ವಿವೇಕ್​ ಅಗ್ನಿಹೋತ್ರಿ 'ಫೈಲ್ಸ್​'ಮಯ! ಪತಿಯ ಚಿತ್ರಕ್ಕೆ ಪಲ್ಲವಿ ಜೋಶಿ ಸಾಥ್​, ವಿಶೇಷ ಪಾತ್ರಕ್ಕಾಗಿ ಸ್ಕಿನ್​ ಕೇರ್​ ತ್ಯಾಗ | The Bengal Files

The Bengal Files: 2022ರಲ್ಲಿ ತೆರೆಕಂಡ 'ದಿ ಕಾಶ್ಮೀರ್ ಫೈಲ್ಸ್'​ ಸಿನಿಮಾ ಮೂಲಕ ಕಾಶ್ಮೀರಿ ಪಂಡಿತರ ವಲಸೆ ಹಿಂದಿದ್ದ ಕಥೆಯನ್ನು ಎಳೆ ಎಳೆಯಾಗಿ ಬಿಚ್ಚಿಟ್ಟ ನಿರ್ದೇಶಕ ವಿವೇಕ್ ಅಗ್ನಿಹೋತ್ರಿ, ಇದೀಗ ಮತ್ತೊಂದು 'ಫೈಲ್ಸ್'​ನೊಂದಿಗೆ ಸಿನಿಪ್ರೇಕ್ಷಕರ ಎದುರು ಹಾಜರಾಗಲು ಸಜ್ಜಾಗಿದ್ದಾರೆ. ಅದಾದ ಬಳಿಕ ಮತ್ತೊಂದು ಫೈಲ್ಸ್​ ಲೋಕಕ್ಕೆ ನುಸುಳಿರುವ ನಿರ್ದೇಶಕರು, ಇದೀಗ 'ದಿ ಬೆಂಗಾಲ್ ಫೈಲ್ಸ್'​ಗೆ ಕೈಹಾಕಿದ್ದಾರೆ.

ಇದನ್ನೂ ಓದಿ: ಪೆಟ್ರೋಲ್​ ಬಂಕ್​ ಸಿಬ್ಬಂದಿ ಎದೆಗೆ ಏಕಾಏಕಿ ರಿವಾಲ್ವರ್ ಇಟ್ಟ ಯುವತಿ!: ವಿಡಿಯೋ ವೈರಲ್​ | Revolver

ಈ ಹಿಂದೆ 'ದಿ ಡೆಲ್ಲಿ ಫೈಲ್ಸ್' ಎಂಬ ಶೀರ್ಷಿಕೆ​ ಇಟ್ಟಿದ್ದ ವಿವೇಕ್​, ನಂತರದಲ್ಲಿ ಅದನ್ನು 'ದಿ ಬೆಂಗಾಲ್ ಫೈಲ್ಸ್' ಎಂದು ಮರುನಾಮಕರಣ ಮಾಡಿದರು. ಈ ಚಿತ್ರದಲ್ಲಿ ವಿವೇಕ್ ಅಗ್ನಿಹೋತ್ರಿ ಅವರ ಪತ್ನಿ, ನಟಿ ಹಾಗೂ ನಿರ್ಮಾಪಕಿಯಾದ ಪಲ್ಲವಿ ಜೋಶಿ ಕೂಡ ಅಭಿನಯಿಸುತ್ತಿದ್ದಾರೆ. ದಿ ಕಾಶ್ಮೀರ್ ಫೈಲ್ಸ್ ಚಿತ್ರದಲ್ಲಿ ರಾಧಿಕಾ ಮೆನನ್ ಪಾತ್ರದಲ್ಲಿ ಪ್ರೇಕ್ಷಕರ ಗಮನ ಸೆಳೆದಿದ್ದ ಪಲ್ಲವಿ, ಬಹುನಿರೀಕ್ಷಿತ ಚಿತ್ರದಲ್ಲಿಯೂ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಪಾತ್ರಕ್ಕಾಗಿ ಸಾಕಷ್ಟು ಕಸರತ್ತು ಕೂಡ ಮಾಡುತ್ತಿದ್ದಾರೆ.

