ಸ್ಪೀಕರ್ ಸ್ಥಾನಕ್ಕೆ ಯುಟಿ ಖಾದರ್ ಸಾಧ್ಯತೆ ಪ್ರಬಲ; ಬಜರಂಗದಳ ನಿಷೇಧದ ಬಗ್ಗೆ ಹೇಳಿದ್ದೇನು?

ಬೆಂಗಳೂರು: ಮೆಲ್ಲಮೆಲ್ಲನೇ ಕಾಂಗ್ರೆಸ್ ಪಕ್ಷದ ಸರ್ಕಾರ ರೂಪ ಪಡೆಯುತ್ತಿದ್ದು ಇದೀಗ ಸ್ಪೀಕರ್ ಆಗಿ ಯು.ಟಿ ಖಾದರ್ ಆಯ್ಕೆಯಾಗಿದ್ದಾರೆ. ಸ್ಪೀಕರ್ ಸ್ಥಾನಕ್ಕೆ ಯುಟಿ ಖಾದರ್ ಹೆಸರು ಫೈನಲ್ ಆಗಿದ್ದು ಅವರು ದಿಗ್ವಿಜಯ ನ್ಯೂಸ್ ಜತೆ ಎಕ್ಸ್ ಕ್ಲೂಸಿವ್ ಆಗಿ ಮಾತನಾಡಿದ್ದಾರೆ.

ಈ ಸಂದರ್ಭ ಅವರು, “ಸ್ಪೀಕರ್ ಆಗಿ ಆಯ್ಕೆಯಾಗುವ ನಿರೀಕ್ಷೆ ಇರಲಿಲ್ಲ. ಪಕ್ಷದ ನಾಯಕರು ಇದನ್ನು ತೀರ್ಮಾನಿಸಿದ್ದಾರೆ. ಜತೆಗೆ ಅದು ಅತ್ಯುನ್ನತ ಸ್ಥಾನ. ಕ್ಷೇತ್ರದ ಕೆಲಸಗಳನ್ನ ಇನ್ನಷ್ಟು ಸಮರ್ಪಕವಾಗಿ ಮಾಡಬಹುದು” ಎಂದಿದ್ದಾರೆ.

ಇನ್ನು ಎರಡು ವರ್ಷದ ನಂತರ ಯುಟಿ ಖಾದರ್ ಮತ್ತೆ ಮಂತ್ರಿ ಆಗ್ತಾರಾ..? ಎಂಬ ಸುದ್ದಿಗಾರರ ಪ್ರಶ್ನೆಗೆ “ಮುಂದಿನ ದಿನಗಳಲ್ಲಿ ಮಂತ್ರಿ ಸ್ಥಾನ ಅಥವಾ ಡಿಸಿಎಂ ಸ್ಥಾನ ಬಂದರೆ ಒಪ್ಪಿಕೊಳ್ಳುವೆ. ಪಕ್ಷದ ನಾಯಕರ ತೀರ್ಮಾನಕ್ಕೆ ನಾನು ಬದ್ಧ. ಜಾತಿ ಧರ್ಮ ಪಕ್ಷ ತಾರತಮ್ಯವಿಲ್ಲದೆ ಎಲ್ಲರನ್ನೂ ಒಟ್ಟಾಗಿ ತೆಗೆದುಕೊಂಡು ಹೋಗುತ್ತೇನೆ” ಎಂದಿದ್ದಾರೆ.

ಇದೇ ಸಂದರ್ಭದಲ್ಲಿ ಅವರು ಬಜರಂಗದಳದ ನಿಷೇಧದ ಬಗ್ಗೆಯೂ ಪ್ರಸ್ತಾಪ ಮಾಡಿದ್ದು ಆ ವಿಚಾರದ ಬಗೆಗಿನ ತಮ್ಮ ನಿಲುವನ್ನು ಸ್ಪಷ್ಟಪಡಿಸಿದ್ದಾರೆ. ಯುಟಿ ಖಾದರ್ “ಸ್ಪೀಕರ್ ಸ್ಥಾನದ ನಂತರವೂ ಕಾಂಗ್ರೆಸ್ ಶಾಸಕನಾಗಿ ನನಗೆ ಉತ್ತಮ ಅವಕಾಶಗಳು ಬರುತ್ತವೆ. ಇನ್ನು ಬಜರಂಗದಳ ನಿಷೇಧ, ಗೋಹತ್ಯೆ ನಿಷೇಧದ ಬಗ್ಗೆ ಪಕ್ಷ ನೋಡಿಕೊಳ್ಳುತ್ತೆ. ರಾಜಕೀಯ ವಿಚಾರಗಳನ್ನು ಪಕ್ಷ ನೋಡಿಕೊಳ್ಳುತ್ತದೆ” ಎಂದಿದ್ದಾರೆ.

https://www.vijayavani.net/ut-khader-elected-as-speaker-by-congress

https://www.vijayavani.net/gs-patil-fans-try-to-force-cm-to-make-him-a-minister

https://www.vijayavani.net/why-are-low-land-winds-increased-in-the-state