ನವದೆಹಲಿ: ಮಿನಿ ಸ್ಕರ್ಟ್ ಮತ್ತು ಬ್ರಾ ಧರಿಸಿ ದೆಹಲಿ ಮೆಟ್ರೋ ರೈಲಿನಲ್ಲಿ ಕಾಣಿಸಿಕೊಳ್ಳುವ ಮೂಲಕ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಸಂಚಲನ ಮೂಡಿಸಿದ್ದ ಯುವತಿ ಇನ್ಸ್ಟಾಗ್ರಾಂನಿಂದ ನಾಪತ್ತೆಯಾಗಿರುವುದು ಕುತೂಹಲಕ್ಕೆ ಎಡೆಮಾಡಿಕೊಟ್ಟಿದೆ.
ದೆಹಲಿ ಮೆಟ್ರೋ ಗರ್ಲ್
ಕೆಲ ದಿನಗಳ ಹಿಂದೆ ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋವೊಂದು ವೈರಲ್ ಆಗಿತ್ತು. ವಿಡಿಯೋದಲ್ಲಿದ್ದ ಯುವತಿ ಬಾಲಿವುಡ್ ಬಿಚ್ಚಮ್ಮ ಉರ್ಫಿ ಜಾವೇದ್ ರೀತಿ ವಿಭಿನ್ನವಾಗಿ ಅರೆಬೆತ್ತಲೆ ಉಡುಗೆ ತೊಟ್ಟಿದ್ದಳು. ಬಿಳಿ ಬಣ್ಣದ ಸ್ಕರ್ಟ್ ಮತ್ತು ಬ್ರಾ ಧರಿಸಿ ಜನನಿಬಿಡ ಮೆಟ್ರೋ ರೈಲಿನಲ್ಲಿ ಕಾಣಿಸಿಕೊಂಡಿದ್ದಳು. ರೈಲಿನಲ್ಲಿದ್ದ ಸಹ ಪ್ರಯಾಣಿಕರು ವಿಡಿಯೋ ಸೆರೆಹಿಡಿದು ಹಂಚಿಕೊಂಡಿದ್ದರು. ಆ ವಿಡಿಯೋ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿತ್ತು. ಆ ಬಳಿಕ ಆಕೆಯನ್ನು ದೆಹಲಿ ಮೆಟ್ರೋ ಗರ್ಲ್ ಎಂದೇ ಕರೆಯತೊಡಗಿದರು. ಅಷ್ಟರಮಟ್ಟಿಗೆ ಆಕೆ ಜಾಲತಾಣದಲ್ಲಿ ವೈರಲ್ ಆಗಿದ್ದಳು.
ಇದನ್ನೂ ಓದಿ: 1,000 ಬಾಯ್‌ಫ್ರೆಂಡ್ಸ್ ಇರುವ ಯುವತಿ ಜತೆ ಒಂದು ಗಂಟೆ ಡೇಟ್ ಮಾಡೋಕೆ 5,000 ರೂ. ಚಾರ್ಜ್!
ಅಂದಹಾಗೆ ಆ ಯುವತಿಯ ಹೆಸರು ರಿಧಮ್ ಚಾನನ ಎಂದು. ಈಕೆ ಪಂಜಾಬ್ನ ಫತೇಹಗಢ ಸಾಹೀಬ್ ನಗರದ ನಿವಾಸಿ. 19 ವರ್ಷದ ರಿಧಮ್ ಚಾನನ ದೆಹಲಿಯಲ್ಲಿ ಆಕ್ಟಿಂಗ್ ಕೋರ್ಸ್ ಮಾಡುತ್ತಿದ್ದಾಳೆ. ಕಲಾವಿದೆ ಆಗಬೇಕೆಂಬುದು ಆಕೆಯ ಕನಸಾಗಿದೆ. ರಿಧಮ್ ಸಾಂಪ್ರದಾಯಿಕ ಕುಟುಂಬದಿಂದ ಬಂದವಳು. ಆರಂಭದಲ್ಲಿ ಮೈತುಂಬಾ ಬಟ್ಟೆ ಧರಿಸುತ್ತಿದ್ದಳು. ಯಾವಾಗ ಬಣ್ಣದ ಜಗತ್ತಿನ ನಂಟು ಹೆಚ್ಚಿಕೊಂಡಳು ಅಂದಿನಿಂದ ಆಕೆ ಬಟ್ಟೆಯಲ್ಲೂ ತುಂಬಾ ವ್ಯತ್ಯಾಸ ಕಂಡುಬಂದಿದೆ. 2022ರ ನವೆಂಬರ್ ತಿಂಗಳಿಂದ ರಿಧಮ್ ಗ್ಲಾಮರಸ್ ಉಡುಗೆಯಲ್ಲಿ ಕಾಣಿಸಿಕೊಳ್ಳುತ್ತಿದ್ದಾಳೆ.
