ನವದೆಹಲಿ: ಐಷಾರಾಮಿ ಹೋಟೆಲ್ ಎಂದರೆ ಎಲ್ಲ ಆತಿಥ್ಯವೂ ಚೆನ್ನಾಗಿಯೇ ಇರುತ್ತದೆ. ಮಾತ್ರವಲ್ಲ, ಊಟ-ವಸತಿ ವ್ಯವಸ್ಥೆ ಕೂಡ ಗುಣಮಟ್ಟದ್ದಾಗಿರುತ್ತದೆ. ಆದರೆ ಇಲ್ಲೊಂದು ಕಡೆ ದುಬಾರಿ ಬಾಡಿಗೆ ನೀಡಿ ವಾಸ್ತವ್ಯ ಹೂಡಿದ್ದ ಮಹಿಳೆಗೆ ಒಂದೇ ರಾತ್ರಿ 200 ತಿಗಣೆ ಕಡಿತಕ್ಕೆ ಒಳಗಾಗುವಂತಾಗಿದೆ.
ಶರೊನ್ ಹಸ್ಲಾಂ ಎಂಬ ಮಹಿಳೆ ಯುಕೆಯ ಬ್ಲ್ಯಾಕ್ಪೂಲ್ನ ಕೆಲಿಪ್ಸೊ ಹೋಟೆಲ್ನಲ್ಲಿ ಫ್ರೆಂಡ್ ಬರ್ತ್ಡೇ ಸಲುವಾಗಿ ರೂಮ್ ಬಾಡಿಗೆ ಪಡೆದಿದ್ದಳು. ಎರಡು ರಾತ್ರಿಯ ವಾಸ್ತವ್ಯಕ್ಕೆ 17,000 ರೂ. ನೀಡಿ ಬುಕ್ ಮಾಡಿದ್ದ ಹೋಟೆಲ್ ರೂಮ್ನಲ್ಲಿ ತಂಗಿದ್ದ ಈಕೆ ಒಂದೇ ರಾತ್ರಿಯಲ್ಲಿ ಬರೋಬ್ಬರಿ 200 ತಿಗಣೆ ಕಡಿತ ಅನುಭವಿಸುವಂತಾಗಿದೆ.
ಇದನ್ನೂ ಓದಿ: ಮುಂದಿನ ಒಲಿಂಪಿಕ್ ನಡೆಯಲಿರುವ ಪ್ಯಾರಿಸ್ನಲ್ಲಿ ತಿಗಣೆಗಳ ಕಾಟ!
ಈಕೆ ತನ್ನ ಫ್ರೆಂಡ್ ಮರಿಯನ್ ಪಿಯರ್ಸನ್ ಬರ್ತ್ಡೇಗೆ ಆಚರಣೆ ಸಲುವಾಗಿ ಸೆಪ್ಟೆಂಬರ್ನಲ್ಲಿ ಈ ರೂಮ್ ಬುಕ್ ಮಾಡಿದ್ದಳು. ಆದರೆ ಇಲ್ಲಿ ಮಲಗಿದ್ದ ಈಕೆ ತಿಗಣೆ ಕಡಿತದಿಂದಾಗಿ ಮೈತುಂಬಾ ಕಡಿತ-ದದ್ದುಗಳನ್ನು ಅನುಭವಿಸಬೇಕಾಯಿತು ಎಂದು ಅಲ್ಲಿನ ಮಾಧ್ಯಮವೊಂದು ವರದಿ ಮಾಡಿದೆ.
ಕೊಠಡಿಗೆ ಪ್ರವೇಶ ಮಾಡಿದ್ದಾಗ ಎಲ್ಲವೂ ಸರಿಯಾಗಿ ಚೆನ್ನಾಗಿಯೇ ಇತ್ತು. ಆದರೆ ಮರುದಿನ ಬೆಳಗ್ಗೆ ಎದ್ದಾಗ ಬೆಡ್ಶೀಟ್ನ ಮೇಲೆ ರಕ್ತದ ಕಲೆಗಳಾಗಿದ್ದವು. ಏನಾಯ್ತು ಎಂದು ತಿಳಿದುಕೊಳ್ಳಲು ಹತ್ತು ನಿಮಿಷ ಬೇಕಾಯಿತು. ನಂತರ ರೂಮ್ ಬುಕ್ ಮಾಡಿದ್ದ ವೆಬ್ಸೈಟ್ನವರಿಗೆ ತಿಳಿಸಿದಾಗ ಅವರು ಪೂರ್ತಿ ಹಣ ಹಿಂಪಾವತಿ ಮಾಡಿದರು. ಬಳಿಕ ಪರಿಹಾರ ರೂಪದಲ್ಲೂ ಹಣ ನೀಡಿದರು ಎಂದಿರುವ ಈಕೆ, ಅದೊಂದು ಭಯಂಕರ ಅನುಭವ ಎಂದು ಅಲ್ಲಿನ ವಾಸ್ತವ್ಯದ ಕುರಿತು ಅನುಭವ ಹೇಳಿಕೊಂಡಿದ್ದಾಳೆ.
ಭಿಕ್ಷೆ ಬೇಡುತ್ತಿದ್ದ ವಿದೇಶಿ ಮಹಿಳೆಯ ಬದುಕು ಬದಲಿಸಿದ ಭಾರತೀಯ; ಯಾರೀಕೆ, ಈಗೇನು ಮಾಡುತ್ತಿದ್ದಾರೆ?
ಮಂಚದಡಿಯಲ್ಲಿ ಕೋಟಿಗಟ್ಟಲೆ ಹಣ!; ತಿರುಗುಬಾಣ ಆಗಲಿದೆಯೇ 40% ಕಮಿಷನ್ ಪ್ರಕರಣ?