ಬಹು ಅಂಗಾಂಗ ವೈಫಲ್ಯ: 125 ವರ್ಷದ ದೈತ್ಯ ಆಮೆ ಸಾವು!

ಹೈದರಾಬಾದ್: 125 ವರ್ಷದ ಗ್ಯಾಲಪಗೋಸ್ ದೈತ್ಯ ಆಮೆ ವಯೋಸಹಜ ಖಾಯಿಲೆಯಿಂದ ಶನಿವಾರ (ಮಾ.16) ನೆಹರು ಝೂಲಾಜಿಕಲ್ ಪಾರ್ಕ್‌ನಲ್ಲಿ ಸಾವನ್ನಪ್ಪಿದೆ ಎಂದು ಮೃಗಾಲಯದ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ಸುಮಾರು 125 ವರ್ಷ ವಯಸ್ಸಿನ ಗಂಡು ಆಮೆ ಇದಾಗಿದ್ದು, ವೃದ್ಧಾಪ್ಯದ ತೊಂದರೆಗಳಿಂದ ಸಾವನ್ನಪ್ಪಿದೆ.

ಇದನ್ನೂ ಓದಿ: ಅಮ್ಮನನ್ನೂ ಮೀರಿಸುವ ಸುಂದರಿ KGF ನಟಿ ರವೀನಾ ಟಂಡನ್ ಪುತ್ರಿ

ಕಳೆದ 10 ದಿನಗಳಿಂದ ಆಮೆ ಆಹಾರದಿಂದ ದೂರವಿತ್ತು ಎಂದು ನೆಹರು ಝೂಲಾಜಿಕಲ್ ಪಾರ್ಕ್ ತಿಳಿಸಿದ್ದು, ಮೃಗಾಲಯದ ಪಶುವೈದ್ಯಕೀಯ ತಂಡವು 10 ದಿನಗಳಿಂದ ಪ್ರಾಣಿಗೆ ಚಿಕಿತ್ಸೆ ನೀಡುತ್ತಿತ್ತು ಎಂದು ಪ್ರಕಟಣೆ ತಿಳಿಸಿದೆ. ಈ ಆಮೆಯನ್ನು ಮೃಗಾಲಯದ ಅತ್ಯಂತ ಹಳೆಯ ನಿವಾಸಿಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ.

ಮೃಗಾಲಯ ಉದ್ಘಾಟನೆಯಾದಾಗಿನಿಂದ 95 ವರ್ಷದ ಮತ್ತೊಂದು ಆಮೆಯೊಂದಿಗೆ ಪ್ರಮುಖ ಆಕರ್ಷಣೆಗಳಲ್ಲಿ ಒಂದಾಗಿದ್ದ ಈ ಆಮೆಯೂ 1963ರಲ್ಲಿ ನಗರದ ಸಾರ್ವಜನಿಕ ಉದ್ಯಾನವನದಿಂದ ಸ್ಥಳಾಂತರಿಸಲಾಯಿತು, ನಂತರ ಅದನ್ನು ನೆಹರು ಝೂಲಾಜಿಕಲ್ ಪಾರ್ಕ್‌ಗೆ ವರ್ಗಾವಣೆ ಮಾಡಲಾಗಿತ್ತು ಎಂದು ಪ್ರಕಟಣೆ ತಿಳಿಸಿದೆ.

ಇದನ್ನೂ ಓದಿ: ಹಿಂದುತ್ವವಾದಿಗಳಿಗೆ ಟಿಕೆಟ್ ತಪ್ಪಿಸಿ ಬಿಎಸ್​ವೈ ಮೋಸ ಮಾಡಿದ್ದಾರೆ: ಸ್ಪರ್ಧೆ ಖಚಿತ ಎಂದ ಈಶ್ವರಪ್ಪ

ಮರಣೋತ್ತರ ಪರೀಕ್ಷೆ ನಡೆಸಲಾಗಿದ್ದು, ಆಮೆ ಬಹು ಅಂಗಾಂಗ ವೈಫಲ್ಯದಿಂದ ಸಾವನ್ನಪ್ಪಿದೆ ಎಂದು ಪ್ರಾಥಮಿಕ ವರದಿಯಿಂದ ತಿಳಿದುಬಂದಿದೆ. ಹೆಚ್ಚಿನ ತನಿಖೆಗಾಗಿ ಮಾದರಿಗಳನ್ನು ರಾಜೇಂದ್ರನಗರದ ವಿಬಿಆರ್‌ಐ ಮತ್ತು ಪಶುವೈದ್ಯಕೀಯ ಕಾಲೇಜಿಗೆ ಕಳುಹಿಸಲಾಗಿದೆ,(ಏಜೆನ್ಸೀಸ್).

https://www.vijayavani.net/it-affected-me-says-chahal-wife-dhanashree