ಆ ಕ್ಷಣ ನಾನು ವಿಘ್ನೇಶ್ ಪ್ರೀತಿಯಲ್ಲಿ ಬಿದ್ದೆ! ರಸ್ತೆಯಲ್ಲಿ ಅರಳಿದ ಪ್ರೀತಿಯ ಬಗ್ಗೆ ನಯನತಾರಾ ಮಾತು | Nayanthara

ಚೆನ್ನೈ: ಲೇಡಿ ಸೂಪರ್​ಸ್ಟಾರ್​ ನಯನತಾರಾ ( Nayanthara ) ಮತ್ತು ಸ್ಟಾರ್​ ನಿರ್ದೇಶಕ ವಿಘ್ನೇಶ್​ ಶಿವನ್,​ 2022, ಜೂನ್​ 9ರಂದು ಸಪ್ತಪದಿ ತುಳಿದರು. ನಾಲ್ಕು ವರ್ಷಗಳ ಡೇಟಿಂಗ್ ಬಳಿಕ ವೈವಾಹಿಕ ಜೀವನ ಆರಂಭಿಸಿದರು. ಸದ್ಯ ದಂಪತಿಗೆ ಉಳಗ್​ ಮತ್ತು ಉಯಿರ್​ ಹೆಸರಿ ಇಬ್ಬರು ಗಂಡು ಮಕ್ಕಳಿದ್ದಾರೆ.

ಜೂನ್​ 9ರಂದು ಮಹಾಬಲಿಪುರಂನ ರೆಸಾರ್ಟ್​ ಒಂದರಲ್ಲಿ ನಯನತಾರಾ ಮತ್ತು ವಿಘ್ನೇಶ್​ ಶಾಸ್ತ್ರೋಕ್ತವಾಗಿ ಮದುವೆಯಾದರು. ಈ ವೇಳೆ ಒಪ್ಪಂದದಂತೆ ಅವರ ವಿವಾಹ ಸಮಾರಂಭದ ಸಂಪೂರ್ಣ ಚಿತ್ರಣವನ್ನು ಓಟಿಟಿ ಪ್ಲಾಟ್​ಫಾರ್ಮ್​ ನೆಟ್​ಫ್ಲಿಕ್ಸ್​ ಸೆರೆಹಿಡಿದಿತ್ತು. ಸುಮಾರು ಎರಡೂವರೆ ವರ್ಷಗಳ ಬಳಿಕ ಇದೇ ನವೆಂಬರ್​ 18ರಂದು ವಿವಾಹ ಸಮಾರಂಭದ ಅದ್ಧೂರಿ ಕ್ಷಣವನ್ನು ನೆಟೆಫ್ಲಿಕ್ಸ್​ ತೆರೆಯ ಮೇಲೆ ತರುತ್ತಿದೆ. ಇದಕ್ಕೆ “ನಯನತಾರಾ: ಕಾಲ್ಪನಿಕ ಕಥೆಯ ಆಚೆಗೆ” ಎಂಬ ಶೀರ್ಷೀಕೆಯನ್ನು ನೀಡಲಾಗಿದೆ.

ಮದುವೆ ಸಮಾರಂಭದ ಡಾಕ್ಯುಮೆಂಟರಿ ಬಿಡುಗಡೆ ಹಿನ್ನೆಲೆಯಲ್ಲಿ ನೆಟ್​ಫ್ಲಿಕ್ಸ್​ ತನ್ನ ಇನ್​ಸ್ಟಾಗ್ರಾಂನಲ್ಲಿ ನಯನತಾರಾ ಮತ್ತು ವಿಘ್ನೇಶ್ ಮಾತನಾಡಿರುವ ವಿಡಿಯೋ ತುಣುಕನ್ನು ಹಂಚಿಕೊಂಡಿದೆ. ಇದರಲ್ಲಿ ಇಬ್ಬರು ಸಾಕಷ್ಟು ನೆನಪುಗಳನ್ನು ಹಂಚಿಕೊಂಡಿದ್ದು, ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.​

