ಮಾಧ್ಯಮಕ್ಕೆ ಪ್ರತಿಕ್ರಿಯೆ ನೀಡಿರುವ ಕಾವ್ಯಾ, ನಾವಿಬ್ಬರು ಜೂನ್ 30ರಂದು ಮದುವೆಯಾದೆವು ಮತ್ತು ಹೈದರಾಬಾದ್ನಲ್ಲಿ ನೆಲೆಸಿದ್ದೇವೆ. ಮೊದಲ ಮದುವೆ ಸಿಂಧುವಲ್ಲ ಎಂದು ಹೇಳಿದ್ದಕ್ಕೆ ಜುಲೈ 4ರಂದು ಮತ್ತೆ ದೇವಸ್ಥಾನಕ್ಕೆ ಬಂದು ಮದುವೆ ಆದೆವು. ಬಳಿಕ ನಾವು ಪೊಲೀಸ್ ಠಾಣೆಗೆ ತೆರಳಿದೆವು. ರಕ್ಷಣೆ ಕೋರಿ ಹೋದರೆ, ನಮಗೆ ಆಘಾತ ನೀಡಿದರು. ಎಲ್ಲ ಪೊಲೀಸರು ನನ್ನ ತಂದೆಗೆ ಬೆಂಬಲ ನೀಡಿ, ನಮ್ಮನ್ನು ಚೆನ್ನಾಗಿ ಬೈದರು. ನಾವು ಹೇಳುವುದನ್ನು ಕೇಳಿಸಿಕೊಳ್ಳಲೇ ಇಲ್ಲ. ಪೊಲೀಸರು ನನ್ನ ಎಲ್ಲ ಚಿನ್ನಾಭರಣ ಕಸಿದುಕೊಂಡರು ಎಂದು ಕಾವ್ಯಾ ಹೇಳಿದ್ದಾಳೆ. ಅಲ್ಲದೆ, ನನ್ನ ತಂದೆಯ ಸ್ನೇಹಿತರು ಮತ್ತು ಸಂಬಂಧಿಕರೆಲ್ಲರೂ ನಮ್ಮನ್ನು ಕೊಲ್ಲುತ್ತಾರೆ ಮತ್ತು ಅವರು ನಮ್ಮನ್ನು ಬದುಕಲು ಬಿಡುವುದಿಲ್ಲ ಎಂದು ಅಳಲು ತೋಡಿಕೊಂಡಿದ್ದಾರೆ.