ಇನ್ಸ್ಟಾಗ್ರಾಂ ಖಾತೆಯೇ ನಾಪತ್ತೆ
ಅಸಲಿ ವಿಚಾರ ಏನೆಂದರೆ, ಈಕೆ @prettypastry11112222 ಹೆಸರಿನಲ್ಲಿ ಇನ್ಸ್ಟಾಗ್ರಾಂ ಖಾತೆ ಹೊಂದಿದ್ದಳು. ಆರಂಭದಲ್ಲಿ ಕೇವಲ 150 ಫಾಲೋವರ್ಸ್ ಮಾತ್ರ ಇದ್ದರು. ಯಾವಾಗ ಈಕೆ ಮೆಟ್ರೋ ರೈಲಿನಲ್ಲಿ ಅರೆಬೆತ್ತಲೆ ಕಾಣಿಸಿಕೊಂಡು ಸುದ್ದಿಯಾದಳೋ ದಿಢೀರನೇ ಆಕೆಯ ಫಾಲೋವರ್ಸ್ ಸಂಖ್ಯೆ 40 ಸಾವಿರ ದಾಟಿತು. ಅಲ್ಲದೆ, ಆಕೆಯ ಹೆಸರಿನಲ್ಲಿ ಅನೇಕ ನಕಲಿ ಖಾತೆಗಳು ತೆರೆಯಲು ಶುರು ಮಾಡಿದರು. ಅಷ್ಟರ ಮಟ್ಟಿಗೆ ಆಕೆ ಖ್ಯಾತಿ ಗಳಿಸಿದ್ದಾಳೆ. ಆದರೆ, ಇದೀಗ ರಿಧಮ್ ಅವರ ಇನ್ಸ್ಟಾಗ್ರಾಂ ಖಾತೆಯೇ ನಾಪತ್ತೆಯಾಗಿದೆ.
ಇದನ್ನೂ ಓದಿ: ಬಾಜಿ ಕಟ್ಟುವವರಿದ್ದರೆ ಬನ್ನಿ! ದಾವಣಗೆರೆಯಲ್ಲಿ ಚುನಾವಣಾ ಬೆಟ್ಟಿಂಗ್ ಜೋರು, ಡಂಗುರ ಸಾರಿಸಿ ಪಂಥಾಹ್ವಾನ
ಹೌದು, ಇನ್ಸ್ಟಾಗ್ರಾಂ, ರಿಧಮ್ ಅವರ ಖಾತೆಯನ್ನು ನಿಷೇಧಿಸಿದೆ. ಸುಮಾರು 130 ವಿಡಿಯೋಗಳನ್ನು ರಿಧಮ್ ಪೋಸ್ಟ್ ಮಾಡಿದ್ದರು. ಯಾವ ಕಾರಣಕ್ಕೆ ಇನ್ಸ್ಟಾಗ್ರಾಂ ರಿಧಮ್ ಅವರ ಖಾತೆಯನ್ನು ರದ್ದು ಮಾಡಿದೆ ಎಂದು ತಿಳಿದುಬಂದಿಲ್ಲ. ಆದರೆ, ಅರೆಬರೆ ಬಟ್ಟೆಗಳೊಂದಿಗೆ ತೀರಾ ಅಶ್ಲೀಲತೆ ಪ್ರದರ್ಶಿಸಿದ್ದರಿಂದ ಪೇಜ್ ರದ್ದು ಮಾಡಿರುವ ಸಾಧ್ಯತೆ ಇದೆ ಎಂದು ಹೇಳಲಾಗಿದೆ. (ಏಜೆನ್ಸೀಸ್)
ದೆಹಲಿ ಮೆಟ್ರೋ ರೈಲಿನಲ್ಲಿ ಅರೆ ಬೆತ್ತಲಾಗಿ ಕಾಣಿಸಿಕೊಂಡ ಯುವತಿಯ ಗುರುತು ಕೊನೆಗೂ ಪತ್ತೆ!
ಅಪರಿಚಿತ ಯುವಕರಿಗೆ ಫೋನ್ ನಂಬರ್ ಕೊಟ್ಟ ಯುವತಿಗೆ ನೆಟ್ಟಿಗರು ಹೇಳಿದ್ದಿಷ್ಟು…