ದಳಪತಿ ವಿಜಯ್ ನಿಧನ? ಏಡ್ಸ್ ರೋಗಿ ಅಜಿತ್? ಏನಾಗಿದೆ ಈ ಸ್ಟಾರ್ ನಟರ ಅಭಿಮಾನಿಗಳಿಗೆ?

ಸಿನಿತಾರೆಯರ ಅಥವಾ ಸೂಪರ್ ಸ್ಟಾರ್ ನಟರ ವಾರ್ ಎಂಬುದು ಎಲ್ಲ ಭಾಷೆಯ ಸಿನಿರಂಗಗಳಲ್ಲಿ ತುಂಬಾನೆ ಸಹಜ. ಇನ್ನು, ಸ್ಟಾರ್ ನಟರ ಅಭಿಮಾನಿಗಳ ನಡುವೆ ನಡುವೆ ಒಂದಿಲ್ಲೊಂದು ಕಾರಣಕ್ಕೆ ಟಫ್ ಸ್ಪರ್ಧೆ ಹಾಗೂ ಜಗಳಗಳು ಕೂಡಾ ತುಂಬಾನೆ ಸಜ. ಕೆಲವೊಮ್ಮೆ, ಇದರಿಂದ ತುಂಬ ದ್ವೇಷದ ವಾತಾವರಣ ನಿರ್ಮಾಣ ಆಗುವುದು ಕೂಡಾ ಹೊಸದೇನೂ ಅಲ್ಲ. ಆದರೆ, ಇಂತಹ ವಾತಾವರಣಗಳಿಗೂ, ಮಾತಿನ ಚಕಮಕಿಗೂ ಒಂದು ಮಿತಿ ಇರುತ್ತೆ ಅಲ್ವಾ. 

ಇದೀಗ, ನಟ ಅಜಿತ್ ಕುಮಾರ್ ಅವರ ಅಭಿಮಾನಿಗಳು ಆ ಮೀತಿ ದಾಟಿದ್ದಾರೆ. ಹೌದು, ಈಗ ಸೋಶಿಯಲ್ ಮೀಡಿಯಾದಲ್ಲಿ, ಅದರಲ್ಲಿಯೂ ಟ್ವಿಟರ್​ನಲ್ಲಿ #RIPJosephVijay ಎಂಬ ಹ್ಯಾಷ್ ಟ್ಯಾಗ್ ಸಖತ್ ಟ್ರೆಂಡಿಂಗ್​ನಲ್ಲಿದೆ. ನಟ ಅಜಿತ್ ಅಭಿಮಾನಿಗಳು ಸೋಶಿಯಲ್ ಮೀಡಿಯಾದಲ್ಲಿ ಈ ರೀತಿಯಾಗಿ ನಟ ದಳಪತಿ ವಿಜಯ್ ಅವರಿಗೆ ಅಗೌರವ, ಅವಮಾನ ಮಾಡುತ್ತಿದ್ದಾರೆ. ನಟ ವಿಜಯ್ ನಿಧನರಾಗಿದ್ದಾರೆ ಎಂದು ಸುಳ್ಳು ಸುದ್ದಿ ಹಬ್ಬಿಸುವ ಮೂಲಕ ತುಂಬಾನೆ ಕೀಳು ಮಟ್ಟಕ್ಕೆ ಇಳಿದಿದ್ದಾರೆ. ಸದ್ಯ, ಈ ವಿಷಯ ಸಿನಿರಂಗದಲ್ಲಿ ದೊಡ್ಡ ಮಟ್ಟದಲ್ಲಿ ಚರ್ಚೆ ಆಗುತ್ತಿದೆ. 

ಅಂದಹಾಗೆ, ನಟ ದಳಪತಿ ವಿಜಯ್ ಅವರ ಅಭಿನಯದ ‘ಬೀಸ್ಟ್’ ರಿಲೀಸ್ ಆಗಲು ಸಿದ್ಧವಾಗಿರುವ ಈ ಸಮಯದಲ್ಲಿ ಇಂಥ ಕಿರಿಕ್ ಆರಂಭ ಮಾಡಿದ್ದಾರೆ ನಟ ಅಜಿತ್ ಅಭಿಮಾನಿಗಳು. ಇನ್ನು, ಈ ಇಬ್ಬರೂ ನಟರ ಅಭಿಮಾನಿಗಳ ನಡುವಿನ ಈ ರೀತಿಯ ವೈರತ್ವ 1996 ರಿಂದಲೂ ಇದೆ. ಅಂದು ಆರಂಭವಾಗಿದ್ದು, ಇಂದಿಗೂ ಮುಂದುವರಿಯುತ್ತಿದೆ. ಹಾಗೆಯೇ, ಈ ಸ್ಟಾರ್ ನಟರ ಹಲವು ಚಿತ್ರಗಳು ಗಲ್ಲಾಪೆಟ್ಟಿಗೆಯಲ್ಲಿ ಪೈಪೋಟಿಗೆ ಇಳಿದ ಉದಾಹರಣೆಗಳು ಇವೆ. 