ಸವಾಲೇ ನಿಜ

'ದಿ ಬೆಂಗಾಲ್ ಫೈಲ್ಸ್'​ ಚಿತ್ರದಲ್ಲಿ ಶತಾಯುಷಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿರುವ ಪಲ್ಲವಿ, "ಇದು ನಿಜಕ್ಕೂ ದೊಡ್ಡ ಸವಾಲುಗಳಲ್ಲಿ ಒಂದಾಗಿತ್ತು. 100 ವರ್ಷದ ವೃದ್ಧೆಯಂತೆ ಕಾಣುವುದು ಕಷ್ಟಕರ. ಹೆಚ್ಚಿನ ಪ್ರಾಸ್ಥೆಟಿಕ್ಸ್ ನನ್ನನ್ನು ಭಯಾನಕವಾಗಿ ಕಾಣುವಂತೆ ಮಾಡಿತು. ಈ ಪಾತ್ರಕ್ಕೆ ಪೂರ್ವತಯಾರಿ ಮಾಡಿಕೊಳ್ಳುವಾಗ ನನಗೆ ಮೊದಲು ನೆನಪಾಗಿದ್ದೇ ನನ್ನ ಅಜ್ಜಿ" ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ನಾಪತ್ತೆಯಾಗಿದ್ದ ಮಾಡೆಲ್ ಶೀತಲ್ ಕತ್ತು ಸೀಳಿ ಬರ್ಬರ ಹತ್ಯೆ: ಕಾಲುವೆಯಲ್ಲಿ ಶವ ಪತ್ತೆ! | Model Sheetal

"ಆ ಹಣ್ಣು ಹಣ್ಣು ಮುದುಕಿಯ ವಯಸ್ಸಿನಲ್ಲಿಯೂ ನನ್ನಜ್ಜಿ ಬಹಳ ಪ್ರೀತಿಯಿಂದ, ನಗು ಮುಖವನ್ನೇ ಹೊಂದಿದ್ದರು. ಶತಾಯುಷಿ ಪಾತ್ರದ ಲುಕ್​ಗಾಗಿ ನಾನು 6 ತಿಂಗಳ ಕಾಲ ಕೆಲಸ ಮಾಡಿದ್ದೇನೆ. ನನ್ನ ಮುಖದ ಚರ್ಮ ಪೂರ್ತಿ ಒಣಗಿದಂತೆ ಕಾಣಲು ಯಾವುದೇ ಸ್ಕಿನ್​​ ಕೇರ್​ ಪ್ರಾಡೆಕ್ಟ್​ಗಳನ್ನು ಬಳಸಲಿಲ್ಲ. ಬದಲಿಗೆ ಎಲ್ಲವನ್ನೂ ತ್ಯಜಿಸಿದೆ. ಪ್ರತಿದಿನ ಕುಳಿತು ಮಾ ಭಾರತಿ ಪಾತ್ರಕ್ಕೆ ಏನು ತಯಾರಿ ಬೇಕಿತ್ತೋ ಅದನ್ನೆಲ್ಲ ಮಾಡಿಕೊಳ್ಳುತ್ತಿದ್ದೆ. ಇದಕ್ಕೆ ನಮ್ಮ ಟೆಕ್ನಿಕಲ್ ಟೀಮ್ ಕೂಡ ಬಹಳ ಕಷ್ಟಪಟ್ಟಿದೆ. ಪರದೆಯ ಮೇಲೆ ಈ ಪಾತ್ರ ಹೇಗೆ ಮೂಡಿಬರುತ್ತೆ ಎಂಬುದನ್ನು ಕಾದು ನೋಡಬೇಕು" ಎಂದು ಪಲ್ಲವಿ ಹೇಳಿದ್ದಾರೆ,(ಏಜೆನ್ಸೀಸ್).

https://www.vijayavani.net/sleeping-prince-has-woke-up-now-here-is-fact-check