ಇದು ನಾಯಿಯಲ್ಲ, ನಾಯಿಯಂತೆ ಕಾಣುವ ಮನುಷ್ಯ: 40 ದಿನಗಳೊಳಗೆ ಆಯ್ತು ರೂಪಾಂತರ!

ನವದೆಹಲಿ: ಗಂಡು ಹೆಣ್ಣಾಗಿ, ಹೆಣ್ಣು ಗಂಡಾಗಿ ಪರಿವರ್ತನೆ ಮಾಡಿಸಿಕೊಂಡ ಪ್ರಕರಣಗಳು ಸಾಕಷ್ಟು ನಡೆದಿವೆ. ಆದರೆ ಇಲ್ಲೊಂದು ಪರಿವರ್ತನೆ ಮಾತ್ರ ಅತ್ಯಪರೂಪ. ಏಕೆಂದರೆ ಜಪಾನಿನ ಈ ವ್ಯಕ್ತಿ ತನ್ನನ್ನು ನಾಯಿಗೆ ರೂಪಾಂತರ ಮಾಡಿಸಿಕೊಂಡಿದ್ದಾನೆ.

ಟಿವಿ ಕಮರ್ಷಿಯಲ್ಸ್​ ಮತ್ತು ಸಿನಿಮಾಗಳಿಗೆ ಕಾಸ್ಟ್ಯೂಮ್ಸ್​ ತಯಾರಿಸುವ ಜಪಾನಿನ ಜೆಪೆಟ್ ಎಂಬ ಜಪಾನಿ ಈ ವ್ಯಕ್ತಿಯ ಹೈಪರ್ ರಿಯಾಲಿಸ್ಟಿಕ್ ಎನಿಸುವಂತೆ ನಾಯಿಯ ಸ್ವರೂಪ ನೀಡಿದೆ. ಫಿಗರೈನ್ಸ್​, ಬಾಡಿ ಸೂಟ್ಸ್​ ಮತ್ತು 3ಡಿ ಮಾಡೆಲ್ಸ್​ ತಯಾರಿಸುವ ಈ ಕಂಪನಿ ಇದಕ್ಕಾಗಿ 40 ದಿನಗಳನ್ನು ತೆಗೆದುಕೊಂಡಿದೆ.

ಇದನ್ನೂ ಓದಿ: ಏಯ್.. ಎಲ್ಲಿಗೆ ಬಂತು ಎಐ(AI)?; ಸೆX ರೋಬೋಗಳಲ್ಲೂ ಕೃತಕ ಬುದ್ಧಿಮತ್ತೆ; ಹಾಸಿಗೆಯಲ್ಲಿ ಸಂಗಾತಿಯೇ ಬೇಕಾಗಲ್ವಂತೆ!

ಜಪಾನಿನ ಟೋಕೋ ಎಂಬ ಈ ವ್ಯಕ್ತಿ ತನ್ನನ್ನು ಹೀಗೆ ನಾಯಿಯಂತೆ ಕಾಣಿಸಿಕೊಳ್ಳುವ ಹಾಗೆ ಮಾಡಿಕೊಳ್ಳಲು ಬರೋಬ್ಬರಿ 2 ಮಿಲಿಯನ್ ಯೆನ್​ ಅಂದರೆ ಸುಮಾರು 22000 ಡಾಲರ್ ಖರ್ಚು ಮಾಡಿದ್ದಾನೆ.

ಇದನ್ನೂ ಓದಿ: ಮಕ್ಕಳನ್ನು ಡೌನ್​ಲೋಡ್ ಮಾಡಿಕೊಳ್ಳುವ ಕಾಲ ಬರಬಹುದಾ?; ಇದೇನಿದು ಅಪ್ಪ-ಅಮ್ಮ ಇಲ್ಲದೆ ಮಗು ಹುಟ್ಟಿಸೋ ಪ್ರಯತ್ನ!

ಕೊಲಿ (collie) ಎಂಬ ತಳಿಯ ನಾಯಿಯಂತೆ ಕಾಣಿಸಿಕೊಂಡಿರುವ ಈ ವ್ಯಕ್ತಿ, ಪರಿವರ್ತನೆ ಬಳಿಕದ ವಿಡಿಯೋವೊಂದನ್ನು ತನ್ನ ಯೂಟ್ಯೂಬ್ ಚಾನೆಲ್​ನಲ್ಲಿ ಹಂಚಿಕೊಂಡಿದ್ದಾನೆ. ಈ ಮೂಲಕ ನನ್ನ ಬಾಲ್ಯದ ಕನಸು ನನಸಾಗಿದೆ ಎಂದೂ ಆತ ಹೇಳಿಕೊಂಡಿದ್ದಾನೆ. ನನ್ನ ಕುಟುಂಬಸ್ಥರು ಹಾಗೂ ಗೆಳೆಯರು ನಾನು ಪ್ರಾಣಿಯಂತಾಗಿದ್ದಕ್ಕೆ ಅಚ್ಚರಿಗೊಂಡಿದ್ದಾರೆ. ನನ್ನ ಸ್ನೇಹಿತರಿಗೆ ನಾನು ವಿಲಕ್ಷಣವಾಗಿ ಕಾಣಿಸಬಹುದು. -ಏಜೆನ್ಸೀಸ್

https://www.vijayavani.net/missing-kerala-man-found-after-1-5-years-says-was-scared-of-wife

https://www.vijayavani.net/time-to-move-back-to-us-bengaluru-ceo-after-trying-to-register-his-firm-for-2-months