ಹೊಸ ಅವತಾರದಲ್ಲಿ ಬರ್ತಾ ಇದೆ ಆಧಾರ್

ನವದೆಹಲಿ: ಹೊಚ್ಚ ಹೊಸ ಅವತಾರದಲ್ಲಿ ಆಧಾರ್ ಕಾರ್ಡ್ ಬರ್ತಾ ಇದೆ. ಪಾಲಿವಿನೈಲ್ ಕ್ಲೋರೈಡ್ (ಪಿವಿಸಿ) ಕಾರ್ಡ್​ ಇದಾಗಿದ್ದು, ಸೆಕ್ಯೂರಿಟಿ ಫೀಚರ್ಸ್​ ಕೂಡ ಹೊಂದಿದೆ. ಎಟಿಎಂ/ಡೆಬಿಟ್​/ಕ್ರೆಡಿಟ್​ ಕಾರ್ಡ್​​ಗಳಂತೆ ಆಧಾರ್ ಕಾರ್ಡ್ ಅನ್ನೂ ವ್ಯಾಲೆಟ್​ನಲ್ಲಿ ಇಟ್ಟುಕೊಂಡು ತಿರುಗಾಡಬಹುದು ಎಂದು ಯೂನಿಕ್ ಐಡೆಂಟಿಫಿಕೇಶನ್​ ಅಥಾರಿಟಿ ಆಫ್ ಇಂಡಿಯಾ (ಯುಐಡಿಎಐ) ಹೇಳಿದೆ.

ಆಧಾರ್ ಪಿವಿಸಿ ಕಾರ್ಡ್ ಎಲ್ಲ ಹವಾಮಾನಗಳಲ್ಲೂ ಸುರಕ್ಷಿತವಾಗಿರುವಂಥದ್ದು. ನೀರಿನಲ್ಲಿ ಬಿದ್ದರೂ ಹಾಳಾಗಲ್ಲ. ಚಾಲನಾ ಪರವಾನಗಿ, ಎಟಿಎಂ ಕಾರ್ಡ್​ಗಳನ್ನು ಜೇಬಿನಲ್ಲಿಟ್ಟುಕೊಂಡು ಹೋಗುವಂತೆ ಇದನ್ನೂ ಕೊಂಡೊಯ್ಯಬಹುದು. ಕ್ಷಿಪ್ರ ಪರಿಶೀಲನೆಗೆ ಇದೇ ಕಾರ್ಡನ್ನೂ ಬಳಸಬಹುದಾಗಿದೆ. ಇದರಲ್ಲಿ ಕ್ಯೂಆರ್ ಕೋಡ್ ಅಳವಡಿಸಲಾಗಿದ್ದು, ಅದನ್ನು ಸ್ಕ್ಯಾನ್ ಮಾಡಿದರೆ ಸಾಕು ಪರಿಶೀಲನೆ ಕೆಲವೇ ಸೆಕೆಂಡ್​ಗಳಲ್ಲಿ ಮುಗಿದು ಹೋಗುತ್ತದೆ.

ಇದನ್ನೂ ಓದಿ: ರಿಪಬ್ಲಿಕ್ ಟಿವಿ ಅರ್ನಬ್​ಗೆ ಇನ್ನೊಂದು ಸಂಕಷ್ಟ- ಸುಶಾಂತ್​ ಸಿಂಗ್​ ಸ್ನೇಹಿತನಿಂದ ₹200 ಕೋಟಿ ಮಾನನಷ್ಟ ನೋಟಿಸ್​!

ಈ ವಿಷಯವನ್ನು ಟ್ವೀಟ್ ಮೂಲಕ ಬಹಿರಂಗಪಡಿಸಿರುವ ಯುಐಡಿಎಐ, ಆಧಾರ್ ಕಾರ್ಡ್ ಎಂಬುದು ಹೊಸ ಸೇವೆಯಾಗಿದೆ. ಸಾಂಕೇತಿಕವಾದ ಶುಲ್ಕ ಭರಿಸಿದರೆ ಭಾರತ ಮೂಲೆ ಮೂಲೆಗೂ ಅಗತ್ಯ ಇರುವವರಿಗೆ ಈ ಕಾರ್ಡನ್ನು ತಲುಪಿಸುತ್ತೇವೆ. ಈ ಆಧಾರ್ ಕಾರ್ಡ್​ಗಾಗಿ ನೋಂದಾಯಿತ ಮೊಬೈಲ್​ ನಂಬರ್​ ಬಳಸಬೇಕು. ಅಕಸ್ಮಾತ್ ಇಲ್ಲದೇ ಹೋದರೆ, ಪರ್ಯಾಯ ನಂಬರ್ ದಾಖಲಿಸಿ ಒಟಿಪಿ ಕೊಡಬೇಕು. ಇದಕ್ಕಾಗಿ ಆನ್​ಲೈನ್ ಬೇಡಿಕೆಯ ಫಾರಂ ಅನ್ನು ರಚಿಸಲಾಗಿದ್ದು, ಅದನ್ನು ಭರ್ತಿ ಮಾಡಬೇಕು ಎಂದು ಹೇಳಿದೆ.
.
ಇದನ್ನೂ ಓದಿ: ಯಾರೂ ಇಂಥ ತಪ್ಪು ಮಾಡದಿರಿ: ಎನ್​ಸಿಪಿ ಮುಖಂಡ ಕಾರಿನಲ್ಲೇ ಸುಟ್ಟುಕರಕಲಾಗೋದಕ್ಕೆ ಇದುವೇ ಕಾರಣ!

https://www.vijayavani.net/pm-modi-declares-his-assets/