ಸೆರ್ಬಿಯಾ ಆಟಗಾರ ಜೋಕೊವಿಕ್, ಯುಎಸ್ ಓಪನ್ನಿಂದ ಹೊರಗುಳಿಯುವ ಬಗ್ಗೆ ಕಳೆದ ವಾರ ಮಾತನಾಡಿದ್ದರು. ನಡಾಲ್ ಕೂಡ ಸುರಕ್ಷಿತ ವಾತಾವರಣವಿದ್ದರೆ ಮಾತ್ರ ಆಡುವೆ ಎಂದಿದ್ದರು. ಇದೀಗ ಆಶ್ಲೆಗ್ ಬಾರ್ಟಿ, ‘ಮತ್ತೆ ಟೆನಿಸ್ ಆಡಲು ಕಾತರವಿದ್ದರೂ, ಸುರಕ್ಷತೆಗೆ ಮೊದಲ ಆದ್ಯತೆ. ನನ್ನ ಮಾತ್ರ ನನ್ನ ತಂಡದ ಸುರಕ್ಷತೆಯ ಬಗ್ಗೆಯೂ ಚಿಂತೆ ಇದೆ’ ಎಂದಿದ್ದಾರೆ. ಯುಎಸ್ ಓಪನ್ನಲ್ಲಿ ಸಿಂಗಲ್ಸ್ ಅರ್ಹತಾ ಸುತ್ತಿನ ಪಂದ್ಯಗಳಿಲ್ಲದೆ ನೇರವಾಗಿ ಪ್ರಧಾನ ಸುತ್ತಿನ ಪಂದ್ಯಗಳು ನಿಗದಿಯಾಗಿದ್ದು, ಡಬಲ್ಸ್ನಲ್ಲೂ 64ಕ್ಕೆ ಬದಲಾಗಿ ಕೇವಲ 24 ಜೋಡಿಗಳಿಗೆ ಅವಕಾಶ ಲಭಿಸಲಿದೆ. ಟೂರ್ನಿಗೆ ಪೂರ್ವಭಾವಿಯಾಗಿ ನಿಗದಿಯಾಗಿರುವ ಸಿನ್ಸಿನಾಟಿ ಮಾಸ್ಟರ್ಸ್ ಕೂಡ ನ್ಯೂಯಾರ್ಕ್ನಲ್ಲೇ ನಡೆಯಲಿದೆ ಎನ್ನಲಾಗಿದೆ.
