ಕುಸ್ತಿಪಟು ಹತ್ಯೆ ಪ್ರಕರಣದ ಪ್ರಮುಖ ಆರೋಪಿ ಒಲಿಂಪಿಕ್ ಪದಕ ವಿಜೇತ ವಾಪಸ್ ಜೈಲಿಗೆ…

ನವದೆಹಲಿ: ಕಿರಿಯ ಕುಸ್ತಿಪಟು ಸಾಗರ್ ಧಂಕರ್ ಅವರ ಕೊಲೆ ಪ್ರಕರಣದಲ್ಲಿ ಸಿಲುಕಿರುವ ಒಲಿಂಪಿಕ್ ಪದಕ ವಿಜೇತ ಸುಶೀಲ್ ಕುಮಾರ್ ದೆಹಲಿಯ ತಿಹಾರ್ ಜೈಲಿನಲ್ಲಿ ಶರಣಾಗಿದ್ದಾರೆ. ಗಲಭೆ, ಕಾನೂನುಬಾಹಿರ ಸಭೆ, ಮತ್ತು ಕ್ರಿಮಿನಲ್ ಪಿತೂರಿಯೊಂದಿಗೆ ಕಿರಿಯ ಕ್ರೀಡಾಪಟುವಿನ ಕೊಲೆ ಮತ್ತು ಕೊಲೆ ಪ್ರಯತ್ನದ ಆರೋಪವನ್ನು ಅವರ ಮೇಲೆ ಹೊರಿಸಲಾಗಿದೆ.

ಇದನ್ನೂ ಓದಿ: ಕ್ರೀಡಾಂಗಣದ ಹೊರಗೆ ಕಾದಾಡಿದ ಕುಸ್ತಿಪಟುಗಳು ! ಒಲಂಪಿಕ್​ ಚಾಂಪಿಯನ್​ ಸುಶೀಲ್​ಕುಮಾರ್​ ವಿರುದ್ಧ ಎಫ್​.ಐ.ಆರ್​.

ಜಾಮೀನು ಪಡೆದ ಸುಶೀಲ್ ಕುಮಾರ್ ಅವರು ಜುಲೈ 23 ಮತ್ತು ಜುಲೈ 30ರ ನಡುವೆ ಜೈಲಿನಿಂದ ಹೊರಬಂದಿದ್ದು ಮೊಣಕಾಲು ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರು. ದೆಹಲಿ ಪೊಲೀಸರು ನ್ಯಾಯಾಲಯಕ್ಕೆ 170 ಪುಟಗಳ ಚಾಜ್‍ಶೀಟ್ ಸಲ್ಲಿಸಿದ ನಂತರ ಸುಶೀಲ್ ಕುಮಾರ್ ಅವರನ್ನು ಧಂಕರ್ ಕೊಲೆ ಪ್ರಕರಣದಲ್ಲಿ ಪ್ರಮುಖ ಆರೋಪಿ ಎಂದು ಹೆಸರಿಸಲಾಗಿದೆ.

ಇದನ್ನೂ ಓದಿ: ಕುಸ್ತಿಪಟು ಸುಶೀಲ್ ಕುಮಾರ್ ವಿರುದ್ಧ ಜಾಮೀನುರಹಿತ ವಾರೆಂಟ್

ಆಸ್ತಿ ವಿವಾದಕ್ಕೆ ಸಂಬಂಧಿಸಿದಂತೆ ಸುಶೀಲ್ ಕುಮಾರ್ ಮತ್ತು ಅವರ ಸಹಚರರು 23ರ ಮೇ 4 ರ ಮಧ್ಯರಾತ್ರಿ ದೆಹಲಿಯ ಛತ್ರಾಸಲ್ ಕ್ರೀಡಾಂಗಣದ ಪಾರ್ಕಿಂಗ್ ಸ್ಥಳದಲ್ಲಿ 2021 ವರ್ಷದ ಸಾಗರ್ ಧಂಕರ್, ಅವರ ಸ್ನೇಹಿತ ಸೋನು ಮತ್ತು ಇತರ ಮೂವರ ಮೇಲೆ ಹಲ್ಲೆ ನಡೆಸಿದ್ದಾರೆ ಎಂದು ಆರೋಪಿಸಲಾಗಿದೆ. ಘಟನೆ ನಂತರ, ಸಾಗರ್ ಧಂಕರ್ ತೀವ್ರವಾಗಿ ಗಾಯಗೊಂಡರು.

