ಬೆಂಗಳೂರು: ಇತ್ತೀಚೆಗಷ್ಟೇ ನಟ ಅಭಿಷೇಕ್ ಅಂಬರೀಷ್ (Abhishek ambareesh) ಅವರ ಮದುವೆ ಸುದ್ದಿ ಸ್ಯಾಂಡಲ್ವುಡ್ (Sandalwood) ಅಂಗಳದಲ್ಲಿ ಕೇಳಿಬಂದಿತ್ತು. ಆದರೆ, ಈ ಸುದ್ದಿಯನ್ನು ಅಭಿಷೇಕ್ ತಳ್ಳಿಹಾಕಿದ್ದರು. ಆದರೆ, ಇದೀಗ ಮದುವೆ ವಿಚಾರ ಖಚಿತ ಎಂಬುದು ಅಂಬರೀಷ್ ಕುಟುಂಬದ ಆಪ್ತ ಮೂಲಗಳಿಂದ ತಿಳಿದುಬಂದಿದೆ. ಶೀಘ್ರದಲ್ಲೇ ಅಭಿ ನಿಶ್ಚಿತಾರ್ಥ (Engagement) ನಡೆಯಲಿದೆ ಎನ್ನಲಾಗುತ್ತಿದೆ.
ಅಂದಹಾಗೆ ಅಭಿ ಕೈಹಿಡಿಯಲಿರುವ ಹುಡುಗಿ ಯಾರು ಎಂಬ ಪ್ರಶ್ನೆಗು ಇದೀಗ ಉತ್ತರ ಸಿಕ್ಕಿದೆ. ಮಾಡೆಲ್ ಒಬ್ಬರ ಜೊತೆ ಅಭಿ ಮದುವೆ ಆಗಲಿದೆಯಂತೆ. ಆ ಮಾಡೆಲ್ ಯಾರೆಂದರೆ, ಫ್ಯಾಷನ್ ಲೋಕದ ಖ್ಯಾತ ನಾಮ ಪ್ರಸಾದ್ ಬಿದ್ದಪ್ಪ ಅವರು ಮಗಳು ಅವಿವಾ ಬಿದ್ದಪ್ಪ (Aviva bidapa) ಜೊತೆ ಅಭಿಷೇಕ್ ಹಸೆಮಣೆ ಏರಲಿದ್ದಾರೆ ಎನ್ನುವ ಸುದ್ದಿ ಅಭಿಷೇಕ್ ಆಪ್ತ ಬಳಗದಿಂದಲೇ ಕೇಳಿಬಂದಿದೆ.
ಇದೀಗ ಬಂದಿರುವ ಇನ್ನೊಂದು ಸಂಗತಿ ಏನೆಂದರೆ, ಅವಿವಾ ಮತ್ತು ಅಭಿ ನಾಲ್ಕು ವರ್ಷಗಳಿಂದ ಲವ್ ಮಾಡುತ್ತಿದ್ದಾರೆ ಎಂದು ಹೇಳಲಾಗಿದೆ. ಇಬ್ಬರು ಮದುವೆಗೆ ಎರಡೂ ಕುಟುಂಬಗಳು ಒಪ್ಪಿದ್ದು, ಮುಂದಿನ ಡಿಸೆಂಬರ್ ತಿಂಗಳ ಮೊದಲು ಅಥವಾ ಎರಡನೇ ವಾರದಲ್ಲಿ ನಿಶ್ಚಿತಾರ್ಥ ಮಾಡಲು ಎರಡೂ ಮನೆಯವರು ಸಿದ್ಧತೆ ಮಾಡಿದ್ದಾರೆಂದು ತಿಳಿದುಬಂದಿದೆ.
ನಿಶ್ಚಿತಾರ್ಥ ಆಗುವವರೆಗೂ ಹುಡುಗಿ ಯಾರು ಎಂಬುದು ಯಾರಿಗೂ ತಿಳಿಯದಂತೆ ರಹಸ್ಯ ಕಾಪಾಡುವ ಪ್ರಯತ್ನ ಮಾಡುತ್ತಿದ್ದಾರೆ. ಹೀಗಾಗಿ ಮದುವೆ ಅಥವಾ ಎಂಗೇಜ್ಮೆಂಟ್ ಬಗ್ಗೆ ಸಂಸದೆ ಸುಮಲತಾ ಅಂಬರೀಷ್ ಆಗಲಿ ಅಥವಾ ಅಭಿಷೇಕ್ ಆಗಲಿ ಸರಿಯಾಗಿ ಪ್ರತಿಕ್ರಿಯೆ ನೀಡುತ್ತಿಲ್ಲ. ಅಡ್ಡಗೋಡೆ ದೀಪ ಇಟ್ಟಂತೆ ಮಾತನಾಡುತ್ತಿದ್ದಾರೆ.
ಸದ್ಯ ಅಭಿಷೇಕ್ ಕಾಳಿ ಸಿನಿಮಾ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದು, ಇನ್ನು ಕೆಲವೇ ದಿನಗಳಲ್ಲಿ ಅಭಿಷೇಕ್ ನಿಶ್ಚಿತಾರ್ಥ ನೆರವೇರಲಿದೆ ಎಂದು ಹೇಳಲಾಗುತ್ತಿದೆ.
ಯುವಕನ ಜತೆ ಆಂಟಿ ಲವ್ವಿಡವ್ವಿ: ವಿವಾಹೇತರ ಸಂಬಂಧಕ್ಕೆ ಅಡ್ಡಿಯಾದ ಗಂಡನನ್ನೇ ಕೊಂದ ಕಿರಾತಕಿ
ಹೆಚ್ಚಿನ ಚಿಕಿತ್ಸೆಗಾಗಿ ದಕ್ಷಿಣ ಕೊರಿಯಾಗೆ ಸಮಂತಾ ಶಿಫ್ಟ್! ಈ ಸುದ್ದಿ ನಿಜವೇ? ಆಪ್ತ ಮೂಲಗಳು ಹೇಳುವುದೇ ಬೇರೆ