ಗಣೇಶ್ ಪುತ್ರಿಗೆ 13 ನೇ ಹುಟ್ಟು ಹಬ್ಬ, ಚಾರಿತ್ರ್ಯ ಬರ್ತ್​ಡೇ ಪಾರ್ಟಿ ಫೋಟೋಗಳು ವೈರಲ್

ಬೆಂಗಳೂರು: ಕನ್ನಡದ ಖ್ಯಾತ ನಟ ಗೋಲ್ಡನ್ ಸ್ಟಾರ್ ಗಣೇಶ್ ಮತ್ತು ಶಿಲ್ಪಾ ಗಣೇಶ್ ಅವರ ಪುತ್ರಿ ಚಾರಿತ್ರ್ಯ ಮಾ. 27 ರಂದು 13ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ಮೊದಲಿಗೆ, ಶಿಲ್ಪಾ ಗಣೇಶ್ ಅವರು ಮಗಳ ಹುಟ್ಟು ಹಬ್ಬದ ಪಾರ್ಟಿ ಫೋಟೋಗಳನ್ನು ಇನ್​ಸ್ಟಾಗ್ರಾಂನಲ್ಲಿ ಶೇರ್ ಮಾಡಿಕೊಂಡಿದ್ದು, ಚಾರಿತ್ರ್ಯಗೆ ವಿಶ್ ಮಾಡಿದ್ದಾರೆ. ಬಳಿಕ, ಮಗಳ ಕೆಲವು ಫೋಟೋಗಳನ್ನು ಶೇರ್ ಮಾಡಿಕೊಳ್ಳುವ ಮೂಲಕ ನಟ ಗಣೇಶ್ ಅವರು ಕೂಡಾ ಮಗಳಿಗೆ ಶುಭಾಶಯ ಕೋರಿದ್ದಾರೆ.

ಸದ್ಯ, ಈ ದಂಪತಿ ಹಂಚಿಕೊಂಡಿರುವ ಫೋಟೋಗಳಿಗೆ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದು, ಅವು ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿವೆ. ಚಾರಿತ್ರ್ಯ ಅವರ ಹುಟ್ಟು ಹಬ್ಬಕ್ಕೆ ಕನ್ನಡ ಚಿತ್ರರಂಗದ ಅನೇಕ ಸೆಲೆಬ್ರಿಟಿಗಳು ಶುಭಕೋರಿದ್ದು, ಹಲವರು ಪಾರ್ಟಿಯಲ್ಲಿ ಭಾಗವಹಿಸಿದ್ದರು. ಹಸಿರು ಬಣ್ಣದ ಗೌನ್ ಧರಿಸಿದ್ದ ಚಾರಿತ್ರ್ಯ, ಆಕೆಯ ಫ್ರೆಂಡ್ಸ್ ಜತೆಗೆ ಮಸ್ತ್ ಮಜಾ ಮಾಡಿದ್ದಾರೆ.

ಅಂದಹಾಗೆ, ನಟನೆ ಮತ್ತು ಡ್ಯಾನ್ಸ್​ನಲ್ಲಿ ಚಾರಿತ್ರ್ಯ ಅವರ ತಂದೆಯಂತೆ ಎತ್ತಿದ ಕೈ. ಈಗಾಗಲೇ, ಕನ್ನಡದ ‘ಚಮಕ್’ ಚಿತ್ರದಲ್ಲಿ ಚಾರಿತ್ರ್ಯ ಅಭಿನಯವನ್ನು ಕಂಡು ಗಣೇಶ್ ಅವರ ಅಭಿಮಾನಿಗಳು ಸೇರಿ ಸಿನಿಪ್ರೇಕ್ಷಕರು ಇಷ್ಟಪಟ್ಟಿದ್ದಾರೆ. 2017 ರಲ್ಲಿ ತೆರೆಕಂಡ ಆ ಚಿತ್ರದಲ್ಲಿ ಅಪ್ಪ ಮತ್ತು ಮಗಳ ಪಾತ್ರದಲ್ಲಿ ಗಣೇಶ್​ ಹಾಗೂ ಚಾರಿತ್ರ್ಯ ನಟಿಸಿದ್ದು, ಚಾರಿತ್ರ್ಯ ಅವರಿಗೆ ಉತ್ತಮ ಭವಿಷ್ಯ ಇದೆ ಎಂದು ಹಲವು ಕನ್ನಡದ ಸಿನಿತಾರೆಯರು ಅಭಿಪ್ರಾಯ ಪಟ್ಟರು.

https://www.vijayavani.net/ripjosephvijay-hashtag-trends-on-twitter-and-ajith-fans-trigger-thalapathy-vijay-fans/

https://www.vijayavani.net/three-rrr-movie-fans-die-in-a-road-accident-in-chithoor-of-andhra-pradesh/

https://www.vijayavani.net/actress-malashree-is-back-to-acting-after-taking-a-break-due-to-husband-ramu-death/

https://www.vijayavani.net/shah-rukh-khan-shared-a-picture-displaying-his-8-pack-abs-on-instagram-and-photo-goes-viral/