ಡಿಸೆಂಬರ್​ನಲ್ಲಿ ಇಬ್ಬರು ಸ್ಟಾರ್​ ನಟರ ಸಿನಿಮಾಗಳು ರಿಲೀಸ್! ಬಾಕ್ಸ್​ಆಫೀಸ್​ನಲ್ಲಿ ಭಾರೀ ಪೈಪೋಟಿ?

ಹೈದರಾಬಾದ್: ಈ ವರ್ಷ ಟಾಲಿವುಡ್​ ಅಂಗಳದಿಂದ ಸಾಲು ಸಾಲು ಸಿನಿಮಾಗಳು ಚಿತ್ರಮಂದಿರಗಳಿಗೆ ಲಗ್ಗೆಯಿಡಲು ಸಜ್ಜಾಗಿದ್ದು, ವಿಶೇಷವಾಗಿ ಸ್ಟಾರ್ ನಟರ ಚಿತ್ರಗಳೇ ಮುಂಚೂಣಿಯಲ್ಲಿವೆ. ತೆಲುಗು ನಟ ಅಲ್ಲು ಅರ್ಜುನ್ ನಟನೆಯ ಬಹುನಿರೀಕ್ಷಿತ 'ಪುಷ್ಪ 2', ಪ್ರಭಾಸ್​ ಅವರ 'ಕಲ್ಕಿ 2898 ಎಡಿ' ಹೀಗೆ ಮುಂತಾದವರ ಸಿನಿಮಾಗಳು ಬ್ಯಾಕ್ ಟು ಬ್ಯಾಕ್ ರಿಲೀಸ್ ಆಗಲಿವೆ. ಸದ್ಯ ಈ ಮಧ್ಯೆ ಬಾಲಯ್ಯ ಮತ್ತು ಪವನ್ ಕಲ್ಯಾಣ್ ಸಿನಿಮಾಗಳು ಒಂದೇ ತಿಂಗಳಲ್ಲಿ ಬಿಡುಗಡೆಯಾಗಲಿದ್ದು, ಬಾಕ್ಸ್​ ಆಫೀಸ್​ನಲ್ಲಿ ಭಾರೀ ಪೈಪೋಟಿ ಸೃಷ್ಟಿಸಲಿದೆ.

ಇದನ್ನೂ ಓದಿ: ಡಬಲ್​​ ಮೀನಿಂಗ್ ಪ್ರಶ್ನೆಗಳನ್ನು ಕೇಳಿ ವಿಡಿಯೋ ಅಪ್​ಲೋಡ್: ಯುವತಿ ಆತ್ಮಹತ್ಯೆಗೆ ಯತ್ನ, ಯೂಟ್ಯೂಬರ್ಸ್​ ಅರೆಸ್ಟ್​​​

'ಕಲ್ಕಿ 2898 ಎಡಿ', 'ಪುಷ್ಪ 2: ದಿ ರೂಲ್', ಜೂ. ಎನ್‌ಟಿಆರ್ ಅವರ 'ದೇವರ', ರಾಮ್ ಚರಣ್ ಅಭಿನಯದ 'ಗೇಮ್ ಚೇಂಜರ್', ಪವನ್ ಕಲ್ಯಾಣ್ ನಟನೆಯ 'ದೇ ಕಾಲ್ ಹಿಮ್ ಓಜಿ' ಮತ್ತು ಬಾಲಕೃಷ್ಣ ಅವರ 'ಎನ್‌ಬಿಕೆ 109' ಸೇರಿದಂತೆ ಬಹುನಿರೀಕ್ಷಿತ ಚಿತ್ರಗಳು ತೆರೆಗೆ ಬರಲು ದಿನಗಳನ್ನು ಎಣಿಸುತ್ತಿವೆ. ಈ ಚಿತ್ರಗಳ ಪೈಕಿ ಬಾಲಯ್ಯ ಮತ್ತು ಪವನ್ ಅವರ ಸಿನಿಮಾಗಳು ಡಿಸೆಂಬರ್​ನಲ್ಲಿ ರಿಲೀಸ್ ಆಗಲಿದೆ ಎಂದು ಹೇಳಲಾಗಿದೆ.

ಈ ಹಿಂದೆ ಸೆ.27ಕ್ಕೆ 'ಓಜಿ' ಚಿತ್ರವನ್ನು ರಿಲೀಸ್​ ಮಾಡ್ತೇವೆ ಎಂದಿದ್ದ ಚಿತ್ರತಂಡ ಇದೀಗ ಡಿಸೆಂಬರ್​ಗೆ ಮುಂದೂಡಿದೆ. 'ಎನ್​ಬಿಕೆ 109' ಕೂಡ ಇದೇ ತಿಂಗಳಲ್ಲಿ ತೆರೆಕಾಣಲಿದೆ ಎಂಬ ಮಾಹಿತಿ ಇದೆ. ವದಂತಿಗಳ ಪ್ರಕಾರ, ಇವೆರೆಡು ಸಿನಿಮಾಗಳು ಒಂದೇ ತಿಂಗಳು ಬಿಡುಗಡೆಯಾದರೆ, ಖಂಡಿತ ಸಿನಿಪ್ರೇಕ್ಷಕರಿಗೆ ಭರಪೂರ ಮನರಂಜನೆಗೆ ಕಿಂಚಿತ್ತು ಕೊರೆತೆ ಇರುವುದಿಲ್ಲ. ಆದ್ರೆ, ಬಾಕ್ಸ್​ ಆಫೀಸ್​ ಗಳಿಕೆಯಲ್ಲಿ ಭಾರೀ ಹೊಡೆತ ಬೀಳಬಹುದು ಎಂಬುದು ಸಿನಿ ಮೂಲಗಳ ಲೆಕ್ಕಾಚಾರ,(ಏಜೆನ್ಸೀಸ್).

https://www.vijayavani.net/gautam-gambhir-speaks-about-three-trophies/

https://www.vijayavani.net/sunil-gavaskar-suggests-dhoni-not-to-do-this