ನಯನತಾರಾ ಮತ್ತು ವಿಘ್ನೇಶ್​ ಶಿವನ್ ಮೊದಲ ಬಾರಿಗೆ 2015 ರಲ್ಲಿ ನಾನು ರೌಡಿ ಥಾನ್ ಚಿತ್ರದಲ್ಲಿ ಒಟ್ಟಿಗೆ ಕೆಲಸ ಮಾಡಿದರು. ವಿಘ್ನೇಶ್​ ಈ ಚಿತ್ರದ ನಿರ್ದೇಶಕ. ನಯನತಾರಾ ಮತ್ತು ವಿಜಯ್​ ಸೇತುಪತಿ ಮುಖ್ಯ ಪಾತ್ರದಲ್ಲಿ ನಟಿಸಿದರು. ಈ ಚಿತ್ರದ ಶೂಟಿಂಗ್​ ವೇಳೆ ಇಬ್ಬರಿಗೂ ಲವ್​ ಆಗಿ 4 ವರ್ಷಗಳ ಕಾಲ ಡೇಟಿಂಗ್​ ಮಾಡಿ, 2022ರ ಜೂನ್​ 9ರಂದು ಮದುವೆಯಾದರು.

ಇದನ್ನೂ ಓದಿ: ಭಾರತದ ಅತ್ಯಂತ ದುಬಾರಿ ಎಮ್ಮೆ ಇದು! ಇದರ ಬೆಲೆಯಲ್ಲಿ 10 ಮರ್ಸಿಡಿಸ್ ಬೆಂಜ್ ಕಾರು ಖರೀದಿಸಬಹುದು | Expensive Buffalo

ವಿಘ್ನೇಶ್ ಅವರು ನಯನತಾರಾರನ್ನು ಪ್ರೀತಿಸುವ ಮೊದಲು ಅವರನ್ನು ಹೇಗೆ ನೋಡಿದರು ಮತ್ತು ನಯನತಾರಾ, ವಿಘ್ನೇಶ್​ ಅವರನ್ನು ಹೇಗೆ ಇಷ್ಟಪಟ್ಟರು ಎಂಬುದನ್ನು ಹಂಚಿಕೊಂಡಿದ್ದಾರೆ. ನಾವು ಪಾಂಡಿಚೇರಿಯ ರಸ್ತೆಗಳಲ್ಲಿ ಶೂಟಿಂಗ್ ಮಾಡುತ್ತಿದ್ದೆವು ಮತ್ತು ನಾನು ನನ್ನ ಭಾಗದ ಶೂಟಿಂಗ್​ಗಾಗಿ ರಸ್ತೆಯಲ್ಲೇ ಕಾಯುತ್ತಿದ್ದೆ. ಈ ವೇಳೆ ವಿಜಯ್ ಸೇತುಪತಿ ಸರ್ ಜೊತೆಗಿನ ದೃಶ್ಯದ ಬಗ್ಗೆ ವಿಕ್ಕಿ (ವಿಘ್ನೇಶ್​ ಶಿವನ್​) ಮಾತನಾಡುವುದನ್ನು ನಾನು ನೋಡಿದೆ. ಆಗ ಅವರು ನನಗೆ ವಿಭಿನ್ನವಾಗಿ ಕಾಣಿಸಿದರು. ನಾನು ಕೂಡ ಅವರನ್ನು ವಿಭಿನ್ನವಾಗಿ ನೋಡಿದೆ. ಆಗ ನನ್ನ ತಲೆಗೆ ಬಂದ ಮೊದಲ ಯೋಚನೆ ಅಂದರೆ, ಅವರು ಮುದ್ದಾದ ವ್ಯಕ್ತಿ ಅನಿಸಿದರು ಎಂದು ನಯನತಾರಾ ಹೇಳಿದ್ದಾರೆ.

