3 ವರ್ಷಗಳಲ್ಲಿ 1232% ಏರಿಕೆ ಕಂಡ ಷೇರು: ಮಲ್ಟಿಬ್ಯಾಗರ್ ಪೆನ್ನಿ ಸ್ಟಾಕ್ ಬೆಲೆ ಈಗ ಗರಿಷ್ಠ ಮಟ್ಟಕ್ಕೆ

ಮುಂಬೈ: ಗುಜರಾತ್ ಸ್ಟೇಟ್ ಫೈನಾನ್ಶಿಯಲ್ ಸರ್ವೀಸಸ್​ ಲಿಮಿಟೆಡ್ (Gujarat State Financial Services Ltd.) ಗುಜರಾತ್​ ಸರ್ಕಾರದ ಸಂಪೂರ್ಣ ಸ್ವಾಮ್ಯದ ಅಂಗಸಂಸ್ಥೆಯಾಗಿದೆ. ಇದನ್ನು ಬ್ಯಾಂಕಿಂಗ್ ಅಲ್ಲದ ಹಣಕಾಸು ಕಂಪನಿಯಾಗಿ ಆರ್‌ಬಿಐನಲ್ಲಿ ನೋಂದಾಯಿಸಲಾಗಿದೆ. ಕಳೆದ 3 ವರ್ಷಗಳಲ್ಲಿ ಈ ಷೇರು ಹೂಡಿಕೆದಾರರಿಗೆ ಮಲ್ಟಿಬ್ಯಾಗರ್ ರಿಟರ್ನ್ಸ್ ನೀಡಿದೆ.

ಷೇರು ಮಾರುಕಟ್ಟೆಯಲ್ಲಿ ಅನೇಕ ಪೆನ್ನಿ ಸ್ಟಾಕ್‌ಗಳಿವೆ. ಅಂದರೆ, ಕಡಿಮೆ ಬೆಲೆಯ ಷೇರುಗಳು. ಇಂತಹ ಒಂದು ಪೆನ್ನಿ ಸ್ಟಾಕ್ ಗುಜರಾತ್ ಸ್ಟೇಟ್ ಫೈನಾನ್ಶಿಯಲ್ ಸರ್ವೀಸಸ್​ ಲಿಮಿಟೆಡ್ ಆಗಿದೆ. ಕಳೆದ ಮೂರು ವರ್ಷಗಳಲ್ಲಿ ಹೂಡಿಕೆದಾರರಿಗೆ ಈ ಷೇರು ಮಲ್ಟಿಬ್ಯಾಗರ್ ರಿಟರ್ನ್ಸ್ ನೀಡಿದೆ. ಫೆಬ್ರವರಿ 2021 ರಲ್ಲಿ ಈ ಷೇರಿನ ಬೆಲೆ 3 ರೂಪಾಯಿ ಆಗಿತ್ತು, ಅದು ಈಗ 40 ರೂಪಾಯಿಯ ಮಟ್ಟ ತಲುಪಿದೆ. 3 ರೂಪಾಯಿ ಬೆಲೆ ಇದ್ದಾಗ ಹೂಡಿಕೆ ಮಾಡಿದವರು ಶೇ. 1232ರಷ್ಟು ಲಾಭ ಪಡೆದಿದ್ದಾರೆ. ಅಂದರೆ, ಈ ಷೇರಿನಲ್ಲಿ ಆಗ 1 ಲಕ್ಷ ರೂಪಾಯಿ ಹೂಡಿಕೆ ಮಾಡಿದ್ದರೆ ಈಗ ಅದು 13.32 ಲಕ್ಷ ರೂಪಾಯಿಗೆ ಆಗುತ್ತಿತ್ತು.

