ಮುಂದಿನ ತಿಂಗಳು ರಜನಿ ಫ್ಯಾನ್ಸ್​ಗೆ ಡಬಲ್​ ಧಮಾಕಾ!

ತಮಿಳುನಾಡು: ಕಾಲಿವುಡ್​​ನ ಸೂಪರ್​ಸ್ಟಾರ್​​, ತಲೈವಾ ರಜನಿಕಾಂತ್​ ಅಭಿನಯದ 'ಜೈಲರ್'​ ಜಾಗತಿಕವಾಗಿ ಬಿಡುಗಡೆಗೊಂಡು ಬ್ಲಾಕ್​ಬಸ್ಟರ್​ ಸಿನಿಮಾವಾಗಿ ಹೊರಹೊಮ್ಮಿತು. ಜೈಲರ್​ ಸಕ್ಸಸ್​​ ಬೆನ್ನಲ್ಲೇ ಹೆಚ್ಚು ಸಮಯ ವ್ಯರ್ಥ ಮಾಡದ ರಜನಿ, ಟಿ.ಜೆ. ಜ್ಞಾನವೇಲ್ ನಿರ್ದೇಶನದಲ್ಲಿ ಮೂಡಿಬರಲಿರುವ ತಮ್ಮ ಮುಂದಿನ ಸಿನಿಮಾ 'ತಲೈವರ್ 170' ಚಿತ್ರೀಕರಣದಲ್ಲಿ ಸದ್ಯ ಬ್ಯುಸಿಯಾಗಿದ್ದಾರೆ.

ಇದನ್ನೂ ಓದಿ: ಆಯುಷ್ಮಾನ್​ ಯೋಜನೆಗೆ ಆಯುರ್ವೇದ ಚಿಕಿತ್ಸೆ ಸೇರ್ಪಡೆ ಅವಶ್ಯ

ಬ್ಯಾಕು ಟು ಬ್ಯಾಕು ಚಿತ್ರಗಳಲ್ಲಿ ನಟಿಸುತ್ತಿರುವ ತಲೈವಾ ಜನ್ಮದಿನ ಡಿಸೆಂಬರ್​ 12 ರಂದು ಇರುವ ಹಿನ್ನೆಲೆ ಅಭಿಮಾನಿಗಳು ಭರ್ಜರಿಯಾಗಿ ಅವರ ಹುಟ್ಟುಹಬ್ಬವನ್ನು ಆಚರಿಸಲು ಸಕಲ ತಯಾರಿಗಳನ್ನು ಮಾಡಿಕೊಳ್ಳುತ್ತಿದ್ದಾರೆ.

ಪ್ರತಿವರ್ಷ ತಮ್ಮ ನೆಚ್ಚಿನ ನಟನ ಹುಟ್ಟುಹಬ್ಬವನ್ನು ಅದ್ದೂರಿಯಾಗಿ ಸಂಭ್ರಮಿಸುವ ರಜನಿ ಅಭಿಮಾನಿಗಳಿಗೆ ಈ ಬಾರಿ ಡಬಲ್​ ಧಮಾಕಾ ದೊರೆಯಲಿದೆ. ಈ ಸುದ್ದಿ ಕೇಳಿದ ಫ್ಯಾನ್ಸ್ ಸದ್ಯ ಸೋಷಿಯಲ್​ ಮೀಡಿಯಾದಲ್ಲಿ​ ತೀವ್ರ ಕುತೂಹಲ ಹೊರಹಾಕಿದ್ದಾರೆ.

ಇದನ್ನೂ ಓದಿ: 16 ದಿನ ಮನೆಯಲ್ಲಿ ಯಾರೂ ಇರಲಿಲ್ಲ, ಆದ್ರೂ ಬಂತು ಕರೆಂಟ್ ಬಿಲ್ ಮೂರುಪಟ್ಟು!

1995 ರಲ್ಲಿ ರಜನಿಕಾಂತ್​ ಅಭಿನಯದ ಸೂಪರ್​ ಹಿಟ್​ 'ಮುತ್ತು' ಚಿತ್ರವನ್ನು ಚಿತ್ರತಂಡ ಇದೀಗ ಅಭಿಮಾನಿಗಳ ಮುಂದಿಡಲು ಸಜ್ಜಾಗಿದೆ. ಮುಂದಿನ ತಿಂಗಳು ರಜನಿ ಹುಟ್ಟುಹಬ್ಬಕ್ಕೆ ಉಡುಗೊರೆಯಾಗಿ ಚಿತ್ರಮಂದಿರಗಳಲ್ಲಿ ಮುತ್ತು ಗ್ರ್ಯಾಂಡ್ ರೀ-ರಿಲೀಸ್ ಆಗಲಿದೆ. ಚಿತ್ರದ ಅಧಿಕೃತ ಬಿಡುಗಡೆ ದಿನಾಂಕ ಇನ್ನೂ ಘೋಷಣೆಯಾಗಿಲ್ಲ. ಇದು ಕೇವಲ ತಮಿಳು ಆವೃತ್ತಿಯಲ್ಲಿ ಬರಲಿದೆ ಎಂದು ಹೇಳಲಾಗಿದ್ದು, ತೆಲುಗು ಆವೃತ್ತಿಯ ಬಗ್ಗೆ ಯಾವುದೇ ಮಾಹಿತಿ ಲಭ್ಯವಿಲ್ಲ.

ಇದರೊಟ್ಟಿಗೆ ರಜನಿಕಾಂತ್ ಅವರ ತೆಲುಗು ಅಭಿಮಾನಿಗಳಿಗೆ ಒಂದು ಮಸ್ತ್​ ಸುದ್ದಿ ಲಭಿಸಿದೆ. ತಲೈವಾ ನಟನೆಯ ಮತ್ತೊಂದು ಸೂಪರ್ ಹಿಟ್ ಚಿತ್ರ 'ಶಿವಾಜಿ: ದಿ ಬಾಸ್' ಇದೀಗ ತೆಲುಗಿನಲ್ಲಿ ಡಿಸೆಂಬರ್ 9, 2023 ರಂದು ರೀ-ರಿಲೀಸ್​ ಆಗಲು ಸಜ್ಜಾಗಿದೆ. ಸೂಪರ್​ಸ್ಟಾರ್​ ಜನ್ಮದಿನದ ವಾರದಲ್ಲೇ ಈ ಎರಡು ಮೆಗಾ ಸಿನಿಮಾ ಮತ್ತೊಮ್ಮೆ ತೆರೆಗೆ ಬರಲಿದೆ,(ಏಜೆನ್ಸೀಸ್).

https://www.vijayavani.net/another-song-released-from-sugar-factory