68 ಭಯೋತ್ಪಾದಕರು ಹತ: ಸೇನೆ ಮತ್ತು ಭದ್ರತಾ ಪಡೆಗಳು ನಡೆಸಿದ ದಿಟ್ಟ ಕಾರ್ಯಾಚರಣೆಯ ಫಲವಾಗಿ 2020 ಜನವರಿಯಿಂದ ಮೇ 6ರವರೆಗೆ 68 ಭಯೋತ್ಪಾದಕರು ಹತರಾಗಿದ್ದಾರೆ. ಆ ಪೈಕಿ 22 ಮಂದಿ ಹಿಜ್ಬುಲ್ ಮುಜಾಹಿದೀನ್, ತಲಾ ಎಂಟು ಮಂದಿ ಲಷ್ಕರ್ ಮತ್ತು ಜೈಷ್, ತಲಾ ಮೂವರು ಅನ್ಸರ್ ಘಜ್ವತುಲ್ ಹಿಂದ್, ಇಸ್ಲಾಮಿಕ್ ಸ್ಟೇಟ್ ಜಮ್ಮು ಮತ್ತು ಕಾಶ್ಮೀರ್ ಸಂಘಟನೆಗಳಿಗೆ ಸೇರಿದವರು. 24 ಭಯೋತ್ಪಾದಕರು ಯಾವ ಸಂಘಟನೆಗಳಿಗೆ ಸೇರಿದವರೆಂದು ತಿಳಿದುಬಂದಿಲ್ಲ. 2019ರಲ್ಲಿ ಒಟ್ಟು 156 ಭಯೋತ್ಪಾದಕರು ಹತರಾದರು ಎಂದು ಕಾಶ್ಮೀರದ ಐಜಿಪಿ ವಿಜಯ್ ಕುಮಾರ್ ಗುರುವಾರ ತಿಳಿಸಿದ್ದಾರೆ. ಕಲ್ಲುತೂರಾಟ: ಭಾರತೀಯ ಸೇನೆಯಿಂದ ಹತ್ಯೆಗೀಡಾದ ಉಗ್ರ ರಿಯಾಜ್ ನಾಯ್ಕೂವಿನ ತವರೂರಾದ ಅವಂತಿಪೂರಾ ಪ್ರದೇಶದಲ್ಲಿ ಕಲ್ಲುತೂರಾಟ ನಡೆದಿದೆ. ಘಟನೆಯಲ್ಲಿ 16 ಜನರಿಗೆ ಗಾಯಗಳಾಗಿವೆ.