ಗುಜರಾಟ್ ಸ್ಟೇಟ್ ಫೈನಾನ್ಶಿಯಲ್ ಸರ್ವೀಸಸ್ ಲಿಮಿಟೆಡ್ (GSFS) ಗುಜರಾತ್​ ಸರ್ಕಾರದ ಸಂಪೂರ್ಣ ಸ್ವಾಮ್ಯದ ಅಂಗಸಂಸ್ಥೆಯಾಗಿದೆ. ಇದು ಬ್ಯಾಂಕಿಂಗ್ ಅಲ್ಲದ ಹಣಕಾಸು ಕಂಪನಿಯಾಗಿ ಆರ್‌ಬಿಐನಲ್ಲಿ ನೋಂದಾಯಿಸಲ್ಪಟ್ಟಿದೆ. ರಾಜ್ಯದ ವಿವಿಧ ಸಂಸ್ಥೆಗಳು ಮತ್ತು ಸಾರ್ವಜನಿಕ ಉದ್ಯಮಗಳ ಹೆಚ್ಚುವರಿ ಹಣವನ್ನು ನಿರ್ವಹಿಸುವ ಅಧಿಕಾರವನ್ನು ಇದು ಹೊಂದಿದೆ. ಈ ಕಂಪನಿಯು 1960 ರಲ್ಲಿ ಸ್ಥಾಪನೆಯಾಯಿತು. ಗುಜರಾತ್​ನ ಗಾಂಧಿ ನಗರದಲ್ಲಿ ಪ್ರಧಾನ ಕಚೇರಿ ಇದೆ.

ವಾರದ ಎರಡನೇ ವಹಿವಾಟಿನ ದಿನವಾದ ಮಂಗಳವಾರ, ಫೆ. 6ರಂದು ಈ ಷೇರಿನ ಬೆಲೆ 52 ವಾರದ ಗರಿಷ್ಠ ಮಟ್ಟವಾದ 39.96 ರೂಪಾಯಿ ತಲುಪಿತು. ಏಪ್ರಿಲ್ 5, 2023 ರಂದು, ಈ ಷೇರು 52 ವಾರದ ಕನಿಷ್ಠ ಬೆಲೆ 5.80 ರೂಪಾಯಿಗೆ ತಲುಪಿತ್ತು. ಈ ಷೇರು ಡಿಸೆಂಬರ್ 2023 ರಲ್ಲಿ ಅಂದಾಜು 96 ಪ್ರತಿಶತದಷ್ಟು ಮತ್ತು ನವೆಂಬರ್‌ನಲ್ಲಿ 64 ಪ್ರತಿಶತದಷ್ಟು ಹೆಚ್ಚಾಗಿದೆ.

ಐಸಿಐಸಿಐ ಡೈರೆಕ್ಟ್ ಬ್ರೋಕರೇಜ್​ ಸಂಸ್ಥೆಯ ಪ್ರಕಾರ, ಈ ಸರ್ಕಾರಿ ಕಂಪನಿಯ ಷೇರುಗಳು ಬಲವಾದ ಏರಿಕೆ ಕಂಡಿವೆ. ಇದು ಪ್ರತಿ ಷೇರಿಗೆ ಗಳಿಕೆಯಲ್ಲಿ ಬೆಳವಣಿಗೆಯೊಂದಿಗೆ ಆಸ್ತಿ ನಿರ್ವಹಣೆಯಲ್ಲಿ ಸಮರ್ಥವಾಗಿದೆ. ಗಳಿಕೆಗೆ ಹೋಲಿಸಿದರೆ ಹೆಚ್ಚಿನ ಬಡ್ಡಿ ಪಾವತಿ, ನಗದು ಹರಿವು ಇತ್ಯಾದಿಗಳಿಂದ ಸಮಸ್ಯೆಗಳು ಕೂಡ ಈ ಕಂಪನಿಯಲ್ಲಿವೆ ಎಂದು ಬ್ರೋಕರೇಜ್​ ಹೇಳಿದೆ.

https://www.vijayavani.net/market-entry-with-huge-premium-175-profit-on-first-day-a-flood-of-money-for-investors-in-a-single-day

https://www.vijayavani.net/gobi-manchuri-ban-will-you-be-shocked-if-you-know-the-reason-using-detergent-means-you-will-stop-eating

https://www.vijayavani.net/pharma-stock-price-will-rise-in-the-coming-days-will-the-companys-dividend-increase-the-future-of-brokerage-firms