ಮುಂಬೈ: ಏರ್ಪೋರ್ಟ್ನಿಂದ ಹೊರಬಂದ ರಶ್ಮಿಕಾ ಮಂದಣ್ಣಗೆ ಕಾಂತಾರ ಸಿನಿಮಾ ನೋಡಿದ್ದೀರಾ? ಎಂದ ಪಾಪರಾಜಿಯ ಪ್ರಶ್ನೆಗೆ, ಇನ್ನೂ ಇಲ್ಲ ಎಂದು ಉತ್ತರಿಸಿದ್ದಾರೆ. ಸದ್ಯ ಬಾಲಿವುಡ್ನಲ್ಲಿ ಒಂದರ ಹಿಂದೆ ಮತ್ತೊಂದರಂತೆ ಸಿನಿಮಾಗಳಲ್ಲಿ ತೊಡಗಿಕೊಂಡಿರುವ ರಶ್ಮಿಕಾ ಮಂದಣ್ಣ ಅವರಿಗೆ ಕಾಂತಾರ ಸಿನಿಮಾ ನೋಡಲು ಸಮಯ ಸಿಕ್ಕಿಲ್ಲವಂತೆ. ‘ನನಗೆ ಆ ಸಿನಿಮಾ ನೋಡಬೇಕೆಂಬ ಆಸೆಯಿದೆ. ಆದಷ್ಟು ಶೀಘ್ರವೇ ನಾನು ಸಿನಿಮಾ ನೋಡುತ್ತೇನೆ’ ಎಂದು ಹೇಳಿದ್ದಾರೆ.
ಆಗಾಗ ಹೊಸ ಹೊಸ ಲುಕ್ನಲ್ಲಿ ಮುಂಬೈ ಏರ್ಪೋರ್ಟ್ನಲ್ಲಿ ಕಾಣಿಸಿಕೊಂಡು ಪಾಪರಾಜಿಗಳ ಕ್ಯಾಮರಕ್ಕೆ ಪೋಸ್ ಕೊಟ್ಟು, ಅವರು ಕೇಳುವ ಪ್ರಶ್ನೆಗೆ ಉತ್ತರಿಸುತ್ತಾರೆ. ಇದರಂತೆ ಮತ್ತೊಬ್ಬ ಪಾಪರಾಜಿ ರಶ್ಮಿಕಾ ಬಳಿ ಕನ್ನಡದಲ್ಲಿ ‘ಕಾಂತಾರ ಮೂವೀ ನೋಡಿಲ್ವಾ ಇನ್ನು?’ ಎಂದು ಕೇಳಿದಾಗ ರಶ್ಮಿಕಾ, ‘ಓ ಕನ್ನಡ, ಈಗ ಕನ್ನಡ ಮಾತಾಡ್ತಿದ್ದೀರಾ ನೀವು’ ಎಂದು ಹೇಳುತ್ತಲೇ ಮುಂದೆ ತೆರಳಿದರು.
ಅಮಿತಾಭ್ ಬಚ್ಚನ್ ಜತೆ ನಟಿಸಿದ ಗುಡ್ಬೈ ಚಿತ್ರ ಈಗಾಗಲೇ ತೆರೆಕಂಡಿದ್ದು, ಸಿದ್ಧಾರ್ಥ್ ಕಪೂರ್ ಜತೆಗಿನ ಮಿಷನ್ ಮಜ್ನು ಸೇರಿದಂತೆ ಇನ್ನೂ ಹಲವು ಹಿಂದಿ ಸಿನಿಮಾಗಳು ರಶ್ಮಿಕಾ ಕೈಯಲ್ಲಿದೆ. ಇತ್ತೀಚೆಗೆ ಸಾಮಾಜಿಕ ಜಾಲತಾಣದಲ್ಲಿ ಕಾಂತಾರ ಸಿನಿಮಾವನ್ನು ರಶ್ಮಿಕಾ ಗುಟ್ಟಾಗಿ ನೋಡಿದ್ದಾರೆ ಎಂಬ ಗಾಳಿ ಸುದ್ದಿ ಹರಡಿತ್ತು. ಇದೀಗ ಅದಕ್ಕೆ ತೆರೆ ಎಳೆಯುವಂತೆ ತಾನಿನ್ನೂ ಸಿನಿಮಾ ನೋಡಿಲ್ಲ ಎಂದಿದ್ದಾರೆ.