸ್ಟೀನ್‌ಶಾಟ್ ಅನ್ನು ಹಂಚಿಕೊಂಡಿದ್ದು ಅವರು ವಿಮಾನ ನಿಲ್ದಾಣದಿಂದ ಎಲೆಕ್ಟ್ರಾನಿಕ್ ಸಿಟಿಗೆ ಕ್ಯಾಬ್‌ಗಾಗಿ ಹುಡುಕುತ್ತಿರುವುದಾಗಿ ಹೇಳಿದರು. ಹೆಚ್ಚಿನ ಬೆಲೆಗಳನ್ನು ನೋಡಿ ಆಘಾತವಾಯಿತು ಎಂದು ಅವರು ಹೇಳಿದ್ದು ಅವರ ವಿಮಾನದ ಟಿಕೆಟ್‌ ಬೆಲೆ ಮತ್ತು ಊಬರ್​ ಬೆಲೆ ಬಹುತೇಕ ಸಮಾನವಾಗಿದೆ ಎಂದು ಹೇಳಿದರು.

ಇದನ್ನೂ ಓದಿ: ಓಲಾ, ಊಬರ್​ನಲ್ಲಿಲ್ಲ ಶೇರಿಂಗ್​ ಸೌಲಭ್ಯ; ಕರೊನಾ ವೈರಸ್​ ಹೋಗದೆ ಸೌಲಭ್ಯವಿಲ್ಲವೆಂದ ಸಂಸ್ಥೆ

ಸ್ಟೀನ್‌ಶಾಟ್‌ನ ಪ್ರಕಾರ, Uber ಪ್ರೀಮಿಯಂಗೆ 52 ಕಿಮೀ ದೂರಕ್ಕೆ ಕನಿಷ್ಠ ದರವು 2,584.59 ಮತ್ತು UberXL ಗೆ 4,051.15 ರೂ. 'ಇ-ಸಿಟಿಯಿಂದ ಬೆಂಗಳೂರು ವಿಮಾನ ನಿಲ್ದಾಣಕ್ಕೆ ಉಬರ್ ದರದ ಕ್ಯಾಬ್ ದರವು ನಾನು ಫ್ಲೈಟ್ ಟಿಕೆಟ್‌ಗೆ ಪಾವತಿಸಿದ್ದಕ್ಕೆ ಬಹುತೇಕ ಸಮಾನವಾಗಿದೆ' ಎಂದು ಬಳಕೆದಾರರು ಬರೆದಿದ್ದಾರೆ.

ಮೊದಲ 4 ಕಿ.ಮೀಗೆ ಸಣ್ಣ ಕ್ಯಾಬ್‌ಗಳಿಗೆ 75 ರೂ. ಮತ್ತು ಐಷಾರಾಮಿ ಕ್ಯಾಬ್‌ಗಳಿಗೆ 150 ರೂ.ಗೆ ಕ್ಯಾಬ್ ದರವನ್ನು ಸರ್ಕಾರ ನಿಗದಿಪಡಿಸಿದೆ. 2022 ರಲ್ಲಿ ಸಾರಿಗೆ ಇಲಾಖೆಯು ಓಲಾ, ಉಬರ್ ಮತ್ತು ರಾಪಿಡೋಗಳ ಆಟೋ ಸೇವೆಗಳನ್ನು ನಿಷೇಧಿಸಿದ ನಂತರ ಅಗ್ರಿಗೇಟರ್ ಕಂಪನಿಗಳು ಮತ್ತು ರಾಜ್ಯ ಸರ್ಕಾರವು ಕಾನೂನು ಹೋರಾಟದಲ್ಲಿ ಸಿಕ್ಕಿಹಾಕಿಕೊಂಡಿದೆ. ಆಟೋ ಸೇವೆಗಳ ಬೆಲೆ ಏರಿಕೆಯ ಬಗ್ಗೆ ಅನೇಕ ಗ್ರಾಹಕರು ದೂರಿದ ನಂತರ ಇದು ನಡೆದಿದೆ. ಅದಾಗ್ಯೂ, ಕ್ಯಾಬ್​ ಚಾಲಕರು ನಿಷೇಧ ಆದೇಶಕ್ಕೆ ಕರ್ನಾಟಕ ಹೈಕೋರ್ಟ್‌ನಿಂದ ತಡೆಯಾಜ್ಞೆ ಪಡೆದರು. (ಏಜೆನ್ಸೀಸ್)

https://www.vijayavani.net/tower-falls-to-ground-due-to-high-winds-in-rajasthan-video-goes-viral

https://www.vijayavani.net/child-succumbs-due-to-snake-bite-parents-carry-mortal-remains-for-10-kms-walking

https://www.vijayavani.net/voilence-by-a-rowdy-in-ganagapura