ದನದ ಮೇಲೆ ಲೈಂಗಿಕ ದೌರ್ಜನ್ಯ! ಆಘಾತಕಾರಿ ಘಟನೆ ಕ್ಯಾಮರಾದಲ್ಲಿ ಸೆರೆ…

ದುರ್ಗ್: ಛತ್ತೀಸ್‌ಗಢದ ದುರ್ಗ್ ಜಿಲ್ಲೆಯ ಭಿಲಾಯಿ ನಗರದಲ್ಲಿ ಹಸನ್ ಖಾನ್ ಎಂಬ ಬಟ್ಟೆ ವ್ಯಾಪಾರಿ ಹಸುವಿನ ಮೇಲೆ ಅತ್ಯಾಚಾರವೆಸಗಿರುವ ಘಟನೆ ವರದಿಯಾಗಿದೆ. ಸಿಸಿಟಿವಿ ದೃಶ್ಯಾವಳಿಯಲ್ಲಿ ಸೆರೆಯಾದ ಈ ಘಟನೆಯು ಮೇ 24, 2023 ರಂದು ಸಂಭವಿಸಿದೆ.

ಈ ಹೇಯ ಕೃತ್ಯದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆದ ನಂತರ ಆಕ್ರೋಶಗೊಂಡ ಬಿಜೆವೈಎಂ ಮತ್ತು ಇತರ ಹಿಂದೂ ಸಂಘಟನೆಗಳ ಹಲವಾರು ಸದಸ್ಯರು ಜಮುಲ್ ಪೊಲೀಸ್ ಠಾಣೆಗೆ ಮುತ್ತಿಗೆ ಹಾಕಿದ್ದು, ಆರೋಪಿಗಳನ್ನು ಬಂಧಿಸಬೇಕು ಮತ್ತು ಇಂತಹ ದುಷ್ಕೃತ್ಯದಲ್ಲಿ ಭಾಗಿಯಾಗಿರುವ ವ್ಯಕ್ತಿಯ ವಿರುದ್ಧ ಪ್ರಕರಣ ದಾಖಲಿಸಬೇಕು ಎಂದು ಒತ್ತಾಯಿಸಿದ್ದಾರೆ. ದೂರಿನ ಮೇರೆಗೆ ಛತ್ತೀಸ್‌ಗಢ ಪೊಲೀಸರು ಕಾರ್ಯಪ್ರವೃತ್ತರಾಗಿ ಹಸನ್‌ ಖಾನ್‌ನನ್ನು 24 ಗಂಟೆಗಳಲ್ಲಿ ಬಂಧಿಸಿ ಜೈಲಿಗೆ ಕಳುಹಿಸಿದ್ದಾರೆ.

ಇದನ್ನೂ ಓದಿ: ಲೈಂಗಿಕ ದೌರ್ಜನ್ಯ ಅಪರಾಧಿಗೆ 20 ವರ್ಷ ಕಠಿಣ ಶಿಕ್ಷೆ; ಅರ್ಬಾಜ್ ದಸ್ತಗೀರ ಶಿಕ್ಷೆಗೀಡಾದ ಯುವಕ

ಭಿಲಾಯಿಯ ಹೌಸಿಂಗ್ ಬೋರ್ಡ್ ಕಾಲೋನಿಯಲ್ಲಿ ಈ ಘಟನೆ ನಡೆದಿದ್ದು. ಫಿರೋಜ್ ಖಾನ್ ಮತ್ತು ಅವರ ಕುಟುಂಬ ಮೂರ್ನಾಲ್ಕು ವರ್ಷಗಳಿಂದ ಇಲ್ಲಿ ವಾಸಿಸುತ್ತಿದ್ದಾರೆ. ಈ ಪ್ರದೇಶದಲ್ಲಿ ಎರಡರಿಂದ ಮೂರು ಮನೆಗಳನ್ನು ಹೊಂದಿದ್ದಾರೆ. ದೆಹಲಿಯ ಹಸನ್ ಖಾನ್ ಎಂಬ ಯುವಕ ಗಾರ್ಮೆಂಟ್ಸ್ ಮಾರಾಟ ಮಾಡಲು ಈ ಜನರ ಬಳಿಗೆ ಬಂದಿದ್ದನು. ಮೇ 24 ರಂದು ಮಧ್ಯರಾತ್ರಿಯ ಸುಮಾರಿಗೆ ಹಸನ್ ಖಾನ್ ಘೋರ ಕೃತ್ಯ ಎಸಗಿದ್ದು ಸಿಸಿಟಿವಿಯಲ್ಲಿ ದಾಖಲಾಗಿತ್ತು.

