ಇದುವರೆಗೂ ನಾವು ಮದುವೆಗೂ ಮುನ್ನ ಬ್ಯಾಚುಲರ್ ಪಾರ್ಟಿಗಳ ಬಗ್ಗೆ ಕೇಳಿದ್ದೆವು. ಪೋಸ್ಟ್ ವೆಡ್ಡಿಂಗ್ ಹಾಗೂ ಪ್ರೀ ವೆಡ್ಡಿಂಗ್ ಫೋಟೋಶೂಟ್ಗಳು ಇಂದು ಎಲ್ಲ ಮದುವೆಗಳಲ್ಲಿ ಸಾಮಾನ್ಯವಾಗಿವೆ. ಆದರೆ, ಎಂದಾದರೂ ನೀವು ಡಿವೋರ್ಸ್ ಪಾರ್ಟಿಯ ಬಗ್ಗೆ ಕೇಳಿದ್ದೀರಾ? ಸದ್ಯ, ವಿದೇಶಗಳಲ್ಲಿ ವಿಚ್ಛೇದನವನ್ನು ಸಂಭ್ರಮಿಸುವ ಟ್ರೆಂಡ್ ಆರಂಭವಾಗಿದೆ. ಡಿವೋರ್ಸ್ ಬಳಿಕ ತಮ್ಮ ಮಾಜಿ ಸಂಗಾತಿಗಾಗಿ ಪಾರ್ಟಿಗಳನ್ನು ಆಯೋಜಿಸುತ್ತಾರೆ. ವಿದೇಶಗಳಲ್ಲಿ ಇಂತಹ ಹಲವು ವಿಚಿತ್ರ ಪ್ರಕರಣಗಳು ವರದಿಯಾಗಿವೆ. ಆದರೆ, ಈಗ ಭಾರತದಲ್ಲೂ ಇದೇ ಟ್ರೆಂಡ್ ಅನುಸರಿಸುತ್ತಿರುವಂತೆ ಕಾಣುತ್ತಿದೆ. ಡಿವೋರ್ಸ್ ಅನ್ನು ಸಂಭ್ರಮಿಸಲು ಹರಿಯಾಣ ಮೂಲದ ಯುವಕನೊಬ್ಬ ಪಾರ್ಟಿ ಮಾಡಿದ್ದು, ಇದಕ್ಕೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
