ಯಶ್ ಮುಂದಿನ ಚಿತ್ರಕ್ಕೆ ಮಗಳೇ ನಿರ್ಮಾಪಕಿ? ಐರಾ ಹೆಸರಲ್ಲಿ ನಿರ್ಮಾಣ ಸಂಸ್ಥೆ ಪ್ರಾರಂಭ ಸಾಧ್ಯತೆ ...

ಬೆಂಗಳೂರು: ಯಶ್​ ಅಭಿನಯದ 'ಕೆಜಿಎಫ್​ 2' ಚಿತ್ರ ಬಿಡುಗಡೆಯಾಗಿ ಏಳೂವರೆ ತಿಂಗಳುಗಳಾಗಿವೆ. ಈ ಸಮಯದಲ್ಲಿ ಯಶ್​ ಅಭಿನಯದ ಹೊಸ ಚಿತ್ರ ಘೋಷಣೆಯಾಗಿಲ್ಲ. ಆ ಚಿತ್ರದ ಯಾವುದಿರಬಹುದು? ಯಾರು ನಿರ್ಮಿಸಬಹುದು? ಎಂಬ ಪ್ರಶ್ನೆಗಳು ಅಭಿಮಾನಿ ವಲಯದಲ್ಲಿದೆ. ಆದರೆ, ಯಶ್​ ಮಾತ್ರ ರಹಸ್ಯವನ್ನು ಬಿಟ್ಟುಕೊಟ್ಟಿಲ್ಲ. ತಮ್ಮ ಮುಂದಿನ ಚಿತ್ರ ಯಾವುದು ಎಂದು ಇಷ್ಟು ದಿನಗಳಾದರೂ ಬಹಿರಂಗಗೊಳಿಸಿಲ್ಲ.

ಇದನ್ನೂ ಓದಿ: ‘ದಿ ಕಾಶ್ಮೀರ್ ಫೈಲ್ಸ್’ ಚಿತ್ರದಲ್ಲಿ ಹೇಳಿದ್ದೆಲ್ಲ ಸುಳ್ಳು ಎಂದು ಸಾಬೀತು ಮಾಡಿದರೆ ಚಿತ್ರರಂಗ ಬಿಟ್ಟುಬಿಡುತ್ತೇನೆ; ನಡಾವ್​ಗೆ ವಿವೇಕ್​ ಚಾಲೆಂಜ್​

ಇದೀಗ ಬಂದಿರುವ ಹೊಸ ಸುದ್ದಿಯ ಪ್ರಕಾರ. ಯಶ್​ ಅವರ ಹೊಸ ಚಿತ್ರವನ್ನು ಅವರ ಮುದ್ದಿನ ಮಗಳು ಐರಾ ನಿರ್ಮಿಸಲಿದ್ದಾರಂತೆ. ಹಾಗೊಂದು ಹೊಸ ಸುದ್ದಿ ಸ್ಯಾಂಡಲ್​ವುಡ್​ನಲ್ಲಿ ಕೇಳಿ ಬರುತ್ತಿದೆ. ಮೂಲಗಳ ಪ್ರಕಾರ, ಯಶ್ ತಮ್ಮ ಮುದ್ದಿನ ಮಗಳ ಹೆಸರಲ್ಲಿ ಹೋಮ್‌ಬ್ಯಾನರ್ ಶುರು ಮಾಡ್ತಾರಂತೆ. ಐರಾ ಪ್ರೊಡಕ್ಷನ್ ಹೌಸ್ ಹೆಸರಿನ ಈ ನಿರ್ಮಾಣ ಸಂಸ್ಥೆಯಡಿ ತಮ್ಮ 19ನೇ ಚಿತ್ರವನ್ನು ನಿರ್ಮಿಸುತ್ತಾರಂತೆ.

