ಅಕ್ರಮ ಶೆಡ್​ನಲ್ಲಿ ಗ್ಯಾಸ್​​ ರೀಫಿಲ್ಲಿಂಗ್ ದಂಧೆ; ಇಬ್ಬರ ಬಂಧನ

ನೆಲಮಂಗಲ: ಶೆಡ್ ನಿರ್ಮಿಸಿಕೊಂಡು ಅಕ್ರಮವಾಗಿ ನಡೆಸುತ್ತಿದ್ದ ಗ್ಯಾಸ್ ರೀಫಿಲ್ಲಿಂಗ್ ದಂಧೆಯನ್ನು ಬೇಧಿಸುವಲ್ಲಿ ನೆಲಮಂಗಲ ಪೊಲೀಸರು ಯಶಸ್ವಿಯಾಗಿದ್ದಾರೆ. ತಾಲೂಕಿನ ವಿಶ್ವೇಶ್ವರಪುರ ಸಮೀಪದ ಬಿಲಾಲ್ ನಗರದಲ್ಲಿ ಈ ಘಟನೆ ನಡೆದಿದೆ.

ನೆಲಮಂಗಲದ ಹುಳ್ಳೆಗೌಡನಹಳ್ಳಿಯ ಶಶಿಕುಮಾರ್ (29) ಮತ್ತು ಇಸ್ಲಾಂಪುರದ ಮೊಹಮ್ಮದ್ ಇಮ್ರಾನ್ (28) ಬಂಧಿತ ಆರೋಪಿಗಳು. ಬಂಧಿತರು ಸೂರ್ಯ ಗ್ಯಾಸ್ ಏಜೆನ್ಸಿಯಿಂದ ಅಕ್ರಮವಾಗಿ ಗ್ಯಾಸ್ ರಫ್ತು ಮಾಡಿಕೊಂಡು, ಅದಕ್ಕೆ ರೀಫಿಲ್ಲಿಂಗ್ ಮಾಡುತ್ತಿದ್ದರು. ಜತೆಗೆ ವಾಣಿಜ್ಯ ಮತ್ತು ಗೃಹ ಬಳಕೆಯ ಸಿಲಿಂಡರ್​ಗಳನ್ನು ಹೆಚ್ಚು ಬೆಲೆಗೆ ಮಾರಾಟ ಮಾಡುತ್ತಿದ್ದರು.

ಆರೋಪಿಗಳಿಂದ 35 ವಿವಿಧ ಮಾದರಿಯ ಖಾಲಿ ಸಿಲಿಂಡರ್​​ಗಳು, 3 ಕಬ್ಬಿಣದ ಡಿಜಿಟಲ್ ತೂಕದ ಯಂತ್ರ, ಪೈಪ್ ಮತ್ತು ಟೂಲ್ಸ್​​ಗಳನ್ನು ಪೊಲೀಸರು ವಶ ಪಡಿಸಿಕೊಂಡಿದ್ದಾರೆ. ಈ ಪ್ರಕರಣದ ಕುರಿತು ನೆಲಮಂಗಲ ಟೌನ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

https://www.vijayavani.net/autodrivers-starts-new-service-through-namma-yatri-partner-with-noextra-commission/

https://www.vijayavani.net/bescom-shocked-with-23000-rs-current-bill-to-sheet-house-wagelabour/

https://www.vijayavani.net/rashmika-mandanna-waiting-to-watch-kantara-movie/