ಅವಳು ಆ ಟೈಪ್​ ಹುಡುಗಿ... ಮದುವೆಗೂ ಮೊದಲೇ ಸಂಶಯ, ಮಾತನಾಡಲೂ ಹಿಂಜರಿಯುತ್ತಿದ್ರಂತೆ ಜಹೀರ್​! Zaheer Khan

Zaheer Khan : ಮದುವೆಯಾದ ಬಳಿಕ ದಾಂಪತ್ಯ ಜೀವನದಲ್ಲಿ ಅನುಮಾನ ಮೂಡುವುದು ಸಹಜ. ಆದರೆ, ಮದುವೆಗೂ ಮುನ್ನವೇ ಇನ್ನೂ ಭೇಟಿಯಾಗದ ಸಮಯದಲ್ಲೇ ಅನುಮಾನ ಮೂಡಿತ್ತು ಎಂದರೆ ಯಾರಾದರೂ ನಂಬುತ್ತಾರಾ? ಖಂಡಿತ ಸಾಧ್ಯವಿಲ್ಲ. ಆದರೆ, ಈ ತಾರಾದಂಪತಿ ತಮ್ಮ ಬಾಳಲ್ಲಿ ಈ ಒಂದು ವಿಚಿತ್ರ ಕ್ಷಣವನ್ನು ಎದುರಿಸಿದ್ದಾರೆ.

ನಿಮಗೆ ಜಹೀರ್​ ಖಾನ್​ ಅವರನ್ನು ವಿಶೇಷವಾಗಿ ಪರಿಚಯ ಮಾಡುವ ಅಗತ್ಯವಿಲ್ಲ. ಏಕೆಂದರೆ, ಟೀಮ್​ ಇಂಡಿಯಾದ ಮಾಜಿ ವೇಗದ ಬೌಲರ್​. ಒಂದು ಕಾಲದಲ್ಲಿ ಜಹೀರ್​ ಬೌಲಿಂಗ್​ ಅಂದರೆ, ಎಲ್ಲ ಬ್ಯಾಟ್ಸ್​ಮನ್​​ಗಳು ಗಢಗಢ ನಡುಗುತ್ತಿದ್ದರು. ಜಹೀರ್​ ಅವರು 8 ವರ್ಷಗಳ ಹಿಂದೆಯೇ ಮದುವೆ ಆಗಿದ್ದಾರೆ. ಅವರ ಪತ್ನಿಯ ಹೆಸರು ಸಾಗರಿಕಾ ಘಾಟ್ಗೆ. ಸಾಗರಿಕಾ ಏನೂ ಸಾಮಾನ್ಯ ಮಹಿಳೆಯಲ್ಲ. ಅವರು ಕೂಡ ಬಾಲಿವುಡ್​ ನಟಿ ಹಾಗೂ ಮಾಡೆಲ್​. ಸದ್ಯ ಸಿನಿಮಾಗಳಿಂದ ಅಂತರ ಕಾಯ್ದುಕೊಂಡಿದ್ದಾರೆ.

ಇತ್ತೀಚೆಗಷ್ಟೇ ಸಾಗರಿಕ ಅವರು ಮಾಧ್ಯಮ ಸಂದರ್ಶನವೊಂದರಲ್ಲಿ ಭಾಗಿಯಾಗಿದ್ದರು. ಈ ವೇಳೆ ತಮ್ಮ ಪತಿ ಜಹೀರ್​ ಕುರಿತು ಆಸಕ್ತಿಕರ ಸಂಗತಿಯನ್ನು ಬಹಿರಂಗಪಡಿಸಿದ್ದಾರೆ. ಆರಂಭದಲ್ಲೇ ಸಾಗರಿಕಾ ಮೇಲೆ ಸಂಶಯ ಬೆಳೆಸಿಕೊಂಡಿದ್ದ ಜಹೀರ್​, ಅವರನ್ನು ದೂರ ಇಡುತ್ತಿದ್ದರಂತೆ. ಈ ವೇಳೆ ನಟಿ ಅಂಗದ ಬೇಡಿ ಮಧ್ಯ ಪ್ರವೇಶಿಸಿದ ಬಳಿಕ ಇಬ್ಬರ ಸಂಬಂಧ ಮತ್ತೆ ಹಳಿಗೆ ಬಂದು ಕೊನೆಗೆ 2017ರಲ್ಲಿ ಮದುವೆಯಾದರು.

ಇದನ್ನೂ ಓದಿ: ಬಾಯಿಯ ಮೂಲಕ ಜನ್ಮ ನೀಡುವ ಜೀವಿ ಯಾವುದು ಗೊತ್ತಾ? ಇಲ್ಲಿದೆ ಅಚ್ಚರಿಯ ಉತ್ತರ… Animal

