ಈ ಅಂಡರ್​ವೇರ್​ ತೊಳೆಯೋದೇ ಬೇಡ್ವಂತೆ!; ವಾರಗಟ್ಟಲೆ ಒಂದನ್ನೇ ಹಾಕಿದ್ರೂ ನೋ ಪ್ರಾಬ್ಲಮ್!

ನವದೆಹಲಿ: ನಿಜಕ್ಕೂ ಇದು ಅಂದರ್ ಕಿ ಬಾತ್ ಹೈ. ಅರ್ಥಾತ್ ಇದು ಒಳಉಡುಪಿನ ವಿಷಯ. ಅಷ್ಟಕ್ಕೂ ಇದು ಅಂತಿಂಥ ಒಳಉಡುಪಲ್ಲ. ಏಕೆಂದರೆ ಈ ಅಂಡರ್​ವೇರ್​ ಒಂದೇ ಒಂದು ಇದ್ದರೂ ಸಾಕು, ವಾರಗಟ್ಟಲೆ ಅದೊಂದರಲ್ಲೇ ಕಾಲ ಕಳೆದು ಬಿಡಬಹುದು. ಮಾತ್ರವಲ್ಲ, ಇದನ್ನು ತೊಳೆಯಬೇಕಾದ ಅಗತ್ಯವೂ ಇಲ್ಲ.

ಹೌದು.. ಇಂಥದ್ದೊಂದು ಒಳಉಡುಪನ್ನು ಕಂಪನಿಯೊಂದು ಉತ್ಪಾದಿಸುತ್ತಿದೆ. 'ದ ವರ್ಲ್ಡ್ಸ್​ ಕ್ಲೀನೆಸ್ಟ್​ ಅಂಡರ್​ವೇರ್' ಎಂಬ ಟ್ಯಾಗ್​ಲೈನ್​ನೊಂದಿಗೆ ಇಂಥದ್ದೊಂದು ಒಳಉಡುಪನ್ನು ಹರ್ಕ್ಲಿಯಾನ್​ (HercLéon) ಎಂಬ ಕಂಪನಿ ಉತ್ಪಾದಿಸುತ್ತಿದೆ. ಈ ಒಳಉಡುಪನ್ನು ದಿನಗಟ್ಟಲೆ ಅಥವಾ ವಾರಗಟ್ಟಲೆ ಮಾತ್ರವಲ್ಲ ತಿಂಗಳುಗಟ್ಟಲೆ ಬಳಸಿದರೂ ವಾಸನೆ ಬರುವುದಿಲ್ಲ, ಸ್ವಚ್ಛವಾಗಿಯೇ ಇರುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.

ಇದನ್ನೂ ಓದಿ: ಪ್ರೇಮಿಗಳ ದಿನದಂದು ಪತ್ನಿ ಜತೆ ಹೊಸ ಬೈಕಲ್ಲಿ ಜಾಲಿರೈಡ್ ಹೋದ ನಟ ವಿವೇಕ್ ಒಬೆರಾಯ್​; ಆಮೇಲಾಯಿತು ವಿವೇಕೋದಯ!

ಕ್ರಿಬಿ (Kribi) ಎಂದು ಕಂಪನಿ ನಾಮಕರಣ ಮಾಡಿರುವ ಈ ಒಳಉಡುಪನ್ನು ಹರ್ಕ್​ಫೈಬರ್ ಎಂಬ ವಸ್ತುವಿನಿಂದ ತಯಾರಿಸಲಾಗುತ್ತಿದೆ. ಹರ್ಕ್​ಫೈಬರ್​ ಬಂಬೂ, ಯೂಕಲಿಪ್ಟಸ್​, ಬೀಚ್​ವುಡ್​ ಮತ್ತು ತಾಮ್ರದ ಹದವಾದ ಮಿಶ್ರಣ. ಇದರಲ್ಲಿನ ಅಂಶಗಳು ಬ್ಯಾಕ್ಟೀರಿಯಾಗಳನ್ನು ನಿರಂತರವಾಗಿ ಸಾಯಿಸುತ್ತವೆ. ಹೀಗಾಗಿ ಈ ಅಂಡರ್​ವೇರ್​ಅನ್ನು ಒಗೆಯದೇ ಒಂದಕ್ಕಿಂತ ಹೆಚ್ಚು ದಿನ ಬಳಸಬಹುದು. ಆದರೆ ದಿನಕ್ಕೊಮ್ಮೆ ಒಂದೆರಡು ಗಂಟೆಗಳ ಕಾಲ ಗಾಳಿಯಾಡಲು ಬಿಟ್ಟರೆ ಉತ್ತಮ ಎಂದು ಕಂಪನಿ ಹೇಳಿಕೊಂಡಿದೆ. ಈ ಕಂಪನಿ ಇದೇ ಥರದಲ್ಲಿ ತೊಳೆಯುವ ಅಗತ್ಯವಿರದ ಸಾಕ್ಸ್​, ಟಿ-ಶರ್ಟ್​, ಬೆಡ್​ಶೀಟ್​ಗಳನ್ನು ತಯಾರಿಸುತ್ತಿದೆ. (ಏಜೆನ್ಸೀಸ್​)

ಕ್ಷಣಕ್ಷಣದ ಮಾಹಿತಿಗಾಗಿ ವಿಜಯವಾಣಿ ಫೇಸ್​ಬುಕ್​ ಪೇಜ್​ ಲೈಕ್​ ಮಾಡಿ

https://www.vijayavani.net/bizarre-gator-like-fish-with-huge-jaws-and-sharp-teeth-baffles-experts-after-remains-are-spotted-in-singapore/

https://www.vijayavani.net/rise-in-corona-cases-in-five-states-follow-safety-guidelines-strictly/