ಅಮೆರಿಕದಲ್ಲಿ ಶಿಕ್ಷಿತರಿಗೆ ಆದ್ಯತೆಯ ಎಚ್-1ಬಿ ವೀಸಾ ಮಸೂದೆ: ಭಾರತೀಯರಿಗೆ ಅನುಕೂಲ

ವಾಷಿಂಗ್ಟನ್: ಎಚ್-1ಬಿ ಉದ್ಯೋಗ ವೀಸಾ ನೀಡಿಕೆಯಲ್ಲಿ ಅಮೆರಿಕದಲ್ಲಿ ಶಿಕ್ಷಣ ಪಡೆದ ವಿದೇಶಿ ನಿಪುಣ ವೃತ್ತಪರರಿಗೆಆದ್ಯತೆ ಕೊಡುವ ಸಂಬಂಧದ ಮಸೂದೆಯೊಂದನ್ನು ಅಮೆರಿಕ ಸಂಸತ್ತಿನ (ಕಾಂಗ್ರೆಸ್) ಉಭಯ ಸದನಗಳಲ್ಲಿ ಮಂಡಿಸಲಾಗಿದೆ. ಈ ಮಸೂದೆಯಿಂದ ಭಾರತೀಯರಿಗೆ ಹೆಚ್ಚಿನ ಅನುಕೂಲವಾಗಲಿದೆ ಎನ್ನಲಾಗಿದೆ.

ಇದನ್ನೂ ಓದಿ: ‘ಮಹಾ’ ಪ್ರವಾಹ: 24 ಗಂಟೆಗಳ ಅವಧಿಯಲ್ಲಿ ಖಚಿತವಾಯಿತು ಕೋವಿಡ್19ರ 216 ಕೇಸ್

ಕುಶಲ ಉದ್ಯೋಗಿಗಳ ವಲಸೆಯೇತರ ವೀಸಾ ವ್ಯವಸ್ಥೆಯಲ್ಲಿ ಪ್ರಮುಖ ಸುಧಾರಣೆ ತರುವ ಉದ್ದೇಶದ ಎಚ್-1ಬಿ ಮತ್ತು ಎಲ್-1 ವೀಸಾ ಸುಧಾರಣೆ ಕಾನೂನು ಹೆಸರಿನ ಮಸೂದೆಯನ್ನು ಡೆಮಾಕ್ರಟಿಕ್ ಮತ್ತು ರಿಪಬ್ಲಿಕನ್ ಸದಸ್ಯರನ್ನೊಳಗೊಂಡ ಸಮಿತಿಯೊಂದು ರೂಪಿಸಿದೆ. ಪ್ರತಿನಿಧಿ ಸಭೆ (ಹೌಸ್ ಆಫ್ ರೆಪ್ರಸಂಟೇಟಿವ್ಸ್) ಮತ್ತು ಸೆನೆಟ್​ಗಳಲ್ಲಿ ಈ ಮಸೂದೆಯನ್ನು ಶುಕ್ರವಾರ ಮಂಡಿಸಲಾಗಿದೆ. ಸೆನೆಟ್​ನಲ್ಲಿ ಚಕ್ ಗ್ರಾಸ್ಲೆ ಮತ್ತು ಡಿಕ್ ಡರ್ಬಿನ್ ಹಾಗೂ ಪ್ರತಿನಿಧಿ ಸಭೆಯಲ್ಲಿ ಬಿಲ್ ಪಾಸ್ರೆಲ್, ಪೌಲ್ ಗೊಸರ್, ರೋ ಖನ್ನಾ, ಫ್ರಾಂಕ್ ಪಲ್ಲೊನ್ ಮತ್ತು ಲ್ಯಾನ್ಸ್ ಗೂಡನ್ ಮಸೂದೆ ಮಂಡಿಸಿದರು. -ಏಜೆನ್ಸೀಸ್

ಇದನ್ನೂ ಓದಿ: #TTDForSale ಟ್ವಿಟರ್​ನಲ್ಲಿ ಟ್ರೆಂಡಿಂಗ್​: ಅನುಪಯುಕ್ತ ಆಸ್ತಿ ಮಾರಾಟಕ್ಕೆ ಟಿಟಿಡಿ ತೀರ್ಮಾನ