ಬಾಲಿವುಡ್​ ಬಬಲ್​ ಜತೆ ಮಾತನಾಡಿದ ಸಾಗರಿಕಾ, ಜಹೀರ್​ಗೆ ನನ್ನ ಮೇಲೆ ಕೆಟ್ಟ ಅಭಿಪ್ರಾಯವಿತ್ತು. ಹೀಗಾಗಿ ನನ್ನೊಂದಿಗೆ ಮಾತನಾಡಲು ಹಿಂಜರಿಯುತ್ತಿದ್ದರು. ನಾವಿಬ್ಬರು ಆಗಾಗ ಭೇಟಿಯಾಗುತ್ತಲೇ ಇದ್ದೆವು. ಮೊದಲಿಗೆ ಆತ ನನ್ನೊಂದಿಗೆ ಮಾತನಾಡಲೂ ಇಷ್ಟಪಡುತ್ತಿರಲಿಲ್ಲ. ಏಕೆಂದರೆ, ಎಲ್ಲರೂ, ‘ಅವಳು ಆ ಟೈಪ್​ ಹುಡುಗಿ’ ಎಂದು ಜಹೀರ್​ಗೆ ಹೇಳುತ್ತಿದ್ದರಂತೆ. ಹೀಗಾಗಿ ನನ್ನೊಂದಿಗೆ ಮಾತನಾಡಲು ಹಿಂಜರಿಯುತ್ತಿದ್ದರು. ಅವರೇಕೆ ನನ್ನ ಬಗ್ಗೆ ಆ ರೀತಿ ಹೇಳಿದರು ಅಂತ ನನಗೆ ಅರ್ಥವಾಗುತ್ತಿಲ್ಲ. ಈ ರೀತಿಯ ಅಭಿಪ್ರಾಯ ಇದ್ದಾಗ ನೀವು ಆಕೆಯೊಂದಿಗೆ ಮಾತನಾಡಿದರೆ ಮಾತ್ರ ಎಲ್ಲವೂ ಬಗೆಹರಿಯುತ್ತದೆ. ಇಲ್ಲವಾದಲ್ಲಿ, ಅಲ್ಲಿ ಯಾವುದೇ ಅರ್ಥವಿರುವುದಿಲ್ಲ ಎಂದು ಸಾಗರಿಕಾ ಹೇಳಿದರು.

ಮಾತು ಮುಂದುವರಿಸಿದ ಸಾಗರಿಕಾ, ಮೊದಲ ಭೇಟಿಯ ವೇಳೆ ನಾನು ಜಹೀರ್​ ನೋಡಿ ಇಂಪ್ರೆಸ್​ ಆದೆ. ಆತ ಓರ್ವ ಒಳ್ಳೆಯ ವ್ಯಕ್ತಿ ಎನಿಸಿತು. ಆರಂಭದ ಹಿಂಜರಿಕೆಯಿಂದ ಜಹೀರ್​ ಹೊರಬಂದ ಬಳಿಕ ಇಬ್ಬರು ಭೇಟಿಯಾಗುವುದನ್ನು ಮುಂದುವರಿಸಿದೆವು ಮತ್ತು ತುಂಬಾ ಹತ್ತಿರವಾದೆವು. ನಮ್ಮಿಬ್ಬರ ಸಂಬಂಧ ಇನ್ನಷ್ಟು ಬೆಳೆಯಿತು. ಇದರ ಕ್ರೆಡಿಟ್​ ಅನ್ನು ನಾನು ಅಂಗದ ಬೇಡಿ ಅವರಿಗೆ ಕೊಡುತ್ತೇನೆ. ಏಕೆಂದರೆ, ನಮ್ಮಿಬ್ಬರನ್ನು ಒಂದು ಮಾಡುವಲ್ಲಿ ಅಂಗದ ಅವರು ಬಹುಮುಖ್ಯ ಪಾತ್ರ ವಹಿಸಿದರು ಎಂದು ಸಾಗರಿಕ ತಿಳಿಸಿದರು.

ಮದುವೆಯಾಗಿ 8 ವರ್ಷಗಳೇ ಕಳೆದರೂ ಕ್ರೀಡೆ ಅಂತ ಬಂದಾಗ ದಂಪತಿ ತೀವ್ರ ಪೈಪೋಟಿ ನಡೆಸುತ್ತಾರಂತೆ. ಪ್ಯಾಡಲ್ ಟೆನಿಸ್ ಆಡುವಾಗ ಇಬ್ಬರು ಒಂದೇ ತಂಡದಲ್ಲಿರಲು ಸಾಧ್ಯವಿಲ್ಲ ಎಂದು ಸಾಗರಿಕಾ ಹೇಳಿದ್ದಾರೆ. ನಾನು ಯಾವಾಗಲೂ ಹೇಳುತ್ತೇನೆ, ನಾನು ಜ್ಯಾಕ್ ತಂಡದಲ್ಲಿ ಇರಲು ಬಯಸುವುದಿಲ್ಲ ಏಕೆಂದರೆ, ನಾವು ಫೈಟಿಂಗ್​ ಮಾಡುತ್ತಲೇ ಇರುತ್ತೇವೆ ಎಂದಿದ್ದಾರೆ. ಆದರೆ, ಸಂಸಾರದ ವಿಚಾರಕ್ಕೆ ಬಂದರೆ ಇಬ್ಬರ ನಡುವೆ ಒಳ್ಳೆಯ ಬಾಂದವ್ಯ ಇದೆ ಎನ್ನುತ್ತಾರೆ ಸಾಗರಿಕಾ. (ಏಜೆನ್ಸೀಸ್​)

https://www.vijayavani.net/how-do-elephants-protect-their-cubs-from-lions-video-goes-viral

https://www.vijayavani.net/ind-vs-pak-another-controversy-pakistan-complains-to-icc-before-the-match-with-india-this-is-not-good

https://www.vijayavani.net/end-of-the-world-or-earthquake-doomsday-fish-washes-up-on-shore-warning-of-disaster-says-cyber-world