ಇದೇ ಸಂದರ್ಭದಲ್ಲಿ ವಿಘ್ನೇಶ್​ ಕೂಡ ಮಾತನಾಡಿದ್ದು, ಶೂಟಿಂಗ್​ ಮುಗಿದ ಬಳಿಕ ನಾನು ಈ ಸೆಟ್​ ಅನ್ನು ತುಂಬಾ ಮಿಸ್​ ಮಾಡಿಕೊಳ್ಳುತ್ತೇನೆ ಎಂದು ನಯನತಾರಾ ಅವರು ಹೇಳಿದರು. ನಾವು ಕೂಡ ನಿಮ್ಮನ್ನು ಮಿಸ್​ ಮಾಡಿಕೊಳ್ಳುತ್ತೇವೆ ಮೇಡಂ ಎಂದು ಹೇಳಿದೆ. ನಾನು ಸುಳ್ಳು ಹೇಳಲು ಬಯಸುವುದಿಲ್ಲ. ಯಾರಾದರೂ ಚೆನ್ನಾಗಿರುವ ಹುಡುಗಿಯರನ್ನು ಕಂಡಾಗ ಅವರ ಬಗ್ಗೆ ಮನಸ್ಸಿನಲ್ಲೇ ಮಾತನಾಡಿಕೊಳ್ಳುತ್ತೇವೆ. ಆದರೆ, ನಯನತಾರಾ ಮೇಡಂ ಅವರನ್ನು ಆ ರೀತಿ ನೋಡಲೇ ಇಲ್ಲ ಎಂದು ವಿಘ್ನೇಶ್​ ಹೇಳಿದರು. ಇಬ್ಬರು ಅನೇಕ ವಿಚಾರಗಳ ಬಗ್ಗೆ ಮಾತನಾಡಿದ್ದು, ಅದರ ಬಗ್ಗೆ ಸಂಪೂರ್ಣವಾಗಿ ತಿಳಿಯಬೇಕಾದರೆ ನ.18ರಂದು ಬಿಡುಗಡೆಯಾಗುವ ನಯನತಾರಾ-ವಿಘ್ನೇಶ್​ ಅವರ ಮದುವೆ ಡಾಕ್ಯುಮೆಂಟರಿಯನ್ನು ನೋಡಬೇಕಾಗುತ್ತದೆ.

ಅಂದಹಾಗೆ ಇಬ್ಬರ ಮದುವೆಗೆ ನೆಟ್​ಫ್ಲಿಕ್ಸ್​ ಹಣ ಖರ್ಚು ಮಾಡಿದೆ ಎಂದು ಮೂಲಗಳು ತಿಳಿಸಿವೆ. ಮದುವೆಗೆ ಬಂದ ಅತಿಥಿಗಳಿಗೆ ಕೊಠಡಿಗಳು, ಕಾರ್ಯಕ್ರಮದ ಅಲಂಕಾರ, ವಧು-ವರರ ಮೇಕಪ್​, ಭದ್ರತೆ ಸೇರಿದಂತೆ ಬಹುತೇಕ ವ್ಯವಸ್ಥೆಯನ್ನು ನೆಟ್​​ಫ್ಲಿಕ್ಸ್​ ಮಾಡಿತ್ತು. ಗಮನಾರ್ಹ ಸಂಗತಿಯೆಂದರೆ, ಪ್ರತಿ ಊಟಕ್ಕೆ 3500 ಸಾವಿರ ರೂಪಾಯಿಯಂತೆ ಮದುವೆ ಬಂದ ಅತಿಥಿಗಳಿಗೆಲ್ಲ ನೆಟ್​ಫ್ಲಿಕ್ಸ್​ ಊಟದ ವ್ಯವಸ್ಥೆಯನ್ನೂ ಮಾಡಿತು ಎಂದು ಈ ಹಿಂದೆ ಭಾರಿ ಸುದ್ದಿಯಾಗಿತ್ತು. (ಏಜೆನ್ಸೀಸ್​)

https://www.vijayavani.net/health-those-who-have-these-problems-should-not-eat-guava-it-is-better-if-they-stay-away

https://www.vijayavani.net/according-to-psychology-boys-with-these-characteristics-earn-more-money