ಯಶ್​ ಪಾಲಿಗೆ ಐರಾ ಅದೃಷ್ಟ‌ ದೇವತೆ ಎಂದರೆ ತಪ್ಪಿಲ್ಲ. ಐರಾ ಹುಟ್ಟಿದ ನಂತರ ಯಶ್​ ಬದುಕು ಬದಲಾಗಿ ಹೋಯ್ತು. ಅದಕ್ಕೂ ಮುನ್ನ ಕನ್ನಡದಲ್ಲಿ ಸ್ಟಾರ್ ನಟರಾಗಿದ್ದ ಯಶ್​, ಐರಾ ಜನನದ ನಂತರ ಪ್ಯಾನ್​ ಇಂಡಿಯಾ ಸ್ಟಾರ್​ ಆದರು. ಹಾಗಾಗಿ, ತಮಗೆ ಅದೃಷ್ಟ ತಂದುಕೊಟ್ಟ ಮಗಳ ಹೆಸರಿನಲ್ಲಿ ನಿರ್ಮಾಣ ಸಂಸ್ಥೆ ಪ್ರಾರಂಭ ಮಾಡಿ, ಅದರಡಿ ತಮ್ಮ ಹೊಸ ಚಿತ್ರವನ್ನು ನಿರ್ಮಿಸುವುದು ಅವರ ಯೋಜನೆ ಎಂದು ಹೇಳಲಾಗುತ್ತಿದೆ. ಆದರೆ, ಈ ಕುರಿತು ಯಶ್​ ಕಡೆಯಿಂದ ಯಾವುದೇ ಅಧಿಕೃತ ಘೋಷಣೆ ಹೊರಬಿದ್ದಿಲ್ಲ.

ಇದನ್ನೂ ಓದಿ: ಶೀಘ್ರದಲ್ಲೇ ಅಭಿಷೇಕ್​ ಮದ್ವೆ ಫಿಕ್ಸ್​ ಎನ್ನುತ್ತಿವೆ ಆಪ್ತ ಮೂಲಗಳು: ಇವರೇ ನೋಡಿ ಅಭಿ ಮನಸ್ಸು ಗೆದ್ದ ಚೆಲುವೆ!?

ಇದಕ್ಕೂ ಮುನ್ನ, ಯಶ್​ ಅಭಿನಯದ 19ನೇ ಚಿತ್ರವನ್ನು ಕೆವಿಎನ್​ ಸಂಸ್ಥೆ ನಿರ್ಮಿಸುತ್ತಿದೆ ಎಂಬ ಸುದ್ದಿ ಓಡಾಡಿತ್ತು. ಯಶ್​ ಅಭಿನಯದ ಹೊಸ ಚಿತ್ರವನ್ನು ಕೆವಿಎನ್​ ನಿರ್ಮಿಸುತ್ತಿದೆ ಮತ್ತು ನರ್ತನ್​ ನಿರ್ದೇಶನ ಮಾಡುತ್ತಿದ್ದಾರೆ ಎಂದು ಸಾರುವ ಪೋಸ್ಟರ್​​ಗಳು ಸೋಷಿಯಲ್ ಮೀಡಿಯಾದಲ್ಲಿ ಕಳೆದ ತಿಂಗಳು ಕಾಣಿಸಿಕೊಂಡಿದ್ದವು. ಆದರೆ, ಕೆವಿಎನ್​ ಪ್ರೊಡಕ್ಷನ್ಸ್ ಸಂಸ್ಥೆಯವರಾಗಲೀ, ಯಶ್​ ಕಡೆಯಿಂದಾಗಲೀ ಈ ಕುರಿತು ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ. ಈಗ ಐರಾ ಪ್ರೊಡಕ್ಷನ್ಸ್​​ ಸುದ್ದಿ ಸದ್ದು ಮಾಡುತ್ತಿಎ. ಇದು ನಿಜವೋ, ಸುಳ್ಳೋ ಎಂದು ಯಶ್​ ಅವರೇ ಖಾತ್ರಿಪಡಿಸಬೇಕು.

https://www.vijayavani.net/vijay-deverakonda-questioned-for-12-hours-by-ed/