ನಿಶ್ಚಿತ್ ಹೊಸ ಅವತಾರ; ‘ಸಪ್ಲೈಯರ್ ಶಂಕರ’ ಚಿತ್ರದಲ್ಲಿ ವಿಭಿನ್ನ ಪಾತ್ರದಲ್ಲಿ ನಟನೆ

ಬೆಂಗಳೂರು: ‘ಗಂಟುಮೂಟೆ’, ‘ಟಾಮ್ ಆ್ಯಂಡ್ ಜೆರ‌್ರಿ’ ಚಿತ್ರಗಳಲ್ಲಿ ನಟಿಸಿರುವ ನಿಶ್ಚಿತ್ ಕೊರೊಡಿ ನಾಯಕನಾಗಿರುವ ಹೊಸ ಸಿನಿಮಾ ‘ಸಪ್ಲೈಯರ್ ಶಂಕರ’. ಇತ್ತೀಚೆಗಷ್ಟೆ ಚಿತ್ರದ ಮೋಷನ್ ಪೋಸ್ಟರ್ ಬಿಡುಗಡೆಯಾಗಿದ್ದು, ನಿಶ್ಚಿತ್ ಲುಕ್ ಕುತೂಹಲ ಮೂಡಿಸುವಂತಿದೆ.

ರಂಜಿತ್ ಸಿಂಗ್ ರಜಪೂತ್ ಈ ಚಿತ್ರಕ್ಕೆ ಆ್ಯಕ್ಷನ್-ಕಟ್ ಹೇಳುತ್ತಿದ್ದು, ಕಥೆ, ಚಿತ್ರಕಥೆ, ಸಂಭಾಷಣೆ ಮತ್ತು ಸಾಹಿತ್ಯದ ಜವಾಬ್ದಾರಿಯನ್ನೂ ಅವರೇ ಹೊತ್ತಿದ್ದಾರೆ. ಬೆಂಗಳೂರು ಸುತ್ತಮುತ್ತ ಚಿತ್ರೀಕರಣ ನಡೆಯುತ್ತಿದೆ. ಶೀರ್ಷಿಕೆಯೇ ಹೇಳುವಂತೆ ಈ ಚಿತ್ರದ ಕಥೆ ಒಬ್ಬ ಬಾರ್ ಸಪ್ಲೈಯರ್ ಸುತ್ತ ಸಾಗುತ್ತದೆ. ಸಿಶ್ಚಿತ್‌ಗೆ ಜೋಡಿಯಾಗಿ ‘ಲಗೋರಿ’, ‘ಆರಾ’ ಖ್ಯಾತಿಯ ನಟಿ ದೀಪಿಕಾ ಆರಾಧ್ಯ ನಟಿಸಿದ್ದು, ಜತೆಗೆ ಗೋಪಾಲಕೃಷ್ಣ ದೇಶಪಾಂಡೆ, ಜ್ಯೋತಿ ರೈ, ನವೀನ್ ಡಿ. ಪಡೀಲ್ ಪ್ರಮುಖ ತಾರಾಗಣದಲ್ಲಿದ್ದಾರೆ.

‘ಕೆಜಿಎ್’ ಸಂಗೀತ ನಿರ್ದೇಶಕ ರವಿ ಬಸ್ರೂರ್ ಬಳಿ ಕೆಲಸ ಮಾಡಿ ಅನುಭವ ಪಡೆದಿರುವ ಆರ್.ಬಿ.ಭರತ್ ಸಂಗೀತ ನೀಡಿದ್ದಾರೆ. ಉಳಿದಂತೆ ಚಿತ್ರಕ್ಕೆ ಸತೀಶ್ ಚಂದ್ರಯ್ಯ ಸಂಕಲನ, ಸತೀಶ್ ಕುಮಾರ್ ಛಾಯಾಗ್ರಹಣ ಹಾಗೂ ಬಾಲಾಜಿ ಕಲಾನಿರ್ದೇಶನ ಇರಲಿದೆ.

https://www.vijayavani.net/dollys-uttharakanda-teaser-to-be-released-a-day-before-his-birthday-shortly

https://www.vijayavani.net/bank-lists-sunny-deols-mumbai-villa-for-auction