ವಿಶ್ವದ ಮೊದಲ ವಿದ್ಯುತ್ ಚಾಲಿತ ಡಬಲ್-ಸ್ಟ್ಯಾಕ್ ಟ್ರೇನಿಗೆ ಚಾಲನೆ: ಹೇಗೆ ಓಡುತ್ತೆ ನೋಡಿ...

ನವದೆಹಲಿ: ವಿಶ್ವದ ಮೊಟ್ಟ ಮೊದಲ ವಿದ್ಯುತ್ ಚಾಲಿತ ಡಬಲ್-ಸ್ಟ್ಯಾಕ್ ಕಂಟೇನರ್ ರೈಲಿಗೆ ಪ್ರಧಾನಿ ನರೇಂದ್ರ ಮೋದಿಯವರು ಚಾಲನೆ ನೀಡಿದ್ದಾರೆ.

ನ್ಯೂ ಅಟೇಲಿ-ನ್ಯೂ ಕಿಶನ್​ಘರ್​ ನಡುವೆ ಈ ಟ್ರೇನ್​ ಸಾಗಲಿದೆ. ಇದರ ಉದ್ದ ಸುಮಾರು 1.5 ಕಿ.ಮೀ ಇದ್ದು, ಇಂಥದ್ದೊಂದು ನೂತನ ಪ್ರಯೋಗ ಮಾಡಿರುವ ಕೀರ್ತಿ ಭಾರತಕ್ಕೆ ಒದಗಿಬಂದಿದೆ.

ಈ ಕುರಿತು ಟ್ವೀಟ್​ ಮಾಡಿರುವ ರೈಲ್ವೆ ಸಚಿವ ಪಿಯೂಷ್ ಗೋಯಲ್, "ವೆಸ್ಟರ್ನ್ ಡೆಡಿಕೇಟೆಡ್ ಫ್ರೈಟ್ ಕಾರಿಡಾರ್ ರೈಲ್ವೆ ಟ್ರ್ಯಾಕ್​ನಲ್ಲಿ ಡಬಲ್-ಸ್ಟಾಕ್ ಕಂಟೇನರ್ ರೈಲಿನ ಕಾರ್ಯಾಚರಣೆಯು ಮೊದಲ ಪ್ರಯತ್ನದಲ್ಲಿಯೇ ಯಶಸ್ವಿಯಾಗಿದೆ. ಇದು ಭಾರತೀಯ ರೈಲ್ವೆ ಇಲಾಖೆಯ ಮತ್ತೊಂದು ಮೈಲಿಗಲ್ಲು' ಎಂದು ಹೇಳಿದ್ದಾರೆ.

ಈ ರೈಲಿನ ಕುರಿತು ಮಾಹಿತಿ ನೀಡಿರುವ ಅವರು, 150 ವರ್ಷಗಳಷ್ಟು ಹಳೆಯದಾದ ನಮ್ಮ ರೈಲ್ವೆ ವ್ಯವಸ್ಥೆಯಲ್ಲಿ ಪ್ರಯಾಣಿಕರ ಜತೆಗೆ ಸರಕು ರೈಲುಗಳೂ ಚಲಿಸುತ್ತವೆ. ಇವೆರಡೂ ರೈಲುಗಳಿಗೆ ಇರುವ ಹಾದಿ ಒಂದೇ ಆಗಿದೆ. ಈ ಕಾರಣದಿಂದಾಗಿ ಸರಕು ರೈಲುಗಳು ಸಮಯಕ್ಕೆ ಆಯಾ ಸ್ಥಳಗಳಿಗೆ ತಲುಪಲು ಸಾಧ್ಯವಾಗುತ್ತಿಲ್ಲ. ಏಕೆಂದರೆ ಪ್ರಯಾಣಿಕರ ರೈಲಿಗೆ ಆದ್ಯತೆ ಕೊಡುವಷ್ಟು ಈ ರೈಲುಗಳಿಗೆ ಆದ್ಯತೆ ಸಿಗುತ್ತಿಲ್ಲ. ಇದೇ ಕಾರಣಕ್ಕೆ ಯಾವುದೇ ದೇಶದಲ್ಲಿ ಇಲ್ಲದ ಹೊಸ ವ್ಯವಸ್ಥೆಯನ್ನು ಭಾರತದಲ್ಲಿ ಮಾಡಲಾಗಿದೆ ಎಂದು ಹೇಳಿದರು.

ಹಿಂದಿನ ಸರಕು ರೈಲುಗಳು ಗಂಟೆಗೆ ಸರಾಸರಿ 25 ಕಿಲೋಮೀಟರ್ ವೇಗದಲ್ಲಿ ಓಡುತ್ತಿದ್ದವು, ಅದು ಈಗ ದ್ವಿಗುಣಗೊಂಡಿದೆ ಎಂದು ಸಚಿವ ಪಿಯೂಷ್​ ಹೇಳಿದರು.

ರೈಲ್ವೆ ಸಚಿವಾಲಯದ ಆಡಳಿತ ನಿಯಂತ್ರಣದಲ್ಲಿರುವ ಸರ್ಕಾರಿ ಉದ್ಯಮವಾದ ಡೆಡಿಕೇಟೆಡ್ ಫ್ರೈಟ್ ಕಾರಿಡಾರ್ ಕಾರ್ಪೊರೇಷನ್ ಆಫ್ ಇಂಡಿಯಾ ಲಿಮಿಟೆಡ್ (ಡಿಎಫ್‌ಸಿಸಿಐಎಲ್) ಪ್ರಸ್ತುತ ಸರಕು ರೈಲುಗಳ ಪ್ರತ್ಯೇಕ ಸಂಚಾರಕ್ಕಾಗಿ 3,342 ಕಿ.ಮೀ ಪೂರ್ವ ಮತ್ತು ಪಶ್ಚಿಮ ಸರಕು ಕಾರಿಡಾರ್‌ಗಳ ನಿರ್ಮಾಣವನ್ನು ಕೈಗೊಂಡಿದೆ.

https://www.vijayavani.net/s-koppala-executive-engineer-love-story/

https://www.vijayavani.net/s-mangalore-crow-death/

https://www.vijayavani.net/s-bihar-cm-nitish-kumar-on-bharat-ratna-to-sonia-gandhi/

https://www.vijayavani.net/s-sourav-gangooli-dischaged-from-hospital-today/