ಮಿನ್ನೆಸೊಟಾ: ಬೆಡ್ ರೂಮ್ ರಹಸ್ಯ ಎಂದ ಕೂಡಲೇ ರಸಿಕರ ಇಂದ್ರಿಯಗಳೆಲ್ಲವೂ ಚುರುಕಾಗಿ ಬಿಡುತ್ತವೆ. ಏನಿರಬಹುದೆಂಬ ಸಹಜ ಕುತೂಹಲ. ಈ ದಂಪತಿಯ ಬೆಡ್ರೂಂ ರಹಸ್ಯ ಈಗ ಜಗತ್ತಿನ ಮನೆಮಾತು. ಅಂಥದ್ದೇನು ಅಂತೀರಾ – ಅದು ಒಂದು ಮರ್ಡರ್ ಮಿಸ್ಟ್ರಿಯಷ್ಟೇ ನಿಗೂಢವಾದುದು!
ಮಿನ್ನೆಸೊಟಾದ ಈ ದಂಪತಿ ಹೆಸರು ಕ್ಯಾರ್ರೀ ಮತ್ತು ಕೈಲೆ ಡೊರ್. ಇಬ್ಬರೂ ಬಹಳ ಕ್ರಿಯೇಟಿವ್. ಫೇಸ್ಬುಕ್ನಲ್ಲಿ ಒಂದು ಖಾಸಗಿ ಗ್ರೂಪ್ ಇದೆ. ಅದರ ಹೆಸರು diyonabudgetofficial. ಅಲ್ಲಿ ಅವರು ಈ ಬೆಡ್ ರೂಮ್ ರಹಸ್ಯ ಬಹಿರಂಗಪಡಿಸಿದ್ದಾರೆ. ನೀವೂ ಈ ರಹಸ್ಯವನ್ನು ಇಂಪ್ಲಿಮೆಂಟ್ ಮಾಡಿ ಕಾಪಾಡಿ ಅಂತಾನೂ ಹೇಳಿದ್ದಾರೆ. ಲಾಕ್ಡೌನ್ ಪ್ರಾಜೆಕ್ಟ್ ಆಗಿ ಇದನ್ನು ಅವರು ಕೈಗೆತ್ತಿಕೊಂಡು ಪೂರ್ಣಗೊಳಿಸಿದ್ದಾರೆ. ಮನೆಗೆ ಬಂದ ಅತಿಥಿಗಳ ಕಂಗಳು ಸಹಜವಾಗಿಯೇ ಬೆಡ್ರೂಮ್ ಕಡೆಗೆ ಹೋಗುತ್ತದೆ. ಆದರೆ ಈ ದಂಪತಿಯ ಮನೆಯಲ್ಲಿ ಎಲ್ಲಿ ಜಾಲಾಡಿದರೂ ಒಂದೇ ನೋಟಕ್ಕೆ ಬೆಡ್ ರೂಮ್ ಕಾಣಲ್ಲ. ಇದುವೇ ರಹಸ್ಯ!
ಬೆಡ್ ರೂಮ್ ರಹಸ್ಯ ಇರುವುದೆಲ್ಲಿ ಅಂದರೆ ಅದರ ಡೋರ್ನಲ್ಲಿ!. ಹೌದು, ಅವರು ಲಾಕ್ಡೌನ್ ಪ್ರಾಜೆಕ್ಟ್ನಲ್ಲಿ ಕೈಗೆತ್ತಿಕೊಂಡದ್ದು ಬೆಡ್ರೂಮ್ ಡೋರ್ ಮರೆಮಾಚುವ ಕೆಲಸ. ಅದರಲ್ಲಿ ಅವರು ಯಶಸ್ವಿಯೂ ಆಗಿದ್ದಾರೆ. ಜಗತ್ತಿನ ಗಮನವನ್ನೂ ಸೆಳೆದಿದ್ದಾರೆ.
ಅವರ ಮನೆಯೊಳಗೆ ಗಮನಸೆಳಯುವ ಬುಕ್ ಶೆಲ್ಫ್ ಒಂದು ಇದೆ. ಅದುವೇ ಬೆಡ್ರೂಮ್ಗೆ ರಹಸ್ಯ ಡೋರ್. ಮನೆಗೆ ಬಂದ ಅತಿಥಿಗಳಿಗೆ ಇರುವ ಬೆಡ್ರೂಮ್ ಅದು. ಈ ಡೋರ್ ಓಪನ್ ಮಾಡಬೇಕಾದರೆ ಒಂದು ಪುಸ್ತಕವನ್ನು ಹೊರತೆಗೆಯಬೇಕು. ಆಗಷ್ಟೇ ಡೋರ್ ಲಾಕ್ ಕಾಣಿಸುತ್ತದೆ. ಬೆಡ್ ರೂಮ್ ಡೋರ್ ಅನ್ನು ಈ ರೀತಿ ಮರುವಿನ್ಯಾಸಗೊಳಿಸಿದ್ದು ಸಾಮಾಜಿಕ ತಾಣಗಳಲ್ಲಿ ಭಾರಿ ಮೆಚ್ಚುಗೆಗೆ ಕಾರಣವಾಗಿದೆ. (ಏಜೆನ್ಸೀಸ್)