ಇನ್ನು, ಅದೇನೇ ಇರಲಿ... ಹೀಗೆ, ಒಬ್ಬ ನಟ ನಿಧನರಾಗಿದ್ದಾರೆ ಎಂದು ಸುಳ್ಳು ಸುದ್ದಿ ಹರಡಿಸುವ ಮಟ್ಟಕ್ಕೆ ಫ್ಯಾನ್ಸ್ ವಾರ್ ತಲುಪಬಾರದು ಎಂದು ಹಲವು ಬೇರೆ ಜನರು ಅಭಿಪ್ರಾಯ ಪಟ್ಟದ್ದಾರೆ. ಇಲ್ಲಿ ಗಮನಿಸುವ ವಿಷಯವೆಂದರೆ, ಸ್ವತಃ ನಟ ಅಜಿತ್ ಅವರ ಕೆಲವು ಬೇರೆ ಅಭಿಮಾನಿಗಳು ಇದೇ #RIPJosephVijay ಎಂಬ ಹ್ಯಾಶ್ ಟ್ಯಾಗ್ ಬಳಕೆಯನ್ನು ವಿರೋಧಿಸಿದ್ದಾರೆ. ಇಂತಹ ಕೆಲಸ ಮಾಡಿದವರು ನಿಜವಾಗಿಯೂ ಅಜಿತ್ ಅಭಿಮಾನಿಗಳು ಅಲ್ಲಾ ಎಂದು ಹೇಳುತ್ತಿದ್ದಾರೆ. 

''ಈ ರೀತಿ ಮಾಡುವುದು ಸರಿಯಲ್ಲ. ನಿಜವಾದ ಅಜಿತ್ ಅಭಿಮಾನಿಗಳು ಇದಕ್ಕೆ ಬೆಂಬಲ ನೀಡುವುದಿಲ್ಲ. ಅಜಿತ್ ಅವರಿಗೂ ಇದೆಲ್ಲ ಇಷ್ಟ ಆಗುವುದಿಲ್ಲ'' ಎಂದು ಟ್ವೀಟ್​ಗಳ ಮೂಲಕ ತಿಳಿಸಿದ್ದಾರೆ. ಮತ್ತೊಂದು ಕಡೆ ರೊಚ್ಚಿಗೆದ್ದ ವಿಜಯ್ ಅಭಿಮಾನಿಗಳು ಕೂಡಾ ನಟ ಅಜಿತ್ ಅವರನ್ನು ಏಡ್ಸ್ ರೋಗಿ ಎಂದಿ ಕರೆಯಲು ಆರಂಭಿಸಿ ಒಂದು ಹೊಸ ಹ್ಯಾಶ್​ಟ್ಯಾಗ್ ಮಾಡಿದ್ದಾರೆ. ಹೀಗಾಗಿ, ಟ್ವಿಟರ್​ನಲ್ಲಿ #RIPJosephVijay ಮತ್ತು #Aids_Patient_Ajith ಎಂಬ ಹ್ಯಾಶ್​ಟ್ಯಾಗ್​ಗಳು ಮನರಂಜನೆ ವಿಭಾಗದಲ್ಲಿ ಟ್ರೆಂಡ್ ಆಗುತ್ತಿವೆ. ಕೆಲವೊಮ್ಮೆ ಫ್ಯಾನ್ಸ್ ವಾರ್ ಎಂಬುದು ತೀರಾ ಕೀಳು ಮಟ್ಟಕ್ಕೆ ಇಳಿದುಬಿಡುತ್ತದೆ ಎನ್ನಲು ಈ ಸನ್ನಿವೇಶ ಒಂದು ಒಳ್ಳೆಯ ಉದಾಹರಣೆ ಎಂದೇ ಹೇಳಬೇಕು. ಸ್ಟಾರ್ ನಟರೇ ಸೌಹಾರ್ದಯುತವಾಗಿ ಇದ್ದರೂ ಕೂಡಾ ಅವರ ಫ್ಯಾನ್ಸ್ ಅತೀಯಾಗಿ ವರ್ತಿಸುತ್ತಾರೆ. 

https://www.vijayavani.net/mammootty-remembers-sanchari-vijay-ahead-of-taledanda-movie-release-on-april-1st/

https://www.vijayavani.net/actress-gautami-bank-accounts-seized-due-to-it-raid/

https://www.vijayavani.net/rashmika-mandanna-shares-a-hot-workout-picture-and-also-informs-trollers-ahead-about-the-intention-of-sharing-such-a-picture/