ಕನ್ನಡದ ನಟಿಯರಿಗೆ ಈಗ ಪರಭಾಷೆಗಳಲ್ಲಿ ಬೇಡಿಕೆ ಹೆಚ್ಚಿದೆ. ಅದಕ್ಕೆ ಯಾವುದೇ ದೂರಿಲ್ಲದೆ ಎಂತಹ ಸವಾಲಿನ ಪಾತ್ರವಿದ್ದರೂ ಮಾಡುತ್ತಾರೆ, ಅವರ ಲುಕ್ಸ್ ಪ್ಯಾನ್ ಇಂಡಿಯಾಗೆ ಒಪು್ಪತ್ತದೆ, ಸಂಭಾವನೆ ಕಡಿಮೆ ಎಂದು ಹಲವು ಕಾರಣಗಳಿವೆ. ಹಿಂದೆ ಮಾಲಾಶ್ರೀ, ಸೌಂದರ್ಯ ಸೇರಿದಂತೆ ಹಲವು ಕನ್ನಡದ ನಟಿಯರು ಪರಭಾಷೆಗಳಲ್ಲಿ ಸ್ಟಾರ್ ಮಟ್ಟಕ್ಕೇರಿದ್ದರು. ಈಗಾಗಲೇ ರಶ್ಮಿಕಾ ಮಂದಣ್ಣ ಪ್ಯಾನ್ ಇಂಡಿಯಾ ನಟಿಯಾಗಿ ಗುರುತಿಸಿಕೊಂಡಿದ್ದಾರೆ. ಜತೆಗೆ ಸಂಯುಕ್ತಾ ಹೆಗ್ಡೆ, ಆಶಿಕಾ ರಂಗನಾಥ್, ಶಾನ್ವಿ ಶ್ರೀವಾಸ್ತವ್, ರೋಷಿನಿ ಪ್ರಕಾಶ್, ಇತಿ ಆಚಾರ್ಯ, ಸಂಜನಾ ಆನಂದ್, ಅನುಷಾ ರೈ, ಪ್ರಿಯಾಂಕಾ ತಿಮ್ಮೇಶ್ ಮುಂತಾದವರು ಪರಭಾಷೆಗಳಲ್ಲಿ ನಟಿಸುತ್ತಿದ್ದಾರೆ.
