ನ್ಯೂಯಾರ್ಕ್: ಮೈಕ್ರೋಬ್ಲಾಗಿಂಗಗ ವೇದಿಕೆ ಟ್ವೀಟರ್ಗೆ ಪರ್ಯಾಯ ಎಂಬಂತೆ ಬಿಂಬಿತವಾಗಿರುವ ಥ್ರೆಡ್ಸ್ ಆ್ಯಪ್ ಗುರುವಾರ ಬಿಡುಗಡೆಯಾಗಿದೆ. ಫೇಸ್ಬುಕ್ ಒಡೆತನದ ಮೆಟಾ ಕಂಪನಿಯ ಈ ಹೊಸ ಅಪ್ಲಿಕೇಶನ್ಗೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.
ಏಕೆಂದರೆ ಥ್ರೆಡ್ಸ್ನಲ್ಲಿ ಸುಲಭವಾಗಿ ಲಾಗಿನ್ ಆಗಬಹುದಾಗಿದೆ. ಆದರೆ, ಲಾಗೌಟ್ ಮಾಡುವುದು ಅಷ್ಟು ಸುಲಭದ ಮಾತಲ್ಲ ಎಂದು ಹೇಳಲಾಗುತ್ತಿದೆ. ಹೊಸ ಆ್ಯಪ್ ಹೇಗಿದೆ ನೋಡುವ ಎಂದು ನೀವು ಒಮ್ಮೆ ಖಾತೆಯನ್ನು ಸೃಜಿಸಿದರೆ ಅದನ್ನು ಯಾವುದೇ ಕಾರಣಕ್ಕೂ ಡಿಲೀಟ್ ಮಾಡುವುದಕ್ಕೆ ಸಾಧ್ಯವಿಲ್ಲ.
ಒಂದು ವೇಳೆ ನೀವು ಹಾಗೆ ಮಾಡಲು ಮುಂದಾದರೆ ಮೊದಲಿಗೆ ನಿಮ್ಮ ಇನ್ಸ್ಟಾಗ್ರಾಂ ಖಾತೆಯನ್ನು ಡಿಲೀಟ್ ಮಾಡಿದಾಗ ಮಾತ್ರ ಥ್ರೆಡ್ಸ್ ಖಾತೆಯನ್ನು ಶಾಶ್ವತವಾಗಿ ಡಿಲೀಟ್ ಮಾಡಲು ಸಾಧ್ಯ ಎಂದು ಪ್ರೈವಸಿ ಪಾಲಿಸಿಯಲ್ಲಿ ಹೇಳಲಾಗಿದೆ.
ಇದನ್ನೂ ಓದಿ: AIADMKಯ ಏಕೈಕ ಸಂಸದನ ಆಯ್ಕೆ ಅಸಿಂಧುಗೊಳಿಸಿದ ಮದ್ರಾಸ್ ಹೈಕೋರ್ಟ್
ಥ್ರೆಡ್ಸ್ ಖಾತೆಯನ್ನು ಒಮ್ಮೆ ಡಿಲೀಟ್ ಮಾಡಿದರೆ ಬೇರೆಯವರು ನೋಡಲು ಸಾಧ್ಯವಿಲ್ಲ. ಆಧರೆ, ನೀವು ಹಂಚಿಕೊಂಡ ಪೋಸ್ಟ್ಗಳು ಮಾತ್ರ ಆ್ಯಪ್ನ ಸರ್ವರ್ ಅಲ್ಲಿ ಲೈವ್ ಸ್ಟ್ರೀಮ್ ಆಗುತ್ತಿರುತ್ತವೆ. ಖಾತೆಯನ್ನು ನಿಷ್ಕ್ರಿಯಗೊಳಿಸುವ ಮುನ್ನ ನಿಮ್ಮ ಪೋಸ್ಟ್ಗಳನ್ನು ಒಂದೊಂದಾಗಿ ಡಿಲೀಟ್ ಮಾಡಿದರೆ ಮಾತ್ರ ಎಲ್ಲೂ ಕಾಣದಂತೆ ಮಾಡಲು ಸಾಧ್ಯವಾಗುತ್ತದೆ.
ಒಂದು ವೇಳೆ ಇನ್ಸ್ಟಾಗ್ರಾಂ ಖಾತೆಯನ್ನು ನೀವು ಡಿಲೀಟ್ ಮಾಡಿದರೆ ಥ್ರೆಡ್ಸ್ ಆ್ಯಪ್ನಲ್ಲಿ ನೀವು ಹಂಚಿಕೊಂಡ ಮಾಹಿತಿ 90 ದಿನಗಳವರೆಗೂ ಸರ್ವರ್ನಲ್ಲಿ ಉಳಿದಿರುತ್ತದೆ.