ಜೆಡಿಎಸ್ ಮುಖಂಡನಾದ್ರೆ ಏನಂತೆ? ಅಕ್ರಮ ಸಂಬಂಧ ಹೊಂದಿದ್ದರೆ ಬೀಳುತ್ತೆ ಗೂಸಾ!

ಕಲಬುರಗಿ: ಕೆಲವೊಂದು ಬಾರಿ ಅಧಿಕಾರ ಹೊಂದಿದ್ದೇವೆ ಎಂದು ಭಾವಿಸುವ ಕೆಲವರು, ಸಾಮಾಜಿಕ ನಿಯಮಗಳನ್ನು ಮೀರಿ ನಡೆಯುತ್ತಾರೆ. ಅಂತಹವರಿಗೆ ಜನರೇ ತಕ್ಕ ಪಾಠವನ್ನೂ ಕಲಿಸಿಬಿಡುತ್ತಾರೆ. ಅಂತಹ ಘಟನೆ ನಿನ್ನೆ ರಾತ್ರಿ ಕಲಬುರಗಿಯಲ್ಲಿ ನಡೆದಿದೆ.

ಇದನ್ನೂ ಓದಿ: 10 ಶಾಸಕರ ಸಸ್ಪೆಂಡ್​: ಕಲಾಪ ಬಹಿಷ್ಕರಿಸಿ ಸ್ಪೀಕರ್​ ವಿರುದ್ಧ ಬಿಜೆಪಿ, ಜೆಡಿಎಸ್​ನಿಂದ ರಾಜ್ಯಪಾಲರಿಗೆ ದೂರು

ಮಹಿಳೆ ಜೊತೆ ಅಕ್ರಮ ಸಂಭಂಧ ಹೊಂದಿದ್ದ ಜೆಡಿಎಸ್ ಮುಖಂಡನಿಗೆ ಜನರೇ ಗೂಸಾ ನೀಡಿದ್ದಾರೆ. ಈ ಘಟನೆ ಕಲಬುರಗಿ ಜಿಲ್ಲೆಯ ಚಿಂಚೋಳಿ ತಾಲೂಕಿನ ಐನೋಳ್ಳಿ ಗ್ರಾಮದಲ್ಲಿ ನಡೆದಿದೆ.

ಕಲಬುರಗಿ ಜಿಲ್ಲಾ ಜೆಡಿಎಸ್ ಮುಖಂಡನಾಗಿರುವ ವಿಷ್ಣುಕಾಂತ ಮೂಲಗಿ , ಐನೊಳ್ಳಿ ಗ್ರಾಮದ ಮಹಿಳೆಯೊಂದಿಗೆ ಅಕ್ರಮ ಸಂಬಂಧ ಹೊಂದಿದ್ದ ಎನ್ನಲಾಗಿದೆ. ಈತ ನಿನ್ನೆ ರಾತ್ರಿ ಕುಡಿದು ಟೈಟ್ ಆಗಿ ಹಣದ ಆಮಿಷ ಒಡ್ಡಿ ಮಹಿಳೆಯನ್ನು ಮನೆಗೆ ಕರೆಸಿಕೊಂಡಿದ್ದ ಎನ್ನಲಾಗಿದೆ.

ಇದನ್ನೂ ಓದಿ: ಜೆಡಿಎಸ್‌ಗೆ ಸಿದ್ದಾಂತವಿಲ್ಲ, ಇವರಿಗೆ ಮಾತ್ರ ಸಿದ್ದಾಂತವಿದ್ಯಾ?; ಸಿಎಂ ಹೇಳಿಕೆಗೆ ಎಚ್​ಡಿಕೆ ತಿರುಗೇಟು

ಈತನ ಅನೈತಿಕ ಸಂಬಂಧದಿಂದ ರೋಸಿ ಹೋಗಿದ್ದ ಏರಿಯಾದ ಜನರು ಬೇಸತ್ತು ಹಿಗ್ಗಾ ಮುಗ್ಗಾ ಥಳಿಸಿದ್ದಾರೆ. ಇಲ್ಲಿನ ಜನರು, ಮುಖಂಡನ ಅನೈತಿಕ ಸಂಬಂಧದಿಂದಾಗಿ ತಮ್ಮ ಏರಿಯಾದ ಹೆಸರೇ ಹಾಳಾಗುವುದು ಎಂದು ಹಲವು ತಿಂಗಳುಗಳಿಂದ ಸುಮ್ಮನಿದ್ದರು. ಈ ಅನೈತಿಕ ಸಂಬಂಧದಿಂದಾಗಿ ಹೆಣ್ಣು ಮಕ್ಕಳು ತಲೆ ಎತ್ತಿ ಓಡಾಡೋದಕ್ಕೆ ಆಗುತ್ತಿಲ್ಲ ಎನ್ನುವ ಆರೋಪ ಕೇಳಿಬಂದಿದ್ದ ಕಾರಣ ಜೆಡಿಎಸ್​ ಮುಖಂಡನಿಗೆ ಧರ್ಮದೇಟು ಲಭಿಸಿದೆ.

ಇದನ್ನೂ ಓದಿ: ತಳಮಟ್ಟದಿಂದ ಜೆಡಿಎಸ್, ಬಿಜೆಪಿ ಮೈತ್ರಿಯಾಗಲಿ

ಸದ್ಯ ಜೆಡಿಎಸ್ ಮುಖಂಡನಿಗೆ ಗೂಸಾ ಬಿದ್ದ ವಿಡಿಯೋ ಸಾಮಾಜಿಕ ಜಾಲಾತಾಣದಲ್ಲಿ ವೈರಲ್ ಆಗಿದೆ. ಈ ಘಟನೆ ಚಿಂಚೋಳಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.

https://www.vijayavani.net/vijayavani-daily-updates-24-07-2023

https://www.vijayavani.net/jnanawapi-mosque-survey-begins-from-today

https://www.vijayavani.net/half-of-the-karnataka-to-face-rain-orange-alert-in-these-districts