ಥ್ರೆಡ್ಸ್ ಬಳಕೆದಾರ ಸಂಖ್ಯೆ ಏರುತ್ತಿರುವುದರಿಂದ ಇದು ಟ್ವಿಟರ್ ಅನ್ನು ಮೀರಿ ಬೆಳೆಯುವುದೇ ಎಂಬ ಚರ್ಚೆ ಜೋರಾಗಿ ನಡೆಯುತ್ತಿದೆ. ಥ್ರೆಡ್ಸ್ನಲ್ಲೇ ಇನ್ಸ್ಟಾಗ್ರಾಮ್ ಲಿಂಕ್ ಸಿಗುತ್ತಿರುವುದು ಅನುಕೂಲಕರವಾಗಿದೆ ಎಂದು ಹಲವರು ಹೇಳಿದ್ದರೆ, ಟ್ವಿಟರ್ ಸುದ್ದಿ ಅಥವಾ ಮಾಹಿತಿ ಆಧಾರಿತ ವೇದಿಕೆಯಾದರೆ, ಇನ್ಸ್ಟಾಗ್ರಾಂ ವಿಡಿಯೋಗೆ ಹೆಚ್ಚು ಒತ್ತು ನೀಡುವ ಜಾಲತಾಣವಾಗಿದೆ. ಹೀಗಾಗಿ ಇವೆರಡಕ್ಕೂ ಬದಲಿ ಆಗುವುದಕ್ಕೆ ಹೊಸ ವೇದಿಕೆಗೆ ಕಷ್ಟವಾಗಬಹುದು ಎಂದು ಮತ್ತೆ ಕೆಲವರು ಅಭಿಪ್ರಾಯ ಹಂಚಿಕೊಂಡಿದ್ದಾರೆ. ಇನ್ಸ್ಟಾಗ್ರಾಮ್ ನಾಲ್ಕನೇ ಒಂದು ಭಾಗದಷ್ಟು ಬಳಕೆದಾರರು ಥ್ರೆಡ್ಸ್ಗೆ ಬಂದರೂ ಸಾಕು ಅದು ಟ್ವಿಟರ್ಗೆ ಪ್ರತಿ ಸ್ಪರ್ಧಿ ಆಗುತ್ತದೆ ಎಂಬುದು ಮೆಟಾ ಅಭಿಪ್ರಾಯ ಆಗಿದೆ. ಇನ್ಸ್ಟಾಗ್ರಾಮ್ನಲ್ಲಿನ ಉತ್ತಮಾಂಶಗಳನ್ನು ತೆಗೆದುಕೊಳ್ಳುವುದು ಮತ್ತು ಹೊಸ ಅನುಭವನ್ನು ಹಂಚಿಕೊಳ್ಳುವುದು, ಸ್ನೇಹಭಾವದ ಚರ್ಚೆ ನಡೆಯುವಂತೆ ಮಾಡುವುದು ಹೊಸ ಜಾಲತಾಣದ ಉದ್ದೇಶ ಎಂದು ತಿಳಿಸಿದೆ.