ಪ್ರತಿಭಾ ಸಂಪನ್ನರಿಗೆ ಹೆಚ್ಚಿನ ಅವಕಾಶ: ಅಮೆರಿಕದಲ್ಲಿ ಶಿಕ್ಷಣ ಪಡೆದ ಉತ್ತಮ ಹಾಗೂ ಅತ್ಯಂತ ಪ್ರತಿಭಾನ್ವಿತ ವಿದ್ಯಾರ್ಥಿಗಳಿಗೆ ಎಚ್-1ಬಿ ವೀಸಾ ನೀಡಿಕೆಯಲ್ಲಿ ಹೊಸ ವ್ಯವಸ್ಥೆಗೆ ಈ ಮಸೂದೆ ಅವಕಾಶ ಮಾಡಿ ಕೊಡುತ್ತದೆ. ಹೆಚ್ಚು ವೇತನ ಪಡೆಯುವ ಹಾಗೂ ಅಮೂಲ್ಯ ಕೌಶಲ್ಯ ಹೊಂದಿರುವ ಪದವೀಧರರೂ ಈ ವೀಸಾ ಪಡೆಯಬಹುದಾಗಿದೆ. ಎಚ್-1ಬಿ ಅಥವಾ ಎಲ್-1 ವೀಸಾದಾರರು ಅಮೆರಿಕದ ಕಾರ್ವಿುಕರನ್ನು ಬದಲಿಸುವುದನ್ನು ಈ ಕಾನೂನು ಸ್ಪಷ್ಟವಾಗಿ ನಿಷೇಧಿಸುತ್ತದೆ. ಎಚ್-1ಬಿ ಕಾರ್ವಿುಕರ ನೇಮಕಾತಿಯಿಂದ ಅದೇ ರೀತಿಯ ಉದ್ಯೋಗದ ಸನ್ನಿವೇಶದಲ್ಲಿ ಕೆಲಸ ಮಾಡುವ ಅಮೆರಿಕ ನೌಕರರ ಮೇಲೆ ಯಾವುದೇ ಬಗೆಯ ವ್ಯತಿರಿಕ್ತ ಪರಿಣಾಮ ಆಗಬಾರದು ಎಂದು ಮಸೂದೆ ಸ್ಪಷ್ಟಪಡಿಸಿದೆ.

ಇದನ್ನೂ ಓದಿ: ಕ್ವಾರಂಟೈನ್​ನಲ್ಲಿದ್ದ ಗೆಳೆಯನಿಗೆ ಹಲ್ವಾ ತಗೊಂಡು ಹೋದವನನ್ನು ಹುಡುಕುತ್ತಿದ್ದಾರೆ ಪೊಲೀಸರು!

ಔಟ್​ಸೋರ್ಸಿಂಗ್​ಗೆ ಕಡಿವಾಣ: ಎಚ್-1ಬಿ ಮತ್ತು ಎಲ್-1 ವೀಸಾದ ಮೇಲೆ ಕಾರ್ವಿುಕರನ್ನು ದೊಡ್ಡ ಪ್ರಮಾಣದಲ್ಲಿ ಆಮದು ಮಾಡಿಕೊಳ್ಳುವ ಗುತ್ತಿಗೆ (ಔಟ್​ಸೋರ್ಸಿಂಗ್) ಕಂಪನಿಗಳ ಮೇಲೆ ಹೆಚ್ಚಿನ ನಿಯಂತ್ರಣ ಹೇರುವುದೂ ಪ್ರಸ್ತಾಪಿತ ಕಾನೂನಿನ ಉದ್ದೇಶವಾಗಿದೆ. ಈ ಕಂಪನಿಗಳು ಉದ್ಯೋಗಿಗಳನ್ನು ಕರೆತಂದು ತರಬೇತಿ ನೀಡಿ ನಂತರ ತಮ್ಮ ದೇಶಗಳಿಗೆ ವಾಪಸ್ ಕಳಿಸುತ್ತಿವೆ. ಅದನ್ನು ನಿಯಂತ್ರಿಸಲು ಉದ್ದೇಶಿಸಲಾಗಿದೆ. ಕನಿಷ್ಠ ಅರ್ಧಕ್ಕಿಂತ ಹೆಚ್ಚು ಎಚ್-1ಬಿ ಅಥವಾ ಎಲ್-1 ವೀಸಾ ಹೊಂದಿರುವ 50ಕ್ಕಿಂತ ಅಧಿಕ ನೌಕರರಿರುವ ಕಂಪನಿಗಳು ಹೆಚ್ಚುವರಿಯಾಗಿ ಎಚ್-1ಬಿ ನೌಕರರನ್ನು ನಿಷೇಧಿಸುವುದು ಮಸೂದೆಯ ಉದ್ದೇಶವಾಗಿದೆ.

https://www.vijayavani.net/photos-video-king-of-lipstick-the-male-model-who-made-a-lipstick-brand-uber-famous-in-china/