ಮುಂಬೈ: ಹಿಂದಿ ಕಿರುತೆರೆ ನಟಿ ದಿವ್ಯಾ ಭಟ್ನಾಗರ್ ಕೊನೆಯುಸಿರೆಳೆದು ನಾಲ್ಕು ದಿನಗಳೇ ಕಳೆದಿವೆ. ಆದರೆ ಅವರ ಸಾವಿನ ಬಗ್ಗೆ, ಅದಕ್ಕೆ ಕಾರಣವಾದ ವ್ಯಕ್ತಿಯ ಬಗ್ಗೆ ಮಾತ್ರ ಇನ್ನೂ ಸುದ್ದಿಗಳು ಹರಿದಾಡುತ್ತಲೇ ಇವೆ. ದಿವ್ಯಾ ಸಾವಿಗೆ ಆಕೆಯ ಗಂಡ ಗಗನ್ ಗಬ್ರೂನೇ ಕಾರಣ ಎಂದು ಆಕೆಯ ಆಪ್ತ ಗೆಳತಿ ಹಾಗೂ ಸಹೋದರ ಆರೋಪಿಸಿದ್ದಾರೆ. ಇದರ ಬೆನ್ನಲ್ಲೇ ಗಗನ್ ಗಬ್ರೂ ತಾನು ದಿವ್ಯಾ ಜತೆಗಿದ್ದ ಸಂತಸದ ಕ್ಷಣಗಳ ವಿಡಿಯೋ ಶೇರ್ ಮಾಡಿದ್ದಾರೆ. ನನ್ನ ದಿವ್ಯಾ ನನ್ನೊಂದಿಗೆ ಎಷ್ಟು ಸಂತೋಷದಿಂದ್ದಳು ನೋಡಿ ಎಂದು ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ: ನಮ್ಮ ರೈತರು ಮಾನವ ಹಕ್ಕು ಹೋರಾಟಗಾರರ ಅಕ್ರಮ ಬಂಧನವನ್ನೂ ಖಂಡಿಸಿದ್ದಾರೆ- ಪ್ರಶಾಂತ್ ಭೂಷಣ್ !
ದಿವ್ಯಾ ಗಗನ್ ಜತೆ ನೃತ್ಯ ಮಾಡುವುದು, ಒಬ್ಬರೇ ನೃತ್ಯ ಮಾಡುತ್ತಿರುವುದು ಸೇರಿ ಒಟ್ಟು ಐದು ವಿಡಿಯೋವನ್ನು ಗಗನ್ ತಮ್ಮ ಇನ್ಸ್ಟ್ರಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಇದು ನನ್ನ ದಿವ್ಯಾ. ಕೆಲವೊಂದಿಷ್ಟು ಜನರು ಹೇಳುತ್ತಾರೆ, ನಾನು ಅವಳನ್ನು ಒತ್ತಾಯದಿಂದ ಮದುವೆಯಾದೆಯೆಂದು, ಮದುವೆಯಾದ ಮೇಲೆ ಕೋಣೆಯಲ್ಲಿ ಕೂಡಿ ಹಾಕಿ, ಹೊಡೆದೆ, ಚಿತ್ರಹಿಂಸೆ ಕೊಟ್ಟೆ ಎಂದು. ಆದರೆ ಅವಳು ನನ್ನೊಂದಿಗೆ ಹೇಗಿದ್ದಳು ನೋಡಿ ಎಂದು ಅವರು ಹೇಳಿಕೊಂಡಿದ್ದಾರೆ.
ಈ ಹಿಂದೆ ದಿವ್ಯಾ ಅವರ ಸಹೋದರ ದೇವಾಶಿಶ್ ದಿವ್ಯಾ ಜತೆಗಿನ ಮೆಸೇಜ್ಗಳ ಸ್ಕ್ರೀನ್ಶಾಟ್ ಹಂಚಿಕೊಂಡಿದ್ದರು. ಅದರಲ್ಲಿ ‘ಗಗನ್ ನನಗೆ ಬೆಲ್ಟ್ನಿಂದ ಹೊಡೆದು ಹಿಂಸಿಸುತ್ತಿದ್ದರು. ಅವರು ನನ್ನನ್ನು ಬೆದರಿಸಿ ಮದುವೆಯಾಗಿದ್ದಾರೆ. ಮದುವೆಯಾದಂದಿನಿಂದಲೂ ತುಂಬಾ ಕಿರುಕುಳ ಕೊಡುತ್ತಿದ್ದಾರೆ. ಅನೇಕ ಬಾರಿ ನನ್ನ ಬೆರಳನ್ನು ಮುರಿದಿದ್ದಾರೆ. ಗಗನ್ ಮಾತ್ರವಲ್ಲದೇ ಅವರ ತಾಯಿ ಕೂಡ ನನಗೆ ಕೊಡಬಾರದ ಚಿತ್ರಹಿಂಸೆ ಕೊಡುತ್ತಿದ್ದಾರೆ’ ಎಂದು ದಿವ್ಯಾ ಬರೆದಿದ್ದಾರೆ.
ಇದನ್ನೂ ಓದಿ: ಸಾಹಸಸಿಂಹ ವಿಷ್ಣುವರ್ಧನ್ ಬಗ್ಗೆ ವಿವಾದಾತ್ಮಕ ಹೇಳಿಕೆ ಕೊಟ್ಟ ತೆಲುಗು ನಟ: ತಿರುಗಿಬಿದ್ದ ಕನ್ನಡಿಗರು
ಇದೇ ರೀತಿಯ ಆರೋಪವನ್ನು ದಿವ್ಯಾ ಅವರ ಆಪ್ತ ಗೆಳತಿ ದೇವೊಲೀನಾ ಭಟ್ಟಾಚಾರ್ಜಿ ಕೂಡ ಮಾಡಿದ್ದರು. ಭಾವನಾತ್ಮಕ ವಿಡಿಯೋ ಒಂದರಲ್ಲಿ ಗಗನ್ ಬಗ್ಗೆ ಸಾಲು ಸಾಲು ಆರೋಪ ಮಾಡಿದ್ದರು. (ಏಜೆನ್ಸೀಸ್)
ನಟಿ ದಿವ್ಯಾ ಸಾವಿಗೂ ಮುನ್ನ ಬರೆದಿಟ್ಟಿದ್ದ ಪತ್ರದಿಂದ ಬಯಲಾಯ್ತು ಪತಿಯ ನಿಜ ಬಣ್ಣ! ಅಪ್ತ ಸ್ನೇಹಿತೆ ಬಿಚ್ಚಿಟ್ಟ ರಹಸ್ಯ
ಅತ್ತಿಗೆ ಮೈದುನನ ಲವ್ವಿ ಡವ್ವಿ! ಮೈದುನ ಮದುವೆಯಾಗ್ತಾನೆ ಅಂತ ತಿಳಿದಾಕ್ಷಣ ಅತ್ತಿಗೆ ಹೀಗಾ ಮಾಡೋದು!?