ವಿಜಯ್​ಗೆ 23 ಕೋಟಿ ರೂ. ಸಂಭಾವನೆ ಖುಷಿ ; ಸಮಂತಾ ಪಡೆದಿದ್ದೆಷ್ಟು ಗೊತ್ತಾ?

ಶಿವ ನಿರ್ವಾಣ ನಿರ್ದೇಶನದ ಪ್ಯಾನ್​ ಇಂಡಿಯಾ ರೊಮ್ಯಾಂಟಿಕ್​ ಡ್ರಾಮಾ 'ಖುಷಿ' ಇದೇ ಸೆ.1ಕ್ಕೆ ಬಿಡುಗಡೆಯಾಗಲು ಸಜ್ಜಾಗಿದೆ. ವಿಜಯ್​ ದೇವರಕೊಂಡ, ಸಮಂತಾ ರುತ್​ ಪ್ರಭು ಮುಖ್ಯ ಭೂಮಿಕೆಯಲ್ಲಿ ನಟಿಸಿರುವ ಈ ಸಿನಿಮಾ ಈಗಾಗಲೇ ಟೀಸರ್​, ಟ್ರೇಲರ್​ ಹಾಗೂ ಹಾಡುಗಳ ಮೂಲಕ ದೊಡ್ಡ ಮಟ್ಟದಲ್ಲಿ ಕುತೂಹಲ ಕೆರಳಿಸಿದೆ. ಇದೀಗ ಚಿತ್ರಕ್ಕಾಗಿ ನಾಯಕ, ನಾಯಕಿ, ನಿರ್ದೇಶಕ ಮತ್ತು ಉಳಿದ ತಾರಾಗಣ ಪಡೆದಿದೆ ಎನ್ನಲಾದ ಸಂಭಾವನೆ ಟಾಲಿವುಡ್​ನಲ್ಲಿ ಎಲ್ಲರ ಹುಬ್ಬೇರುವಂತೆ ಮಾಡಿದೆ.

ಇದನ್ನೂ ಓದಿ : ಅವರು ಹಾಗೆ ಮಾಡಬಾರದಿತ್ತು ; “ಡ್ರೀಮ್​ ಗರ್ಲ್​ 2′ ಚಿತ್ರತಂಡದ ಬಗ್ಗೆ ನಟಿ ನುಶ್ರತ್​ ಭರೂಚಾ ಬೇಸರ

ಹೌದು, "ಲೈಗರ್​' ಸಿನಿಮಾ ಸೋತರೂ ವಿಜಯ್​ ದೇವರಕೊಂಡಗೆ ಬೇಡಿಕೆ ಏನೂ ಕಡಿಮೆಯಾಗಿಲ್ಲ. ಅದಕ್ಕೆ ಉದಾಹರಣೆ ಈ ಖುಷಿ ಸಿನಿಮಾ. ಈ ಚಿತ್ರಕ್ಕಾಗಿ ಅವರು ಬರೋಬ್ಬರಿ 23 ಕೋಟಿ ರೂ. ಸಂಭಾವನೆ ಪಡೆದಿದ್ದಾರೆ ಎನ್ನಲಾಗಿದೆ.

ಇದನ್ನೂ ಓದಿ : ನಿಶ್ಚಿತ್ ಹೊಸ ಅವತಾರ; ‘ಸಪ್ಲೈಯರ್ ಶಂಕರ’ ಚಿತ್ರದಲ್ಲಿ ವಿಭಿನ್ನ ಪಾತ್ರದಲ್ಲಿ ನಟನೆ

ಹಾಗೇ ಸಮಂತಾ ರುತ್​ ಪ್ರಭು ಸಹ ಸಂಭಾವನೆ ವಿಷಯದಲ್ಲಿ ಹಿಂದೆ ಬಿದ್ದಿಲ್ಲ. ಈ ಹಿಂದಿನ ಸಿನಿಮಾಗಳಾದ 'ಯಶೋಧಾ', 'ಶಾಕುಂತಲ' ಚಿತ್ರಗಳಿಗೆ ನಿರೀಕ್ಷಿಸಿದಷ್ಟು ಯಶಸ್ಸು ಸಿಕ್ಕಿಲ್ಲವಾದರೂ, 'ಖುಷಿ' ಚಿತ್ರಕ್ಕೆ ಅವರು 4.5 ಕೋಟಿ ರೂ. ಸಂಭಾವನೆ ಪಡೆದಿದ್ದಾರೆ ಎನ್ನಲಾಗಿದೆ.

ಇದನ್ನೂ ಓದಿ : 1 ಚಿತ್ರ, 4 ಭಾಷೆ, 24 ಟ್ಯೂನ್​ಗಳು! ಪ್ಯಾನ್​ ಇಂಡಿಯಾ ಸಿಕಾಡಾ ಚಿತ್ರತಂಡದ ವಿಭಿನ್ನ ಪ್ರಯತ್ನ

ಆದರೆ, ನಾಯಕ ಅಥವಾ ನಾಯಕಿ ಸಂಭಾವನೆಗಿಂತ ಹೆಚ್ಚು ಕುತೂಹಲ ಮೂಡಿಸಿರುವುದು ನಿರ್ದೇಶಕ ಶಿವ ನಿರ್ವಾಣ ಪಡೆದಿರುವ ಸಂಭಾವನೆ. ಏಕೆಂದರೆ ಅವರು ಈ ಚಿತ್ರಕ್ಕಾಗಿ ಸರಿಸುಮಾರಿ 12 ಕೋಟಿ ರೂ. ಹಣ ಜೇಬಿಗಿಳಿಸಿಕೊಂಡಿದ್ದಾರಂತೆ.

ಉಳಿದಂತೆ ಚಿತ್ರದಲ್ಲಿ ಜಯಂ ರವಿ, ವೆನ್ನೆಲಾ ಕಿಶೋರ್​ ಮತ್ತು ಮುರಳಿ ಶರ್ಮಾ ಪ್ರಮುಖ ತಾರಾಗಣದಲ್ಲಿದ್ದು, ಅವರು 20 ಲಕ್ಷ ರೂ.ನಿಂದ 80 ಲಕ್ಷ ರೂ.ವರೆಗೆ ಸಂಭಾವನೆ ಪಡೆದಿದ್ದಾರೆ ಎನ್ನಲಾಗಿದೆ.

-ಏಜೆನ್ಸೀಸ್​

https://www.vijayavani.net/vishal-exclusive-interview-about-mark-antony-movie