ಆ 22ರ ಯುವತಿ ಕೆಮ್ಮುತ್ತಲೇ ಇದ್ಳು- ಆಸ್ಪತ್ರೆಗೆ ದಾಖಲಾದರೆ ಕೆಮ್ಮಿನ ಇತಿಹಾಸ ಕೇಳಿ, ಕಾರಣ ನೋಡಿ ಅಲ್ಲಿದ್ದವರಿಗೆಲ್ಲ ಶಾಕ್ !

ಬೀಜಿಂಗ್​: ಕರೊನಾ ಸೋಂಕು ಜಗತ್ತಿನಾದ್ಯಂತ ವ್ಯಾಪಿಸಿದೆ. ಯಾರು ಕೆಮ್ಮಿದ್ರೂ, ಸೀನಿದ್ರೂ ಸಂದೇಹದಿಂದಲೇ ನೋಡ್ತಾರೆ. ಅಂಥದ್ದರಲ್ಲಿ ಆಕೆ ಕೆಮ್ಮುತ್ತಲೇ ಇದ್ಳು- ಇದಕ್ಕೊಂದು ಪರಿಹಾರ ಕಾಣಬೇಕು ಎಂದು ಆಸ್ಪತ್ರೆಗೆ ದಾಖಲಾದರೆ ಎಲ್ಲರಿಗೂ ಶಾಕ್​!

ಇದು ಚೀನಾದಲ್ಲಿ ನಡೆದ ಘಟನೆ. ಆಕೆಗೆ 22 ವರ್ಷ ವಯಸ್ಸು. ಡಾಕ್ಟರ್ ಎದುರು ಆಕೆ ಕೆಮ್ಮಿನ ಕಥೆಯನ್ನು ಅನಾವರಣಗೊಳಿಸಿದಳು. ಆ ಕೆಮ್ಮಿಗೆ 14 ವರ್ಷಗಳ ಇತಿಹಾಸ. ಹಾಗಾಗಿ ಕರೊನಾ ಅಲ್ಲ ಎಂಬುದು ಖಾತರಿ ಆಯಿತು.

ಕೊನೆಗೆ ತೀರಾ ಇತ್ತೀಚೆಗೆ ಹೈಪರ್​ಹಿಡ್ರೋಸಿಸ್​ ಆಪರೇಷನ್ ಮಾಡಿಸಬೇಕು ಎಂಬ ನಿರ್ಧಾರಕ್ಕೆ ಆಕೆ ಬಂದಿದ್ದಳು. ಡಾಕ್ಟರ್​ಗಳು ಇದಕ್ಕಾಗಿ ಕೆಲವು ಟೆಸ್ಟ್​ಗಳನ್ನು ಮಾಡಲು ಮುಂದಾಗಿದ್ದರು. ಉಸಿರಾಟದ ಸಮಸ್ಯೆ ಗಮನಿಸಿದ ಗುವಾಂಗ್​ಝೂ ಯೂನಿವರ್ಸಿಟಿಯ ಕಾರ್ಡಿಯೋಥೊರಾಸಿಕ್​ ಸರ್ಜರಿ ವಿಭಾಗದ ಡೆಪ್ಯುಟಿ ಚೀಫ್​ ವಾಂಗ್ ಜಿಯೋಂಗ್​ ಅವರು ಆಕೆಯ ಸಿಟಿ ಸ್ಕ್ಯಾನ್ ಮಾಡಿಸಲು ಶಿಫಾರಸು ಮಾಡಿದರು.

ಆ ನಿಗೂಢ ವಸ್ತುವನ್ನು ಹೊರತೆಗೆಯಲು ಶಸ್ತ್ರಚಿಕಿತ್ಸೆಯನ್ನೂ ಪೂರೈಸಿದರು. ಆ ವಸ್ತುವನ್ನು ಹೊರತೆಗೆದು ಶುಚಿಗೊಳಿಸಿದ ಬಳಿಕ ಅದೇನು ಎಂಬುದನ್ನು ಪರಿಶೀಲಿಸಲಾಯಿತು. ಕೊನೆಗೆ ಅದು ಚಿಕನ್ ಬೋನ್ ಎಂಬುದು ದೃಢವಾಯಿತು. ಎರಡು ಸೆಂಟಿ ಮೀಟರ್ ಇದ್ದ ಇತ್ತದು. ಬಾಲ್ಯದಲ್ಲಿ ಅಕಸ್ಮಾತ್ ಆಗಿ ಆ ಚಿಕನ್ ಬೋನ್​ ಪೀಸ್​ ಶ್ವಾಸಕೋಶಕ್ಕೆ ಹೋಗಿತ್ತು. ಅದುವೇ ಕೆಮ್ಮಿಗೆ ಕಾರಣವಾಯಿತು ಎಂಬುದನ್ನು ಅರಿತು ಆ ಯುವತಿಯೂ ಸೇರಿ ಎಲ್ಲರಿಗೂ ಶಾಕ್​!.

https://www.vijayavani.net/a-creative-couple-revealed-how-they-hid-a-bedroom-door-behind-a-bookshelf-to-create-a-secret-entrance/

https://www.vijayavani.net/who-expert-dr-mike-ryan-warned-against-opening-up-global-travel-too-quickly/

https://www.vijayavani.net/shocking-news-boys-murders-their-own-friend-for-silly-reason-in-kerala/

https://www.vijayavani.net/covid-19-side-effect-newlyweds-on-their-honeymoon-are-the-only-guests-at-luxury-maldives-resort/