ಭರ್ಜರಿ ಹನಿಮೂನ್​ ಜೋಡಿ ಕೊನೆಗೂ ಸ್ವದೇಶಕ್ಕೆ ಮರಳಿತು: ನೆರವು ನೀಡಿದವರಾರು?!

ಜೊಹಾನ್ಸ್​ಬರ್ಗ್: ಕರೊನಾ ಲಾಕ್​ಡೌನ್ ಅವಧಿಯಲ್ಲಿ ಮಾಲ್ಡೀವ್ಸ್​ನ ಐಷಾರಾಮಿ ರೆಸಾರ್ಟ್​ನಲ್ಲಿ ಇದ್ದ ಏಕೈಕ ಹನಿಮೂನ್ ಜೋಡಿ ಕೊನೆಗೂ ಸ್ವದೇಶಕ್ಕೆ ಮರಳಿದೆ. ದಕ್ಷಿಣ ಆಫ್ರಿಕಾದ ರೌಲ್​ ಡೆ ಫ್ರೈಟಸ್​(28) ಮತ್ತು ಒಲಿವಿಯಾ(27) ನವದಂಪತಿ ಕಳೆದ ಶನಿವಾರ ಮಾಲ್ಡೀವ್ಸ್​ನಲ್ಲಿದ್ದ ಇತರೆ ದಕ್ಷಿಣ ಆಫ್ರಿಕಾದ ಪ್ರಜೆಗಳ ಜತೆಗೆ ಸರ್ಕಾರದ ನೆರವಿನೊಂದಿಗೆ ಮತ್ತೆ ಊರು ಸೇರಿದ್ದಾರೆ.

ಲಾಕ್​ಡೌನ್ ಕಾರಣಕ್ಕೆ ಮಾಲ್ಡೀವ್ಸ್​ನಲ್ಲಿ ಇವರೂ ಸೇರಿ 40 ದಕ್ಷಿಣ ಆಫ್ರಿಕಾ ಪ್ರಜೆಗಳು ಸಂಕಷ್ಟಕ್ಕೆ ಒಳಗಾಗಿದ್ದರು. ಒಬ್ಬೊಬ್ಬರದ್ದು ಒಂದೊಂದು ಕಥೆ-ವ್ಯಥೆ. ಅವರ ನೆರವಿಗೆ ಅಲ್ಲಿನ ದಕ್ಷಿಣ ಆಫ್ರಿಕಾ ರಾಯಭಾರಿ ಮೊಹಮ್ಮದ್ ಅಲಿ ಮನಿಕ್​ ಧಾವಿಸಿದ್ದರು. ಹೀಗಾಗಿ ಪ್ರಯಾಣಕ್ಕೆ ಇರುವ ಎಲ್ಲ ವ್ಯವಸ್ಥೆಯೂ ಆದ ನಂತರ ಕಳೆದ ಶನಿವಾರ ಎಲ್ಲರನ್ನೂ ದಕ್ಷಿಣ ಆಫ್ರಿಕಾಕ್ಕೆ ಸರ್ಕಾರವೇ ವಿಶೇಷ ವಿಮಾನದಲ್ಲಿ ಕರೆದೊಯ್ದಿದೆ.

ರೌಲ್​ ಡೆ ಫ್ರೈಟಸ್ ಮತ್ತು ಒಲಿವಿಯಾ ಜೋಡಿ ಮಾಲ್ಡೀವ್ಸ್​ನ ಸಿನ್ನಮೊನ್​ ವೆಲಿಫುಷಿ ರೆಸಾರ್ಟ್​ಗೆ ಮಾರ್ಚ್​ 22ರಂದು ಆರು ದಿನಗಳ ಹನಿಮೂನ್​ಗಾಗಿ ಆಗಮಿಸಿತ್ತು. ಒಂದು ವಾರದ ಹನಿಮೂನ್ ಮೂರುವಾರಕ್ಕೆ ವಿಸ್ತರಣೆಯಾದಾಗ ಒಂದೆಡೆ ಖುಷಿಯಾದರೂ, ಖರ್ಚುವೆಚ್ಚದ ಕಾರಣಕ್ಕೆ ಇಬ್ಬರೂ ಕಂಗಾಲಾಗಿದ್ದರು. ಲೈಫ್​ ಟೈಮ್ಸ್ ಅನುಭವವನ್ನು ಅವರು ಈ ಹಿಂದೆ ಹಂಚಿಕೊಂಡಿದ್ದರು. ಅದರ ಪೂರ್ಣ ಓದಿಗಾಗಿ ಕೆಳಗಿನ ಲಿಂಕ್​ ಗಮನಿಸಬಹುದು.

https://www.vijayavani.net/covid-19-side-effect-newlyweds-on-their-honeymoon-are-the-only-guests-at-luxury-maldives-resort/

https://www.vijayavani.net/a-22-year-old-chinese-woman-who-suffered-from-a-persistent-cough-was-shocked/

https://www.vijayavani.net/lace-bra-shaped-atsumi-fashion-face-masks-sold-out-minutes-after-launch/