ಆಡುತ್ತಿದ್ದಾಗ ಮಗುವಿನ ತಲೆ ಮೇಲೆ ಬಿತ್ತು ತೆಂಗಿನಕಾಯಿ! ಮುಂದೇನಾಯ್ತು?

ಆನೇಕಲ್: ಯಾವ ಕ್ಷಣದಲ್ಲಿ ಏನು ಘಟನೆ ನಡೆಯುತ್ತದೆ ಎನ್ನುವುದನ್ನು ಯಾರಿಂದಲೂ ಊಹಿಸಲು ಸಾಧ್ಯವಿಲ್ಲ. ಒಂದು ಕ್ಷಣ ಎಡವಿದರೂ ಜೀವಕ್ಕೇ ಕುತ್ತು ತರುವಂತಹ ಸಂದರ್ಭಗಳು ಎದುರಾಗುತ್ತವೆ. ಹೀಗಾಗಿ ಎಷ್ಟೇ ಎಚ್ಚರಿಕೆಯಿಂದ ಇದ್ದರೂ ಸಾಲುವುದಿಲ್ಲ. ಇದಕ್ಕೆ ಸ್ಪಷ್ಟ ನಿದರ್ಶನವೆಂದರೆ ಅನೇಕಲ್​ನಲ್ಲಿ ನಡೆದಿರುವ ಈ ಘಟನೆ.

ಆನೇಕಲ್​ನ ಸರ್ಜಾಪುರದಲ್ಲಿ ತನ್ನ ಮನೆಯ ಅಂಗಳದಲ್ಲಿ ಆಟವಾಡುತ್ತಿದ್ದ ಸಂಪ್ರೀತ್ ಎಂಬ ಎರಡು ವರ್ಷದ ಮಗುವಿನ ತಲೆಯ ಮೇಲೆ ತೆಂಗಿನಕಾಯಿ ಬಿದ್ದಿದೆ. ಪರಿಣಾಮ ಮಗುವಿನ ತಲೆಬುರುಡೆಗೆ ಪೆಟ್ಟು ಬಿದ್ದಿದೆ. ಇದರಿಂದಾಗಿ ಸಂಪ್ರೀತ್​ನ ಶರೀರ ಸ್ವಾಧೀನ ಕಳೆದುಕೊಂಡಿದೆ ಎನ್ನಲಾಗಿದೆ.

ಘಟನೆ ಸಂಭವಿಸುತ್ತಿದ್ದಂತೆ ಪೋಷಕರು ಕೂಡಲೇ ಸಂಪ್ರೀತ್​ನನ್ನು ಬೆಳ್ಳಂದೂರು ಬಳಿ ಇರುವ ಖಾಸಗಿ ಆಸ್ಪತ್ರೆಗೆ ಕರೆದುಕೊಂಡು ಹೋಗಿದ್ದಾರೆ. ಪರಿಶೀಲಿಸಿದ ವೈದ್ಯರು ಆಪರೇಷನ್ ಮಾಡಿ, 48 ಗಂಟೆ ಬಳಿಕ ಮಗುವಿನ ಪರಿಸ್ಥಿತಿ ಸಹಜ ಸ್ಥಿತಿಗೆ ಬರುತ್ತಿದ್ದಂತೆ ಡಿಸ್ಚಾರ್ಜ್ ಮಾಡಿದ್ದಾರೆ. ತೆಂಗಿನಕಾಯಿ ಮಗುವಿನ ತಲೆ ಮೇಲೆ ಬೀಳುತ್ತಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

https://www.vijayavani.net/a-student-who-went-swimming-died/

https://www.vijayavani.net/baby-born-with-60-per-cent-body-covered-in-hair-in-uttar-pradeshs-hardoi/