ಒಡಿಶಾ ರೈಲು ದುರಂತ: ಕಾಲು ಕಳೆದುಕೊಂಡ ಎಲ್ಲರಿಗೂ ಉಚಿತವಾಗಿ ಕೃತಕ ಕಾಲು ಜೋಡಣೆ

ನವದೆಹಲಿ: ಒಡಿಶಾದ ಬಾಲಸೋರ್​ನಲ್ಲಿ ಸಂಭವಿಸಿದ ಭೀಕರ ತ್ರಿವಳಿ ರೈಲು ದುರಂತದಲ್ಲಿ ಸುಮಾರು 300 ಮಂದಿ ಸಾವಿಗೀಡಾಗಿದ್ದು, ಅಂದಾಜು 800 ಮಂದಿ ಗಾಯಗೊಂಡಿದ್ದಾರೆ. ಈ ಪ್ರಕರಣದಲ್ಲಿ ಕಾಲು ಕಳೆದುಕೊಂಡ ಎಲ್ಲರಿಗೂ ಉಚಿತವಾಗಿ ಕೃತಕ ಕಾಲು ಜೋಡಣೆ ಮಾಡಲು ಸಂಸ್ಥೆಯೊಂದು ಮುಂದೆ ಬಂದಿದೆ.

ಜೈಪುರ್ ಫುಟ್​ ಉಪಕ್ರಮದಡಿ ಕೃತಕ ಕಾಲುಗಳನ್ನು ಒದಗಿಸುತ್ತಿರುವ ಭಗವಾನ್ ಮಹಾವೀರ್ ವಿಕಲಾಂಗ್ ಸಹಾಯತಾ ಸಮಿತಿ (ಬಿಎಂವಿಎಸ್​ಎಸ್​) ಇಂಥದ್ದೊಂದು ಕಾರ್ಯಕ್ಕೆ ಸಜ್ಜಾಗಿದೆ. ಬಿಎಂವಿಎಸ್ಎಸ್​ನ ಸಂಸ್ಥಾಪಕ ಹಾಗೂ ಅಧ್ಯಕ್ಷರೂ ಆಗಿರುವ ಡಿ.ಆರ್. ಮೆಹತಾ ಈ ಕುರಿತು ಘೋಷಣೆ ಮಾಡಿದ್ದಾರೆ.

ಇದನ್ನೂ ಓದಿ: ವಿಂಗ್ ಹೆಸರಲ್ಲಿ ಅಮಾಯಕ ಹಿಂದು ಹುಡುಗರನ್ನು ತಡೆದರೆ ಪರಿಣಾಮ ನೆಟ್ಟಗಿರಲ್ಲ: ವಜ್ರದೇಹಿ ಸ್ವಾಮೀಜಿ

ಒಡಿಶಾ ರೈಲು ದುರಂತದಲ್ಲಿ ಕಾಲು ಕಳೆದುಕೊಂಡ ಎಲ್ಲರಿಗೂ ಉಚಿತವಾಗಿ ಕೃತಕ ಕಾಲುಗಳನ್ನು ಒದಗಿಸುವುದಲ್ಲದೆ, ಅವರಿಗೆ ಭುವನೇಶ್ವರದಲ್ಲಿರುವ ಖ್ರೋಡಾ ಸೆಂಟರ್​​ನಲ್ಲಿ ಉಚಿತವಾಗಿ ಕೃತಕ ಕಾಲುಗಳನ್ನು ಜೋಡಣೆ ಕೂಡ ಮಾಡಿಕೊಡಲಾಗುವುದು ಎಂದು ಮೆಹತಾ ಅವರು ರೈಲ್ವೇ ಸಚಿವ ಅಶ್ವಿನ್​ ವೈಷ್ಣವ್ ಅವರಿಗೆ ಪತ್ರ ಬರೆದು ತಿಳಿಸಿದ್ದಾರೆ.

ಇದನ್ನೂ ಓದಿ: ಮುಂದಿನ ಒಂದು ವರ್ಷದಲ್ಲಿನ ಉಚಿತ ಚಿಕಿತ್ಸೆಗೆಂದೇ 65 ಕೋಟಿ ರೂ. ಮೀಸಲು: ಅಮೃತ ಆಸ್ಪತ್ರೆ

ಕಾಲು ಕಳೆದುಕೊಂಡವರ ಗಾಯ ಗುಣವಾಗಲು ಮೂರು ತಿಂಗಳ ಕಾಲಾವಕಾಶ ಬೇಕಾಗುತ್ತದೆ. ಹೀಗಾಗಿ ಅಗತ್ಯ ಇರುವ ಅಂಥ ಎಲ್ಲರಿಗೂ ಮೂರು ತಿಂಗಳ ಬಳಿಕ ಕೃತಕ ಕಾಲುಗಳನ್ನು ಜೋಡಣೆ ಮಾಡಿಕೊಡಲಾಗುವುದು. ಖ್ರೋಡಾ ಸೆಂಟರ್​ನ ಮೊಬೈಲ್​ ವರ್ಕ್​ಶಾಪ್​ ಮೂಲಕ ಒಡಿಶಾ ವಿವಿಧ ನಗರ ಹಾಗೂ ಗ್ರಾಮಗಳಲ್ಲಿ ಕೃತಕ ಕಾಲುಗಳನ್ನು ಜೋಡಣೆ ಮಾಡಲಾಗುವುದು ಎಂದು ಹೇಳಿದ್ದಾರೆ.

ರೋಗಿಗಳು ಬೇರೆ ರಾಜ್ಯಗಳಲ್ಲಿದ್ದರೆ ಅಲ್ಲಿರುವ ನಮ್ಮ ಶಾಶ್ವತ ಕೇಂದ್ರಗಳಲ್ಲಿ ಮತ್ತು ಮೊಬೈಲ್​ ವರ್ಕ್​ಶಾಪ್​ಗಳಲ್ಲಿ ಕೃತಕ ಕಾಲುಗಳನ್ನು ಜೋಡಣೆ ಮಾಡಲಾಗುವುದು. ದೇಶಾದ್ಯಂತ ಇರುವ ಇಂಥ 33 ಕೇಂದ್ರಗಳಲ್ಲಿ ಉಚಿತವಾಗಿ ಕಾಲು ಜೋಡಿಸಲಾಗುವುದು ಎಂದು ತಿಳಿಸಿದ್ದಾರೆ. -ಏಜೆನ್ಸೀಸ್

https://www.vijayavani.net/woman-wrote-letter-to-president-in-demand-to-build-toilets-at-public-places

https://www.vijayavani.net/re-scrutiny-of-tenders-during-covid-period-soon