ನವದೆಹಲಿ: ಉನ್ನತ ಶಿಕ್ಷಣ ಪಡೆದ ನಂತರ ಸಮಾಜದಲ್ಲಿ ಉನ್ನತ ಸ್ಥಾನದಲ್ಲಿರುತ್ತೇವೆ ಎಂದು ಅನೇಕ ಜನರು ಭಾವಿಸುತ್ತಾರೆ. ಆದರೆ, ಚೆನ್ನಾಗಿ ಓದಿದರೆ ಸಾಲದು ಕೆಲವೊಮ್ಮೆ ಅದೃಷ್ಟವೂ ಇರಬೇಕು. ಚೆನ್ನಾಗಿ ಓದುವ ಭರವಸೆ ಇದ್ದರೂ ಕೆಲವರು ಅಂಗವೈಕಲ್ಯದಿಂದ ತೊಂದರೆ ಅನುಭವಿಸುತ್ತಾರೆ. ಅದರಲ್ಲೂ ಕುಬ್ಜರಾದವರು ತಮ್ಮ ಬಾಲ್ಯದಿಂದಲೂ ಹಲವಾರು ರೀತಿಯ ಅವಮಾನಗಳನ್ನು ಎದುರಿಸುವುದನ್ನು ನಾವು ನೋಡಿದ್ದೇವೆ. ಆದರೂ ಇಂತಹ ನ್ಯೂನತೆಯನ್ನು ಮೆಟ್ಟಿನಿಂತು ಕೆಲವರು ತಮಗೆ ಬೇಕಾದುದನ್ನು ಸಾಧಿಸುತ್ತಾರೆ. ಉತ್ತಮ ಶಿಕ್ಷಣ ಪಡೆದು, ಸಮಾಜದಲ್ಲಿ ಗೌರವಾನ್ವಿತ ಸ್ಥಾನವನ್ನು ಆಕ್ರಮಿಸುತ್ತಾರೆ. ಹೀಗೆ ಗಣೇಶ್ ಬರಯ್ಯ ಎಂಬ ಯುವಕ ತನ್ನ ಅಂಗವೈಕಲ್ಯವನ್ನು ಮೆಟ್ಟಿ ನಿಂತು ತನ್ನಿಷ್ಟದ ವೈದ್ಯ ವೃತ್ತಿಯನ್ನು ಅಲಂಕರಿಸುವ ಮೂಲಕ ಇತರರಿಗೆ ಸ್ಫೂರ್ತಿಯಾಗಿದ್ದಾರೆ.
