ಮಾತು ಮುಂದುವರಿಸಿದ ಶೋಭಾ, ಅಷ್ಟೊಂದು ದೊಡ್ಡ ಕಾರ್ಯಕ್ರಮಕ್ಕೆ ಹೋಗ್ತೀರ ಅಂದ್ರೆ ಅಲ್ಲಿ ಸಾಕಷ್ಟು ಒಪ್ಪಂದ, ನೀತಿ-ನಿಯಮಗಳಿರುತ್ತವೆ. ನೀವು ಸುಲಭವಾಗಿ ಹೋಗಿ, ನಿಮ್ಮಿಷ್ಟದಂತೆ ವಾಪಸ್ ಬರಲು ಸಾಧ್ಯವಿಲ್ಲ. ಸುದೀಪ್ ಸರ್ ನನ್ನ ಮೇಲೆ ಯಾಕೆ ಅಷ್ಟೊಂದು ಕೋಪ ಮಾಡಿಕೊಂಡರು ಅಂದರೆ, ನಾನು ತುಂಬಾ ದಿನಗಳ ಬಳಿಕ ಕನ್ನಡಕ್ಕೆ ಕಂಬ್ಯಾಕ್ ಮಾಡಿದ್ದೆ. ಆ ಸಮಯದಲ್ಲಿ ನನಗೆ ಜನರು ಸಾಕಷ್ಟು ಮತಗಳು ಕೂಡ ಹಾಕಿದ್ದರು. ನಾನು ಟಾಪ್ 2ರಲ್ಲಿ ಇದ್ದೆ. ಅಂದು ಎಲಿಮಿನೇಷನ್ನಿಂದ ಬಚಾವ್ ಆದ ಎರಡನೇ ವ್ಯಕ್ತಿ ನಾನೇ ಆಗಿದ್ದೆ. ತುಂಬಾ ದಿನಗಳ ಬಳಿಕ ಕಂಬ್ಯಾಕ್ ಮಾಡಿದಾಗ ಜನರು ಅಷ್ಟೊಂದು ಬೆಂಬಲ ನೀಡಿದರು ಕೂಡ ಸ್ವಯಂ ಎಲಿಮಿನೇಟ್ ಮಾಡಿಕೊಂಡಿದ್ದು, ಜನರ ಮತಗಳಿಗೆ ಅಗೌರವ ತೋರಿದಂತೆ ಎಂದು ಸುದೀಪ್ ಸರ್ ಟೀಕಿಸಿ, ಸ್ವಲ್ಪ ಗರಂ ಆದರು ಎಂದು ಶೋಭಾ ಹೇಳಿದರು.
