ದೃಷ್ಟಿ ಇಲ್ಲದಿದ್ರೂ ಶಾಲೆಗೇ ಸಿಬಿಎಸ್​ಇ ಟಾಪರ್​: ಆ್ಯಸಿಡ್​ ದಾಳಿಗೆ ಎರಡೂ ಕಣ್ಣು ಕಳೆದುಕೊಂಡ್ರೂ ಹೋಪ್ ಕಳ್ಕೊಂಡಿಲ್ಲ!

ಚಂಡೀಗಢ: ಆ್ಯಸಿಡ್ ದಾಳಿಗೆ ಒಳಗಾಗಿದ್ದಲ್ಲದೆ ಎರಡೂ ಕಂಗಳನ್ನು ಕಳೆದುಕೊಂಡಿದ್ದರೂ ಹೋಪ್ ಕಳೆದುಕೊಂಡಿರದ ವಿದ್ಯಾರ್ಥಿನಿ ಶಾಲೆಗೇ ಸಿಬಿಎಸ್​ಇ ಟಾಪರ್ ಆಗಿ ಹೊರಹೊಮ್ಮಿದ್ದಾಳೆ. ಈ ಮೂಲಕ ಆ್ಯಸಿಡ್ ದಾಳಿಗೆ ಒಳಗಾದ 12 ವರ್ಷಗಳ ಬಳಿಕ ಈಕೆ ತನ್ನ ತಂದೆ-ತಾಯಿ ಭಾರಿ ಸಂಭ್ರಮ ಹಾಗೂ ಹೆಮ್ಮೆ ಪಡುವಂತೆ ಮಾಡಿದ್ದಾಳೆ.

ಕಫಿ ಎಂಬ ಈ ವಿದ್ಯಾರ್ಥಿನಿ ಸಿಬಿಎಸ್​​ಇ ಹತ್ತನೇ ತರಗತಿಯಲ್ಲಿ ಶಾಲೆಗೇ ಟಾಪರ್ ಆಗಿ ಹೊರಹೊಮ್ಮಿದ್ದಾಳೆ. ಚಂಡೀಗಢದ ಇನ್​ಸ್ಟಿಟ್ಯೂಟ್ ಆಫ್ ಬ್ಲೈಂಡ್​ನಲ್ಲಿನ ವಿದ್ಯಾರ್ಥಿನಿಯಾಗಿರು ಈಕೆ ಹತ್ತನೇ ತರಗತಿಯಲ್ಲಿ ಶೇ. 95.20 ಅಂಕ ಗಳಿಸಿದ್ದಾಳೆ.

ಇದನ್ನೂ ಓದಿ: ಸಿಬಿಎಸ್​ಇ ಫಲಿತಾಂಶ: ಕರ್ನಾಟಕಕ್ಕೆ ಆರನೇ ಸ್ಥಾನ, ಬೆಂಗಳೂರು ಪ್ರಾದೇಶಿಕ ವಿಭಾಗಕ್ಕೆ ಎರಡನೇ ಸ್ಥಾನ

ಈಕೆ ಮೂರು ವರ್ಷದವಳಾಗಿದ್ದಾಗ ಹೋಳಿ ಆಡುತ್ತಿದ್ದ ಸಂದರ್ಭದಲ್ಲಿ ಮೂವರು ಈಕೆ ಮೇಲೆ ಆ್ಯಸಿಡ್ ಎರಚಿದ್ದು, ಅದರಲ್ಲಿ ಗಂಭೀರ ಗಾಯಗೊಂಡಿದ್ದ ಈಕೆಯ ಎರಡೂ ಕಣ್ಣುಗಳು ದೃಷ್ಟಿ ಕಳೆದುಕೊಂಡಿದ್ದವು. ಈಕೆಯನ್ನು ಬದುಕಿಸಿಕೊಳ್ಳಲು ತಂದೆ-ತಾಯಿ ಹರಸಾಹಸ ಪಟ್ಟಿದ್ದರು. ಅದಾಗಿ 12 ವರ್ಷದ ಬಳಿಕ ಈಕೆ ಈ ಸಾಧನೆ ಮಾಡಿದ್ದಾಳೆ.

ಇದನ್ನೂ ಓದಿ: ವಾಟ್ಸ್ಆ್ಯಪ್ ಮೂಲಕ ವಂಚನೆ; ಸುರಕ್ಷತೆಗಾಗಿ ನೀವು ಮಾಡಬೇಕಾದ್ದೇನು?

ಜೀವನದಲ್ಲಿ ಇನ್ನೇನು ಎಲ್ಲ ಮುಗಿದೇ ಹೋಯ್ತು ಎನ್ನುವಂಥ ಕೆಲವು ಸಂದರ್ಭಗಳು ಬಂದಿರುತ್ತವೆ. ಆದರೆ ನನ್ನ ತಂದೆ-ತಾಯಿ ಹೋಪ್ ಕಳೆದುಕೊಂಡಿರಲಿಲ್ಲ. ಅಲ್ಲದೆ ನಾನು ಕೂಡ ನನಗೆ ಏನಾಗಿತ್ತೋ ಅದರ ಹೊರತಾಗಿಯೂ ನಾನು ಬೆಲೆ ಇಲ್ಲದವಳ ಎನ್ನುವುದನ್ನು ಸಾಧಿಸಿ ತೋರಬೇಕಿತ್ತು, ಅದನ್ನು ಮಾಡಿದ್ದೇನೆ ಎನ್ನುವ ಈ ವಿದ್ಯಾರ್ಥಿನಿ, ಮುಂದೆ ಐಎಎಸ್ ಅಧಿಕಾರಿ ಆಗುವ ಕನಸು ಇರಿಸಿಕೊಂಡಿದ್ದಾಳೆ. ಈಕೆಯ ಚಿಕಿತ್ಸೆಗಾಗಿ ಲಕ್ಷಾಂತರ ರೂ. ಖರ್ಚು ಮಾಡಿಕೊಂಡಿರುವ ತಂದೆ ಸದ್ಯ ಗುಮಾಸ್ತರಾಗಿ ಕೆಲಸ ಮಾಡುತ್ತಿದ್ದಾರೆ.

https://www.vijayavani.net/electricity-price-hiked-70-paisa-per-unit-in-karnataka

https://www.vijayavani.net/child-born-through-ivf-is-having-three-parents