ಇದನ್ನೂ ಓದಿ: ಕೊಲೆ ಪ್ರಕರಣದಲ್ಲಿ ಪೊಲೀಸ್ ಬಲೆಗೆ ಬಿದ್ದ ಎರಡು ಒಲಿಂಪಿಕ್ಸ್ ಪದಕ ವಿಜೇತ ಕುಸ್ತಿಪಟು ಸುಶೀಲ್ ಕುಮಾರ್

ಸುಶೀಲ್ ಕುಮಾರ್ ಅವರ ಫ್ಲಾಟ್ಅನ್ನು ಖಾಲಿ ಮಾಡಲು ಸಾಗರ್ ಮತ್ತು ಅವರ ಸ್ನೇಹಿತ ಆರಂಭದಲ್ಲಿ ಹಿಂಜರಿದಿದ್ದು ಸುಶೀಲ್ ಕುಮಾರ್ ಇವರಿಬ್ಬರಿಗೆ ಹೆದರುತ್ತಿದ್ದರು ಎಂದು ಕ್ರೀಡಾಂಗಣದಲ್ಲಿ ಕೇಳಿಬಂದ "ಗೊಣಗಾಟ"ದಿಂದಾಗಿ ಜಗಳ ಸಂಭವಿಸಿದೆ ಎಂದು ತನಿಖೆಯಿಂದ ತಿಳಿದುಬಂದಿದೆ.

ಇದನ್ನೂ ಓದಿ: ವೈರಲ್​ ಆಯ್ತು ಸುಶೀಲ್​ ಕುಮಾರ್​ ದಾಳಿಯ ವಿಡಿಯೋ: ಕುಸ್ತಿಪಟು ಮೇಲಿನ ಹಲ್ಲೆ ಹಿಂದಿನ ಉದ್ದೇಶ ಬಯಲು​

ದೆಹಲಿ ಪೊಲೀಸರು 2021ರ ಮೇ ತಿಂಗಳಲ್ಲಿ ಮುಂಡಿಕಾ ಪ್ರದೇಶದಿಂದ ಎರಡು ಬಾರಿ ಸುಶೀಲ್ ಕುಮಾರ್‍ಅನ್ನು ಬಂಧಿಸಿದ್ದರು. ಮೃತ ಕುಸ್ತಿಪಟು ಈ ಹಿಂದೆ ದೆಹಲಿಯ ಮಾಡೆಲ್ ಟೌನ್ನಲ್ಲಿರುವ ಸುಶೀಲ್ ಕುಮಾರ್ ಒಡೆತನದ ಅಪಾರ್ಟ್ಮೆಂಟ್ನಲ್ಲಿ ವಾಸಿಸುತ್ತಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ. ಇದು ಇಬ್ಬರ ನಡುವೆ ವಿವಾದಕ್ಕೆ ಕಾರಣವಾಯಿತು. ನವೆಂಬರ್ 2022ರಲ್ಲಿ ದೆಹಲಿ ನ್ಯಾಯಾಲಯವು ಸುಶೀಲ್ ಕುಮಾರ್ಗೆ ಎಂಟು ದಿನಗಳ ಮಧ್ಯಂತರ ಜಾಮೀನು ನೀಡಿತ್ತು.

ಇದನ್ನೂ ಓದಿ: ಜೈಲಿನಲ್ಲಿ ವಿಶೇಷ ಆಹಾರಕ್ಕಾಗಿ ಕುಸ್ತಿಪಟು ಸುಶೀಲ್​ ಕುಮಾರ್ ಅರ್ಜಿ: ಮಹತ್ವದ ತೀರ್ಪು ನೀಡಿದ ದೆಹಲಿ ಕೋರ್ಟ್​ (ಏಜೆನ್ಸೀಸ್)

https://www.vijayavani.net/kumaraswami-returns-to-karnataka-from-international-trip

https://www.vijayavani.net/seema-haider-hoists-indian-flag-in-noida-part-of-har-ghar-tiranga

https://www.vijayavani.net/rain-variation-government-in-problem