ಸಿಸಿಟಿವಿ ಫೂಟೇಜ್‌ನಲ್ಲಿ ಹಸನ್ ಖಾನ್ ವಿಕರ್ಷಣೆಯ ಕೃತ್ಯದಲ್ಲಿ ತೊಡಗಿರುವುದನ್ನು ಸ್ಥಳೀಯರು ಕಂಡಾಗ, ಅವರು ಸೋಮವಾರ (ಮೇ 29, 2023) ಬಿಜೆಪಿ ನಾಯಕರನ್ನು ಎಚ್ಚರಿಸಿದರು. ಇದರ ಬೆನ್ನಲ್ಲೇ ಬಿಜೆಪಿ, ಬಿಜೆವೈಎಂ, ಬಜರಂಗದಳ ಸದಸ್ಯರು ದಂಡು ಕಟ್ಟಿಕೊಂಡು ಜಮುಲ್ ಪೊಲೀಸ್ ಠಾಣೆಗೆ ಆಗಮಿಸಿ ಆರೋಪಿಯನ್ನು ಬಂಧಿಸುವಂತೆ ಒತ್ತಾಯಿಸಿದರು.

ಇದನ್ನೂ ಓದಿ: 18 ಶಾಲಾ ಬಾಲಕಿಯರ ಮೇಲೆ ಲೈಂಗಿಕ ದೌರ್ಜನ್ಯ; ಟಾಯ್ಲೆಟ್​ನಲ್ಲಿ ಬಳಸಿದ ಕಾಂಡೋಮ್ ಪತ್ತೆ

ಪರಿಸ್ಥಿತಿ ಹದಗೆಡುತ್ತಿದ್ದಂತೆ, ಐಪಿಎಸ್ ಪ್ರಭಾತ್ ಕುಮಾರ್ ಮತ್ತು ಸಿಎಸ್ಪಿ ಕಂಟೋನ್ಮೆಂಟ್ ಆಶಿಶ್ ಬಾಂಚೋರ್ ಅವರು ಪ್ರಕರಣವನ್ನು ನಿಭಾಯಿಸಿದರು. ಕಂಟೋನ್ಮೆಂಟ್ ಮತ್ತು ಸುಪೇಲಾ ಪೊಲೀಸ್ ಠಾಣೆಗಳ ಅಧಿಕಾರಿಗಳನ್ನು ತಕ್ಷಣವೇ ಅಪರಾಧ ಸ್ಥಳಕ್ಕೆ ಕಳುಹಿಸಲಾಯಿತು. ಪೊಲೀಸರು ಆರೋಪಿಯ ಕುಟುಂಬಸ್ಥರನ್ನು ಠಾಣೆಗೆ ಕರೆತಂದಿದ್ದಾರೆ. ಅವರನ್ನು ವಿಚಾರಣೆಗೊಳಪಡಿಸಿ, ಸಂಗ್ರಹಿಸಿದ ಮಾಹಿತಿಯ ಆಧಾರದ ಮೇಲೆ ಪೊಲೀಸರು ಹಸನ್ ಖಾನ್ ಅವರನ್ನು ಬಂಧಿಸಿದ್ದಾರೆ.

ವಿಡಿಯೋ ಕೃಪೆ: KP News

ಬಜರಂಗ ದಳದ ಕಾರ್ಯಕರ್ತರು ಹೇಳೋದೇನು?

