ಬುಲವಾಯೊ: ಅಮೋ ಆಲ್ರೌಂಡ್ ನಿರ್ವಹಣೆ ತೋರಿದ 23 ವರ್ಷದ ಬಾಸ್ ಡಿಲೀಡೆ (123 ರನ್, 92 ಎಸೆತ,7 ಬೌಂಡರಿ, 5 ಸಿಕ್ಸರ್ ಹಾಗೂ 52ಕ್ಕೆ 5 ವಿಕೆಟ್) ಸಾಹಸದ ನೆರವಿನಿಂದ ನೆದರ್ಲೆಂಡ್ ತಂಡ ಐಸಿಸಿ ಏಕದಿನ ವಿಶ್ವಕಪ್ ಅರ್ಹತಾ ಟೂರ್ನಿಯ ಸೂಪರ್ ಸಿಕ್ಸ್ ಪಂದ್ಯದಲ್ಲಿ ಸ್ಕಾಟ್ಲೆಂಡ್ ಎದುರು 4 ವಿಕೆಟ್ಗಳಿಂದ ಭರ್ಜರಿ ಗೆಲುವು ದಾಖಲಿದೆ. ಈ ಮೂಲಕ ಭಾರತದಲ್ಲಿ ನಡೆಯಲಿರುವ ವಿಶ್ವಕಪ್ಗೆ ಅರ್ಹತೆ ಪಡೆದಿದೆ. 2011ರ ಬಳಿಕ ಮೊದಲ ಬಾರಿಗೆ ವಿಶ್ವಕಪ್ಗೆ ಪ್ರವೇಶಿಸಿರುವ ನೆದರ್ಲೆಂಡ್, ನವೆಂಬರ್ 11ರಂದು ಬೆಂಗಳೂರಿನಲ್ಲಿ ಭಾರತ ತಂಡವನ್ನು ಎದುರಿಸಲಿದೆ.
ಎರಡು ತಂಡಗಳು ಗುರುವಾರ ಗೆಲುವಿನ ಒತ್ತಡದಲ್ಲಿ ಕಣಕ್ಕಿಳಿದವು. ಟಾಸ್ ಸೋತು ಬ್ಯಾಟಿಂಗ್ ಇಳಿದ ಸ್ಕಾಟ್ಲೆಂಡ್ ತಂಡ ಬ್ರಾಂಡನ್ ಮೆಕ್ಮೂಲನ್ (106 ) ಶತಕದ ನೆರವಿನಿಂದ 9 ವಿಕೆಟ್ಗೆ 277 ರನ್ಗಳ ಸವಾಲಿನ ಮೊತ್ತ ಕಲೆಹಾಕಿತು. ಪ್ರತಿಯಾಗಿ ನೆದರ್ಲೆಂಡ್ ತಂಡ 42.5 ಓವರ್ಗಳಲ್ಲಿ 6 ವಿಕೆಟ್ಗೆ 278 ರನ್ ಪೇರಿಸಿ ಜಯದ ಸಂಭ್ರಮ ಕಂಡಿತು. ವಿಶ್ವಕಪ್ಗೆ ಅರ್ಹತೆ ಪಡೆಯಲು ನೆದರ್ಲೆಂಡ್ 44 ಓವರ್ನೊಳಗೆ ಚೇಸಿಂಗ್ ಮಾಡಬೇಕಾಗಿತ್ತು. 40 ಓವರ್ಗಳಲ್ಲಿ 233 ರನ್ ಪೇರಿಸಿದ್ದ ನೆದರ್ಲೆಂಡ್ ನಂತರ 4 ಓವರ್ಗಳಲ್ಲಿ 45 ರನ್ ಕಸಿದು ವಿಶ್ವಕಪ್ ಟಿಕೆಟ್ ಗಿಟ್ಟಿಸಿಕೊಂಡಿತು. ಇದರಲ್ಲಿ ಡಿ ಲೀಡೆ 9 ಎಸೆತಗಳಲ್ಲೇ 33 ರನ್ ದೋಚಿದರು.
ಸ್ಕಾಟ್ಲೆಂಡ್: 9 ವಿಕೆಟ್ಗೆ 277 (ಕ್ರಿಸ್ಟೋರ್ 32, ಮೆಕ್ಮೂಲನ್ 106, ಬೆರಿಂಗ್ಟನ್ 64, ಥಾಮಸ್ 38, ಗ್ರೀವ್ಸ್ 18, ಡಿ ಲೀಡೆ 52ಕ್ಕೆ5,ರ್ಯಾನ್ ಕ್ಲೆನ್ 52ಕ್ಕೆ2). ನೆದರ್ಲೆಂಡ್: 42.5 ಓವರ್ಗಳಲ್ಲಿ 6 ವಿಕೆಟ್ಗೆ 278 (ವಿಕ್ರಮ್ಜೀತ್ 40, ಓ ಡೌಡ್ 20, ಡಿ ಲೀಡೆ 123, ಎಡ್ವರ್ಡ್ಸ್ 25, ಜುಲ್ಫಿಕರ್ 33*, ಲೀಸ್ಕ್ 42ಕ್ಕೆ2).
