ಪ್ಲ್ಯಾಟ್​ನಲ್ಲೇ ಗಾಂಜಾ ಬೆಳೆಯುತ್ತಿದ್ದ ಅಸಾಮಿ! ಪೊಲೀಸರ ಅತಿಥಿಯಾಗಿದ್ದೆ ಬಲುರೋಚಕ | Cannabis

ನೋಯ್ಡಾ: ಮನೆಯ ಪ್ಲ್ಯಾಟ್​ನಲ್ಲಿರುವ ಕುಂಡಗಳಲ್ಲಿ (ಮಡಕೆ) ಗಾಂಜಾ(Cannabis)ಬೆಳೆದು, ಡಾರ್ಕ್​ವೆಬ್​ನಲ್ಲಿ ಮಾರಾಟ ಮಾಡುತ್ತಿದ್ದವನನ್ನು ಗ್ರೇಟರ್​ ನೋಯ್ಡಾದಲ್ಲಿ ಮಂಗಳವಾರ ಪೊಲೀಸರು ಬಂಧಿಸಿದ್ದಾರೆ.

ಆರೋಪಿ ರಾಹುಲ್​ ಚೌದರಿ ಎಂದು ಗುರುತಿಸಲಾಗಿದೆ. ಕಳೆದ ನಾಲ್ಕು ತಿಂಗಳಿಂದ 50ಕ್ಕೂ ಅಧಿಕ ಮಡಿಕೆಗಳಲ್ಲಿ ಒಜಿ ಎಂದು ಕರೆಯಲ್ಪಡುವ ಗಾಂಜಾವನ್ನು ಬೆಳೆಯುತ್ತಿದ್ದನು. ಅಲ್ಲದೆ, ತಾನು ಬೆಳೆದ ಗಾಂಜಾವನ್ನು ಡಾರ್ಕ್​ವೆಬ್​ ಮಾರ್ಕೆಟ್​ ಮೂಲಕ ಸರಾಬರಾಜು ಮಾಡುತ್ತಿದ್ದಾನೆ ಎಂದು ಆರೋಪಿಸಲಾಗಿದೆ. ನಾರ್ಕೋಟಿಕ್ಸ್​ ಇಲಾಖೆ ಮತ್ತು ಸ್ಥಳೀಯ ಪೊಲೀಸರು ನಡೆಸಿದ ಜಂಟಿ ದಾಳಿಯಲ್ಲಿ ಅಕ್ರಮ ಬಯಲಾಗಿದೆ.

ಇದನ್ನೂ ಓದಿ:15 ನಿಮಿಷದಲ್ಲಿ ತಯಾರಿಸಿ ಟೊಮೆಟೊ ಸಾಸ್​​; ಇಲ್ಲಿದೆ ನೋಡಿ ಮಾಡುವ ಸಿಂಪಲ್​​ Recipe

ಇನ್ನು ಪ್ಲ್ಯಾಟ್​ನಲ್ಲಿ ಅಕ್ರಮವಾಗಿ ಗಾಂಜಾ ಬೆಳೆಯುತ್ತಿರುವ ಬಗ್ಗೆ ಮಾಹಿತಿ ಆಧರಿಸಿ ದಾಳಿ ನಡೆಸಲಾಗಿದೆ. ದಾಳಿ ವೇಳೆ ಸಿಕ್ಕ ಮಾಹಿತಿ ಪ್ರಕಾರ, ಪ್ಲ್ಯಾಟ್​ನಲ್ಲಿ 50 ಕ್ಕೂ ಅಧಿಕ ಮಡಿಕೆಗಳಲ್ಲಿ ಗಾಂಜಾ ಬೆಳದಿದ್ದು, ಮನೆಯ ರೂಮ್​ ಅನ್ನು ನರ್ಸರಿಯಾಗಿ ಮಾರ್ಪಾಡಿಸಿದ್ದಾನೆ. ಬೆಳೆ ಬೆಳೆಯಲು ಸೂಕ್ತವಾದ ವಾತಾವರಣದ ವ್ಯವಸ್ಥೆ ನಿರ್ಮಿಸಿದ್ದಾನೆ ಎಂದು ದಾಳಿ ವೇಳೆ ಲಕ್ಷಾಂತರ ಮೌಲ್ಯದ ಗಾಂಜಾ ವಶ ಪಡಿಸಿಕೊಳ್ಳಲಾಗಿದೆ.ಹೆಚ್ಚಿನ ತನಿಖೆ ನಡೆಸಲಾಗುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ,(ಏಜೆನ್ಸೀಸ್​).

https://www.vijayavani.net/further-explosive-information-on-bjp-govts-covid-scam-comes-to-light-not-37-thousand-people-died-1-57-lakh-people

https://www.vijayavani.net/health-tips-dont-eat-high-oxalate-foods-to-avoid-that-forms-kidney-stones