ಬಿಎಎಂಎಸ್ ಪದವಿ ಓದುತ್ತಿರುವ ನೀತು ವರ್ಮಾ ಎಂಬಾಕೆಯೇ, ತನ್ನ ಪತಿ ಗೋವಿಂದ್ನಿಂದ ಬೇರೆಯಾಗಲು ನಿರ್ಧರಿಸಿದ್ದಾಳೆ. ಅಲ್ಲದೇ ಆತನ ವಿರುದ್ಧ ಕಿರುಕುಳ ಮತ್ತು ಕೌಟುಂಬಿಕ ದೌರ್ಜನ್ಯ ಪ್ರಕರಣವನ್ನು ಸಹ ದಾಖಲಿಸಿದ್ದಾಳೆ.
ಘಟನೆ ಹಿನ್ನೆಲೆ:
ಗೋವಿಂದ್ನ ಪ್ರಕಾರ 2019ರಲ್ಲಿ ತಾವಿಬ್ಬರು ವಿವಾಹವಾಗಿದ್ದು, ಮದುವೆಯ ಆರಂಭಿಕ ದಿನಗಳಲ್ಲಿ ಎಲ್ಲವೂ ಚೆನ್ನಾಗಿಯೇ ಇದ್ದು ಅಷ್ಟರಲ್ಲಿ ಹೆಂಡತಿ ತಾನು ಮುಂದೆ ಓದಬೇಕೆಂದು ಹೇಳತೊಡಗಿದ್ದಾಳೆ. ಆಕೆಗೆ ವೈದ್ಯೆ ಆಗಬೇಕೆಂಬ ಆಸೆಯಿದೆ ಎಂದು ಹೇಳಿಕೊಂಡಿದ್ದು, ಈ ವೇಳೆ ಆತ ತಾನು ಕೂಲಿ ಕೆಲಸ ಮಾಡುತ್ತಿರುವುದರಿಂದ ಕುಟುಂಬದ ಆರ್ಥಿಕ ಸ್ಥಿತಿ ಚೆನ್ನಾಗಿಲ್ಲ ಎಂದು ಹೇಳಿದ್ದಾನೆ. ಆದರೆ ಕೊನೆಗೆ ಪತ್ನಿಯ ಆಸೆಯನ್ನು ಗೌರವಿಸಿ ಆಕೆಯನ್ನು ಕೋಚಿಂಗ್ ಓದಲು ಕಳುಹಿಸಿದ್ದು, ಆ ಬಳಿಕ ಆಕೆ ನೀಟ್ ಪರೀಕ್ಷೆಯಲ್ಲಿ ತೇರ್ಗಡೆಯಾಗಿದ್ದಾಳೆ.