ಘಟನೆಯ ಕುರಿತು ಮಾತನಾಡಿದ ಬಜರಂಗದಳದ ಕಾರ್ಯಕರ್ತ ದೀಪಕ್ ಯಾದವ್, ಮೇ 24 ರಂದು ವ್ಯಕ್ತಿಯೊಬ್ಬ ಹಸುವಿನ ಮೇಲೆ ಅತ್ಯಾಚಾರ ನಡೆಸಿದ್ದಾನೆ ಎಂಬ ಮಾಹಿತಿ ನಮಗೆ ಬಂದಿತ್ತು. ಇಡೀ ಘಟನೆ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಘಟನೆಯ ಕುರಿತು ನಾವು ಜಮುಲ್ ಪೊಲೀಸ್ ಠಾಣೆಗೆ ವರದಿ ಸಲ್ಲಿಸಿದ್ದೇವೆ. ಅದರ ನಂತರ, ನಮ್ಮ ಎಲ್ಲಾ ಗೋರಕ್ಷಕರು ಮತ್ತು ಹಿಂದೂ ಸಹೋದರರು ಪೊಲೀಸ್ ಆಡಳಿತದೊಂದಿಗೆ ಆರೋಪಿಯ ನಿವಾಸಕ್ಕೆ ತೆರಳಿದರು. ನಾವು ಬಂದಾಗ, ನಿವಾಸದ ಮಾಲೀಕರು ನಮಗೆ ಅವರು ಆರೋಪಿ ಎಂದು ತಿಳಿದಿರಲಿಲ್ಲ" ಎಂದು ತಿಳಿಸಿದರು.

ಅಂತಹ ಆರೋಪಿಗಳ ವಿರುದ್ಧ ಕಠಿಣ ಶಿಕ್ಷೆಯನ್ನು ತೆಗೆದುಕೊಳ್ಳಬೇಕೆಂದು ನಾವು ಬಯಸುತ್ತೇವೆ. ಅವರನ್ನು ಸುಮ್ಮನೆ ಬಿಡಬಾರದು. ಇಲ್ಲದಿದ್ದರೆ, ಇಡೀ ಹಿಂದೂ ಸಮಾಜ ಮತ್ತು ಬಜರಂಗದಳ ಉಗ್ರ ಆಂದೋಲನವನ್ನು ನಡೆಸುತ್ತದೆ. ”ಎಂದು ಯಾದವ್ ಹೇಳಿದರು, ಇದು ಹೌಸಿಂಗ್ ಬೋರ್ಡ್ ಕಾಲೋನಿಯಲ್ಲಿ ನಡೆದ ಮೂರನೇ ಘಟನೆ ಎಂದು ಸ್ಥಳೀಯ ಮಹಿಳೆಯೊಬ್ಬರು ಹೇಳಿದ್ದಾರೆ. ಈ ಬಗ್ಗೆ “ಪ್ರತಿ ಬಾರಿಯೂ ಎರಡು ಗಂಟೆಗಳ ವಿಚಾರಣೆಯ ನಂತರ ಆರೋಪಿಯನ್ನು ಬಿಡುಗಡೆ ಮಾಡಲಾಗುತ್ತದೆ. ಅಲ್ಲಿದ್ದ ಇತರರು ಇದನ್ನು ಉದ್ದೇಶಪೂರ್ವಕವಾಗಿ ಮಾಡಲಾಗಿದೆ ” ಎಂದು ಬಜರಂಗ ದಳದ ಸ್ಥಳೀಯ ನಾಯಕ ಹೇಳಿದ್ದಾರೆ. (ಏಜೆನ್ಸೀಸ್)

https://www.vijayavani.net/raj-b-shetty-to-be-part-of-a-new-movie-gives-hint-throught-tweets

https://www.vijayavani.net/fight-between-mother-in-law-and-sister-in-law-for-congress-guarentee

https://www.vijayavani.net/conman-poses-as-pm-modis-deputy-secratary