ವಿದ್ಯಾವಂತ ಯುವ ನಾಯಕ ಧನಂಜಯ ಗೌಡ ಮತಬೇಟೆ

ಪೀಣ್ಯದಾಸರಹಳ್ಳಿ: ದಾಸರಹಳ್ಳಿ ಕ್ಷೇತ್ರ ವ್ಯಾಪ್ತಿಯಲ್ಲಿ ಬರುವ ರಾಜಗೋಪಾಲನಗರ ವಾರ್ಡ್​ನಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ದಾಸರಹಳ್ಳಿ ಜಿ. ಧನಂಜಯ ಗೌಡ ಅವರು ಬೋಡುಬಂಡೇ ಆಂಜನೇಯಸ್ವಾಮಿ ದೇವಸ್ಥಾನದಲ್ಲಿ ಪೂಜೆ ಸಲ್ಲಿಸಿ ಮನೆ-ಮನೆಗೆ ತೆರಳಿ ಹಾಗೂ ರೋಡ್ ಶೋ ಮೂಲಕ ಪ್ರಚಾರ ನಡೆಸಿದರು.

ಇದನ್ನೂ ಓದಿ: ಎಸ್ಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ 488 ಅಂಕ ಗಳಿಸಿದ 6ನೇ ತರಗತಿ ವಿದ್ಯಾರ್ಥಿನಿ!

ಸ್ವ ಇಚ್ಛೆಯಿಂದ ಕಾಂಗ್ರೆಸ್ ಸೇರ್ಪಡೆಯಾಗುತ್ತಿದ್ದಾರೆ

ಬಳಿಕ ಮಾತನಾಡಿದ ಅವರು, ಈ ಕ್ಷೇತ್ರದ ಜೆಡಿಎಸ್ ಶಾಸಕ ಐದು ವರ್ಷಗಳಲ್ಲಿ ಅಭಿವೃದ್ಧಿ ಮಾಡದೆ ಕಾಲ ಕಳೆದಿದ್ದಾರೆ. ಅವರು ಜನಸಾಮಾನ್ಯರ ಕೈಗೆ ಸಿಗುವುದೇ ಇಲ್ಲ. ಜನರು ತಮ್ಮ ಸಂಕಷ್ಟ ಹೇಳಿಕೊಳ್ಳಲು ಸಾಕಷ್ಟು ಬಾರಿ ಅವರ ಕಚೇರಿ ಬಳಿ ಅಲೆದು ಬೇಸರದಿಂದ ಪರಿಹಾರ ಸಿಗದೆ ಕಾಂಗ್ರೆಸ್​ನತ್ತ ಒಲವು ತೋರುತ್ತಿದ್ದಾರೆ. ಈ ಭಾಗಗಳಲ್ಲಿ ಎಲ್ಲಿ ಹೋದರೂ ಕೂಡ ಕಾಂಗ್ರೆಸ್​ಗೆ ಅಭೂತಪೂರ್ವ ಸ್ವಾಗತ ದೊರೆಯುತ್ತಿದ್ದು, ಸ್ವ ಇಚ್ಛೆಯಿಂದ ಕಾಂಗ್ರೆಸ್ ಸೇರ್ಪಡೆಯಾಗುತ್ತಿದ್ದಾರೆ ಎಂದು ತಿಳಿಸಿದರು.

ಇದನ್ನೂ ಓದಿ: ಅತಂತ್ರ ಸರ್ಕಾರ ರಚನೆಗೆ ಅವಕಾಶ ಕೊಡದೇ ಕಾಂಗ್ರೆಸ್ ಅಭ್ಯರ್ಥಿಗಳನ್ನು ಬೆಂಬಲಿಸಿ: ಜೆಡಿಎಸ್ ಎಂಎಲ್‌ಸಿ ಮರಿತಿಬ್ಬೇಗೌಡ ಮನವಿ

ಪಕ್ಷದ ಮುಖಂಡರಿಂದ ಸಾಥ್

ಈ ವೇಳೆ ಪೂರ್ಣಕುಂಭ ಹೊತ್ತ ನೂರಾರು ಮಹಿಳೆಯರು ದಾಸರಹಳ್ಳಿ ಧನಂಜಯ ಗೌಡ ಅವರಿಗೆ ಆರತಿ ಬೆಳಗಿ ಹೂಮಳೆ ಸುರಿಸಿದರು. ಬಸಪ್ಪನಕಟ್ಟೆ, ಅಂಬಿ ಸರ್ಕಲ್, ಫ್ರೆಂಡ್ಸ್ ಸರ್ಕಲ್, ಕರೀಂ ಸಾಬ್ ಲೇಔಟ್, ಐ.ಪಿ. ನಗರ, ಶ್ರೀಗಂಧನಗರ, ಸತೀಶ್ ಸರ್ಕಲ್, ರಾಜಗೋಪಾಲನಗರ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಮಾತಯಾಚಿಸಿದರು. ಮಾಜಿ ಸದಸ್ಯ ನಾಗಭೂಷಣ್, ಜಗದೀಶ್, ರವಿಕುಮಾರ್, ಏರ್​ಟೆಲ್ ಸೋಮು, ಪ್ರಕಾಶ್, ಪಕ್ಷದ ಮುಖಂಡರು ಸಾಥ್ ನೀಡಿದರು.

https://www.vijayavani.net/h-d-kumaraswamy-said-that-our-aim-is-to-bring-jds-party-to-power-in-state

https://www.vijayavani.net/actress-ramyas-pet-dog-champ-no-more