ಹಿಜಾಬ್ ತೆಗೆದು ಚೆಸ್ ಆಡಿದ ಇರಾನ್​ನ ಆಟಗಾರ್ತಿಗೆ ಸಿಕ್ತು ಸ್ಪೇನ್​ನ ಪೌರತ್ವ!

ನವದೆಹಲಿ: ಇರಾನಿನ ಚೆಸ್ ಆಟಗಾರ್ತಿ ಜನವರಿಯಲ್ಲಿ ಹಿಜಾಬ್ ಇಲ್ಲದೆ ಸ್ಪರ್ಧಿಸಿದ ನಂತರ ಅವರ ವಿರುದ್ಧ ಅವರದ್ದೇ ದೇಶದಲ್ಲಿ ವಾರೆಂಟ್ ಜಾರಿ ಆಗಿತ್ತು. ಈ ಹಿನ್ನೆಲೆಯಲ್ಲಿ ಸ್ಪೇನ್‌ಗೆ ತೆರಳಿದ್ದ ಅವರಿಗೆ ಇದೀಗ ಪೌರತ್ವವನ್ನು ನೀಡಲಾಗಿದೆ ಎಂದು ಸ್ಪೇನ್ ಬುಧವಾರ ಅಧಿಕೃತವಾಗಿ ತಿಳಿಸಿದೆ.

ಇದನ್ನೂ ಓದಿ: ರೋಚಕ ಕಾದಾಟದಲ್ಲಿ ಇರಾನ್​ಗೆ ಸೋಲುಣಿಸಿದ ಭಾರತ: 8ನೇ ಬಾರಿ ಚಾಂಪಿಯನ್​ ಆದ ಕಬಡ್ಡಿ ತಂಡ

ಸಾರಾ ಖಾಡೆಮ್ ಎಂದು ಪ್ರಸಿದ್ಧರಾಗಿರುವ ಸಾರಾ ಸಾದತ್ ಖಡೆಮಲ್ಶರೀಹ್ ಅವರು ಡಿಸೆಂಬರ್ ಅಂತ್ಯದಲ್ಲಿ ಕಝಾಕಿಸ್ತಾನ್‌ನಲ್ಲಿ ನಡೆದ FIDE ವರ್ಲ್ಡ್ ರಾಪಿಡ್ ಮತ್ತು ಬ್ಲಿಟ್ಜ್ ಚೆಸ್ ಚಾಂಪಿಯನ್‌ಶಿಪ್‌ಗಳಲ್ಲಿ ಇರಾನ್‌ನಲ್ಲಿ ಕಟ್ಟುನಿಟ್ಟಾಗಿರುವ ಹಿಜಾಬ್​ ಧರಿಸದೇ ಭಾಗವಹಿಸಿದ್ದರು.

22 ವರ್ಷದ ಇರಾನ್-ಕುರ್ದಿಶ್ ಮಹಿಳೆ ಮಹ್ಸಾ ಅಮಿನಿ ಸೆಪ್ಟೆಂಬರ್ ಮಧ್ಯದಲ್ಲಿ ನೈತಿಕ ಪೋಲೀಸರ ವಶದಲ್ಲಿ ಸಾವಿಗೀಡಾದಾಗ ಇರಾನ್‌ನಲ್ಲಿ ಅಶಾಂತಯಿ ಉಂಟಾಗಿತ್ತು. ಈ ಸಮಯದಲ್ಲಿ ಕಡ್ಡಾಯ ಹಿಜಾಬ್-ಧರಿಸುವಿಕೆಯನ್ನು ಜಾರಿಗೊಳಿಸುವ ಕಾನೂನುಗಳು ಮುನ್ನೆಲೆಗೆ ಬಂದಿದ್ದವು.

ಇದನ್ನೂ ಓದಿ: ನೂತನ ಹೈಪರ್‌ಸಾನಿಕ್ ಕ್ಷಿಪಣಿ ಪ್ರದರ್ಶಿಸಿದ ಇರಾನ್: ಪಾಶ್ಚಾತ್ಯ ರಾಷ್ಟ್ರಗಳಲ್ಲಿ ಕಳವಳ

26 ವರ್ಷದ ಆಟಘಾರ್ತಿ ಅಂತರಾಷ್ಟ್ರೀಯ ಸುದ್ದಿಸಂಸ್ಥೆ ರಾಯಿಟರ್ಸ್‌ಗೆ ತನ್ನ ದೇಶದ ನಾಯಕತ್ವದ ವಿರುದ್ಧದ ಪ್ರತಿಭಟನಾ ಚಳವಳಿಯನ್ನು ಬೆಂಬಲಿಸಿದ ಬಗ್ಗೆ ಯಾವುದೇ ವಿಷಾದವಿಲ್ಲ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ತಾಲಿಬಾನ್ ಸರ್ಕಾರ ರಚನೆ ಇಂದು?; ಅಖುಂಡ್​ಝದಾ ಸುಪ್ರೀಂ ಲೀಡರ್, ಇರಾನ್ ಮಾದರಿ ಆಡಳಿತಕ್ಕೆ ಒಲವು

ಖಾಡೆಮ್ ಅವರ ಪ್ರಕರಣದ "ವಿಶೇಷ ಸಂದರ್ಭ"ಗಳನ್ನು ಗಣನೆಗೆ ತೆಗೆದುಕೊಂಡು ಮಂಗಳವಾರದಂದು ಪೌರತ್ವವನ್ನು ನೀಡಲು ಕ್ಯಾಬಿನೆಟ್ ಅನುಮೋದನೆ ನೀಡಿದೆ ಎಂದು ಸ್ಪೇನ್‌ನ ಅಧಿಕೃತ ಗೆಜೆಟ್ ಹೇಳಿದೆ. (ಏಜೆನ್ಸೀಸ್)

https://www.vijayavani.net/asaduddin-owaisi-opposes-protest-of-opposition-after-no-confidence-motion-accepted

https://www.vijayavani.net/jagadguru-dr-nirmalanada-swamiji-blesses-everyone-by-ashirvachana-at-g20-meeting-in-usa