ಮುಂಬೈ: ಪ್ರೇಮಿಗಳ ದಿನದಂದು ಪತ್ನಿ ಜತೆ ತನ್ನ ಹೊಚ್ಚಹೊಸ ಹಾರ್ಲೆ ಡೇವಿಡ್ಸನ್ ಬೈಕ್ನಲ್ಲಿ ಜಾಲಿರೈಡ್ ಹೋಗಿದ್ದ ನಟ ವಿವೇಕ್ ಒಬೆರಾಯ್ಗೆ ಅದೊಂದು ಘಟನೆ ವಿವೇಕೋದಯ ಎಂಬಂತಾಗಿದೆ. ಫೆ. 14ರಂದು ಹೊಸ ಬೈಕ್ ಏರಿ ಹೊರಟ ವಿವೇಕ್ ಒಬೆರಾಯ್, ಅದರ ವಿಡಿಯೋ ತುಣುಕೊಂದನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು.
ವ್ಯಾಲೆಂಟೈನ್ಸ್ ಡೇಯಂದು ಎಂಥ ಒಳ್ಳೆಯ ಆರಂಭ. ನಾನು, ನನ್ನ ಪ್ರೀತಿಯ ಪತ್ನಿ ಮತ್ತು ‘ಅವನು’.. ಆಹಾ ಎಂಥ ಒಳ್ಳೆಯ ಜಾಲಿರೈಡ್’ ಎಂದು ತಮ್ಮ ಹೊಸ ಬೈಕ್ನಲ್ಲಿನ ಪ್ರಯಾಣದ ವಿಡಿಯೋಗೆ ಕ್ಯಾಪ್ಷನ್ ಹಾಕಿಕೊಂಡಿದ್ದರು. ಆದರೆ ವಿವೇಕ್ ಇಂಥದ್ದೊಂದು ವಿಡಿಯೋ ಶೇರ್ ಮಾಡಿದ ಕೆಲವೇ ಹೊತ್ತಿನಲ್ಲಿ ಅದು ವೈರಲ್ ಆಗಿದ್ದಷ್ಟೇ ಅಲ್ಲ, ಅವರನ್ನು ಇಕ್ಕಟ್ಟಿಗೂ ಸಿಲುಕಿಸಿದೆ. ಏಕೆಂದರೆ ಹೆಲ್ಮೆಟ್ ಹಾಗೂ ಮಾಸ್ಕ್ ಧರಿಸದೆ ಹೊರಟ ವಿವೇಕ್ ಮೇಲೆ ಟ್ರಾಫಿಕ್ ಪೊಲೀಸರು ದಂಡ ವಿಧಿಸಿದ್ದರೆ, ಮಾಸ್ಕ್ ಹಾಕದ್ದಕ್ಕೆ ಮುಂಬೈನ ಜುಹು ಪೊಲೀಸರು ಫೆ. 19ರಂದು ಕೇಸ್ ದಾಖಲಿಸಿದ್ದಾರೆ.
ಇದನ್ನೂ ಓದಿ: ಇಡೀ ಊರಿಗೇ ಕೇಳಿಸುತ್ತಿತ್ತು ಈ ಮನುಷ್ಯನ ಗೊರಕೆ; ವಿಡಿಯೋ ಕೂಡ ವೈರಲ್ ಆಯ್ತು..
ಆ ಬಳಿಕ ತಮ್ಮ ತಪ್ಪಿನ ಕುರಿತು ತಿಳಿದ ವಿವೇಕ್ ಒಬೆರಾಯ್, ಮತ್ತೆ ಸೋಷಿಯಲ್ ಮೀಡಿಯಾದಲ್ಲೇ ಅದರ ಬಗ್ಗೆ ಹೇಳಿಕೊಂಡು ತಮ್ಮಲ್ಲಿ ಅರಿವು ಮೂಡಿದ್ದನ್ನೂ ತಿಳಿಸಿದ್ದಾರೆ. ಪ್ರೀತಿ ನಮ್ಮನ್ನು ಎಲ್ಲಿಗೆ ತಂದಿಟ್ಟಿತು ನೋಡಿ.. ಹೊಸ ಬೈಕ್ನಲ್ಲಿ ಹೋಗಿದ್ವಿ ನಾನು ನನ್ನ ಜಾನ್, ಹೆಲ್ಮೆಟ್ ಹಾಕದ್ದಕ್ಕೆ ಪೊಲೀಸರು ಕಟ್ ಮಾಡಿದ್ದು ಚಲನ್. ಹೆಲ್ಮೆಟ್ ಇಲ್ಲದೆ ಪ್ರಯಾಣಿಸಿದ್ರೆ ತಪ್ಪಿದ್ದಲ್ಲ ಮುಂಬೈ ಪೊಲೀಸರ ಚೆಕ್ಮೇಟ್. ಸುರಕ್ಷತೆ ಎಲ್ಲಕ್ಕಿಂತ ಮುಖ್ಯ ಎಂದು ನನ್ನಲ್ಲಿ ಅರಿವು ಮೂಡಿಸಿದ ಮುಂಬೈ ಪೊಲೀಸರಿಗೆ ಧನ್ಯವಾದ. ಎಲ್ಲರೂ ಹೆಲ್ಮೆಟ್ ಧರಿಸಿ ಬೈಕ್ ಚಲಾಯಿಸಿ, ಮಾಸ್ಕ್ ಹಾಕಿ ಸಂಚರಿಸಿ ಎಂದು ವಿವೇಕ್ ಟ್ವೀಟ್ ಮಾಡಿದ್ದಾರೆ. (ಏಜೆನ್ಸೀಸ್)
Pyaar humein kis mod pe le aaya!Nikle they nayi bike par hum aur hamari jaan, bina helmet ke kat gaya chalaan!Riding without a helmet?Mumbai police will do a checkmate!Thank u @mumbaipolice for making me realise that safety is always most important. Be safe,Wear a helmet & a mask
— Vivek Anand Oberoi (@vivekoberoi) February 20, 2021
View this post on Instagram
ಕ್ಷಣಕ್ಷಣದ ಮಾಹಿತಿಗಾಗಿ ವಿಜಯವಾಣಿ ಫೇಸ್ಬುಕ್ ಪೇಜ್ ಲೈಕ್ ಮಾಡಿ