ವಿಶ್ವಕಪ್ಗೆ ಎಲ್ಲ 10 ತಂಡಗಳು ಅಂತಿಮ
ನೆದರ್ಲೆಂಡ್ ತಂಡದ ಅರ್ಹತೆ ಖಚಿತಗೊಳ್ಳುವುದರೊಂದಿಗೆ ಭಾರತದಲ್ಲಿ ಅಕ್ಟೋಬರ್ 5ರಿಂದ ನಡೆಯಲಿರುವ ಏಕದಿನ ವಿಶ್ವಕಪ್ನಲ್ಲಿ ಆಡಲಿರುವ ಎಲ್ಲ 10 ತಂಡಗಳು ಅಂತಿಮಗೊಂಡಿವೆ. ಆತಿಥೇಯ ಭಾರತದೊಂದಿಗೆ ಆಸ್ಟ್ರೆಲಿಯಾ, ಹಾಲಿ ಚಾಂಪಿಯನ್ ಇಂಗ್ಲೆಂಡ್, ನ್ಯೂಜಿಲೆಂಡ್, ದಣ ಆಫ್ರಿಕಾ, ಪಾಕಿಸ್ತಾನ, ಬಾಂಗ್ಲಾದೇಶ, ಅ್ಘಾನಿಸ್ತಾನ ತಂಡಗಳು ಈಗಾಗಲೆ ನೇರಪ್ರವೇಶ ಪಡೆದಿದ್ದರೆ, ಅರ್ಹತೆ ಟೂರ್ನಿಯಲ್ಲಿ ಶ್ರೀಲಂಕಾ ಮೊದಲ ತಂಡವಾಗಿ ಪ್ರವೇಶ ಪಡೆದಿತ್ತು.
ಬೆಂಗಳೂರಿನಲ್ಲಿ ಭಾರತಕ್ಕೆ ನೆದರ್ಲೆಂಡ್ ಎದುರಾಳಿ
ನೆದರ್ಲೆಂಡ್ ತಂಡ ಏಕದಿನ ವಿಶ್ವಕಪ್ ಟೂರ್ನಿಯಲ್ಲಿ ಭಾರತ ತಂಡ ನವೆಂಬರ್ 11ರಂದು ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಆಡಲಿರುವ ತನ್ನ ಕೊನೇ ಪಂದ್ಯದಲ್ಲಿ ಎದುರಾಳಿ ಆಗಿರಲಿದೆ. ಐಸಿಸಿ ಸೂತ್ರದ ಪ್ರಕಾರ, “ಅರ್ಹತಾ ತಂಡ1′ ಈ ಪಂದ್ಯ ಆಡಬೇಕಿತ್ತು. ವೆಸ್ಟ್ ಇಂಡೀಸ್ ಈ “ಅರ್ಹತಾ ತಂಡ1′ ಎನಿಸಿದ್ದರೂ, ಅದು ಅರ್ಹತೆ ಗಳಿಸದ ಕಾರಣ ಈಗ ಆ ಸ್ಥಾನ ಡಚ್ಚರಿಗೆ ಒಲಿದಿದೆ. ನೆದರ್ಲೆಂಡ್ ಉಳಿದಂತೆ ಅ.6ರಂದು ಪಾಕಿಸ್ತಾನ (ಹೈದರಾಬಾದ್), ಅ. 9ರಂದು ನ್ಯೂಜಿಲೆಂಡ್ (ಹೈದರಾಬಾದ್), ಅ. 17ರಂದು ದಕ್ಷಿಣ ಆಫ್ರಿಕಾ (ಧರ್ಮಶಾಲಾ), ಅ. 21ರಂದು ಶ್ರೀಲಂಕಾ (ಲಖನೌ), ಅ. 25ರಂದು ಆಸ್ಟ್ರೆಲಿಯಾ (ನವದೆಹಲಿ), ಅ. 28ರಂದು ಬಾಂಗ್ಲಾದೇಶ (ಕೋಲ್ಕತ), ನ. 3ರಂದು ಅಫ್ಘಾನಿಸ್ತಾನ (ಲಖನೌ), ನ. 8ರಂದು ಇಂಗ್ಲೆಂಡ್ (ಪುಣೆ) ವಿರುದ್ಧ ಆಡಲಿದೆ.
ವಿಂಬಲ್ಡನ್ನಲ್ಲಿ ಒಳಉಡುಪಿನ ನಿಯಮ ಸಡಿಲ; ಟೆನಿಸ್ ಆಟಗಾರ್ತಿಯರು ಈಗ ನಿರಾಳ!